Mathiơ 9:37 - Sơ̆p Hlabơar Nơ̆r 'Bok Kei-Dei

³⁷ Yêsu 'bôh bơngai tơpôl lơ noh, na Sư pơma pơtih gia kơ lu bơngai pơhrăm păng Sư gah tơdrong đei lơ bơngai tam mă lui, mă-lei hui bơngai năm bơtho lu sư: “'Bôh ră 'ba lơ dôm noh, mă-lei hui bơngai wă năm kĕch iŏk.

Mathiơ 9:37 Referans Kwoze

Luka 10:2

Yêsu pơma pơtih gia kơ lu sư gah tơdrong đei lơ bơngai tam mă lui đei hui bơngai năm bơtho lu sư: “'Ba lơ ră mă-lei hui bơngai năm kĕch ăn. Thoi noh na bơ̆n athei adrin krao khan apinh tơ'ngla tơm mir wă wơh lơ bơngai năm tơgŭm kĕch.

Markôs 16:15

Yêsu khan kơ lu sư: “Iĕm athei năm jơ̆p-jang kơ teh đak bơtho tơdrong 'nao 'lơ̆ng kơ đĭ-đăng bơngai.

I Kor 3:9

Nhôn jang tơdrong 'Bok Kei-Dei hơdai. Na iĕm dang mir 'Bok Kei-Dei, dang hnam 'Bok Kei-Dei mơ̆n.

Mathiơ 28:19

Thoi noh năm bĕ lu iĕm, bơtho kơ đĭ-đăng lu khŭl bơngai jơ̆p kơ teh đak, athei lu sư lui kiơ̆ kơ Inh, pơm 'batem kơ lu sư krao anăn Yang 'Bă, Yang Kon, hăm Yang Bơhngol 'Lơ̆ng wă kơ đe nai băt kơ lu sư lui boih.

II Kor 6:1

Kơlih kơ thoi noh na nhôn bơngai jang tơgŭm tơdrong 'Bok Kei-Dei, nhôn wă khan kơ iĕm thoi âu: Iĕm sơng iŏk Yêsu Krist boih, iĕm 'nĕ kơ pơ'mêm tŭk Sư kư̆ kă;

Jang 16:9

Truh tơ Pơlei Trôs boih Pôl tep kơmăng sư apo 'bôh minh 'nu bơngai đơ̆ng dêh char Masêđôn pơma kơ sư khan: “Apinh ih năm tơ dêh char Masêđôn tơgŭm lu nhôn 'biơ̆.”

Luka 24:47

Na đe gô bơtho đơ̆ng Pơlei Jêrusalem truh tơ jơ̆p kơ teh đak athei đĭ-đăng khŭl bơngai tơbral kơdih tơdrong yoch na 'Bok Kei-Dei gô pơklaih yoch lu sư, yua kơ Inh lôch tang lu sư.

Horiso 68:11

Kră Yang hơtă nơ̆r; mă lu drŏ-kăn kư̆m roi tơbăt nơ̆r ei kư̆m thoi minh khŭl lơ dêh.

I Tim 5:17

Lu kră wei-lăng bơngai lui bơngai bu jang 'lơ̆ng iĕm thim 'biơ̆ jên khei sư, mă loi lu bơngai bơtho tơdrong 'Bok Kei-Dei.

Kôlôsê 4:11

Jôsuê mă đe anăn Jutu, sư kư̆m jet gia iĕm. Dôm lu bơngai jang hơdai hăm inh bơtho tơdrong 'Bok Kei-Dei lăp pêng 'nu lu đe âu đĕch bơngai Juđê. Lu sư tơgŭm inh dêh na inh hiôk lăm jơhngơ̆m tơpă.

Jang 18:10

Yua kơ Inh oei hơdai păng ih ling-lang ưh kơ đei bu gơh pơrăm ih ôh, yua kơ đei lơ bơngai lăm pơlei âu gô lui kơ Inh.”

Mathiơ 9:38

Thoi noh na bơ̆n athei adrin krao khan apinh tơ'ngla tơm mir âu wă wơh lơ bơngai năm tơgŭm kĕch iŏk 'ba âu.”

Mathiơ 20:1

“Pơtih gia 'Bok Kei-Dei wă pơgơ̆r bơ̆n thoi âu: Thoi minh 'nu tơ'ngla mir đơ̆ng pơgê hrôih chă bơngai jang tơ mir hơmu sư.

Ya 5:4

Lu bơngai jang kơ mir iĕm, kĕch 'ba iĕm, iĕm drơ̆ng kơ apah sư, mă iĕm ưh kơ apah, iĕm hơlĕnh pơ'brơh kơ sư, na 'bơ̆r lu sư nhơ̆m hmoi kơtơ̆ng truh tơ Kră Yang 'Bok Kei-Dei ti.