Mathiơ 8:5 - Sơ̆p Hlabơar Nơ̆r 'Bok Kei-Dei

⁵ Yêsu năm tơ Pơlei Kapernum. Tơ ei đei minh 'nu 'bok tih linh sư bơngai Rôm, chă Yêsu. Lăp 'bôh boih na sư apinh thoi âu:

Mathiơ 8:5 Referans Kwoze

Mathiơ 27:54

'Bok tih linh păng lu linh sư wei Yêsu, lu sư 'bôh teh adrŏ păng dôm tơdrong hlĭch noh, lu sư hli dêh, na lu sư khan: “Sư âu Kon 'Bok Kei-Dei tơpă.”

Jang 27:43

Mă-lei 'bok yŏng linh ưh kơeng wă pơlôch Pôl, na păng ưh kơ ăn pơlôch đĭ-đăng bơngai phak. Mă hơdrol sư athei lu bơngai gơh glơi kơtah tơ đak glơi tŏk tơ kông.

Jang 27:31

Na Pôl khan kơ 'bok yŏng linh hăm lu linh sư: “Tơdah lu tơ'ngla wei thŏng-nan jăk, bơ̆n gô lôch đĭ-đăng.”

Jang 23:17

Na Pôl krao minh 'nu 'bok phŏ linh păng khan: “Apinh ih năm ba bơngai tơdăm âu tơ 'bok yŏng ih. Sư đei tơdrong wă pơma hăm yŏng ih.”

Mathiơ 4:13

Yêsu ưh pă oei tơ pơlei Sư Nasaret boih, na Sư năm oei tơ Pơlei Kapernum. Pơlei ei kiơ̆ jih đak dơsĭ Galilê lăm tơring Sabalôn păng tơring Naptali.

Jang 27:13

Klaih kơ noh kial dơhlu dă 'biơ̆ đơ̆ng gah gơal, na lu bơngai oei lăm thŏng-nan ei dui atŏk mam pơkơ̆ng thŏng-nan tơ kơpal boih na gơh năm. Nhôn năm jê̆ jih bŏl đak Kret.

Jang 23:23

Yua kơ tơdrong noh boih na 'bok tih linh krao hloi 'bar 'nu phŏ sư na khan: “Biĕm krao 'bar-hrĕng 'nu linh năm jơ̆ng hoh, tơpơh-jĭt 'nu linh hao aseh, 'bar-hrĕng 'nu linh chĕp tak. Athei lu sư hơmet bĕ năm tơ Pơlei Sêsarê tơsĭn jơ măng kơnh.

Jang 22:25

Lu linh chô̆ Pôl wă kơ teh sư. Na Pôl khan kơ 'bok phŏ linh oei 'bơ̆t ei thoi âu: “Iĕm ưh kơ gơh teh inh ôh, yua kơ inh bơngai Rôm lei-lăi thoi iĕm mơ̆n, na lu đe kră tam mă năm sek tơlang tơdrong inh.”

Markôs 15:39

Đei minh 'nu 'bok tih linh dơ̆ng tơ anăp Yêsu 'bôh Sư kơtĕch jơhngơ̆m thoi noh, na sư khan: “Bơngai âu boih Kon 'Bok Kei-Dei tơpă.”

Markôs 2:1

Lăp 'bar pêng năr đơ̆ng rŏng dơ̆ng, Yêsu wih tơ Pơlei Kapernum na đe kơtơ̆ng ang Sư oei hnam,

Mathiơ 9:1

Đơ̆ng noh Yêsu brŏk tơ pơlei Sư kơdih pah to đak.

Mathiơ 11:23

Bĭ iĕm, ơ Pơlei Kapernum, iĕm tơchĕng iĕm tih dang yơ, iĕm tih atŏ truh tơ plĕnh ti hă? Mă-lei 'Bok Kei-Dei wă tơhuŏng iĕm truh tơ dơnâu ŭnh sŭng. Dah Inh pơm lơ tơdrong mơsêh mơyang tơ Pơlei Sôđôm sơ̆ dang Inh pơm tơ pơlei iĕm dang ei, lei Pơlei Sôđôm tơbral kơdih tơdrong yoch 'bônh đĕch. Lei 'Bok Kei-Dei huay kơ soh pơlei sư ôh sơ̆, pơlei sư oei truh dang ei đĕch.

Jang 9:38

Pơlei đe Japa jê̆ pơlei đe Liđa. Lu bơngai lui kiơ̆ Yêsu kơtơ̆ng Pêtrôs oei tơ pơlei đe Liđa, sư wơh 'bar 'nu bơngai năm krao Pêtrôs đơ̆ng pơlei đe Liđa. Sư khan: “Ơ Pêtrôs, ih năm tơgŭm 'biơ̆ nhi bĕ, yua kơ nhôn đei bơngai lôch boih.”