Mathiơ 9:35 - Sơ̆p Hlabơar Nơ̆r 'Bok Kei-Dei

³⁵ Yêsu năm chă bơtho tơ rim pơlei tih iĕ, tơ lăm hnam akŭm, bơtho gah tơdrong 'nao 'lơ̆ng 'Bok Kei-Dei wă pơgơ̆r bơ̆n. Păng Sư pơklaih rah dôm tơdrong jĭ jăn kon pơlei pơla pơmat-tat.

Mathiơ 9:35 Referans Kwoze

Jang 10:38

'Bok Kei-Dei ăn kơ Yêsu đơ̆ng Pơlei Nasaret Yang Bơhngol 'Lơ̆ng tơgŭm Sư pơm tơdrong mơsêh mơyang. Yêsu năm chă tơgŭm đe păng pơklaih đĭ-đăng bơngai đơ̆ng yang Satan pơđep. Yêsu gơh pơm thoi noh yua kơ 'Bok Kei-Dei tơgŭm Sư.

Markôs 6:56

Yêsu năm tơ yơ yơ, mă pơlei tih iĕ, na đe tơ'bĭch lê̆ lu bơngai jĭ jăn tơ kơchơ. Na đe apinh Sư asong pel tơdrơi ao Sư đĕch. Bu pel 'bơm tơdrơi ao Sư, klaih hloi kơ jĭ.

Mathiơ 11:5

Lu măt tol gơh 'bôh hơdah, lu jơ̆ng kue mah gơh yak, lu jĭ chin mah klaih, lu klĭk gơh kơtơ̆ng, lu bơngai lôch mah gơh iung arih, lu bơngai dơnuh hin mah mơ̆ng Inh bơtho tơdrong 'nao 'lơ̆ng.

Luka 13:22

Yêsu năm tơ Pơlei Jêrusalem, Sư drong bơtho rah pơlei đe kiơ̆ trong Sư yak tơ ei.

Jang 2:22

Pêtrôs oei pơma: “Ơ lu đe Isơrael, mơ̆ng inh bĕ. Yêsu Pơlei Nasaret, bơngai mă 'Bok Kei-Dei wơh Sư pơm tơdrong mơsêh mơyang, pơm tơdrong hlĭch hlăch, tơ'bôh kơ iĕm tơdrong chrơp, 'Bok Kei-Dei yua Sư pơm lu tơdrong 'noh tơ lăm lu iĕm, thoi lu iĕm đei băt boih.

Markôs 6:6

Yêsu lăng hlĭch yua kơ đe ưh kơ wă lui kơ Sư. Na Sư năm chă bơtho tơ lu pơlei jơjê̆ kiơ̆ pơlei Sư ei.

Mathiơ 11:1

Yêsu bơtho khan kơ mơjĭt-'bar 'nu bơngai pơhrăm păng Sư đang boih, na Yêsu năm chă bơtho kon pơlei pơla tơring ei.

Mathiơ 10:1

Yêsu krao mơjĭt-'bar 'nu bơngai pơhrăm păng Sư, ăn kơ lu sư gơh pơpuh tơlĕch lu yang kơnê̆ đơ̆ng akâu bơngai păng ăn kơ lu sư gơh pơklaih rim tơdrong jĭ jăn kon bơngai.

Markôs 1:14

Lăp đơ̆ng rŏng kơ đe phak Yôhan, Yêsu năm tơ dêh Galilê chă bơtho đe tơdrong 'nao 'lơ̆ng 'Bok Kei-Dei.