Mathiơ 8:4 - Sơ̆p Hlabơar Nơ̆r 'Bok Kei-Dei

⁴ Yêsu khan: “Ih 'nĕ chă roi kơ đe. Dang ei ih klaih boih na ih năm tơ'bôh akâu ih kơ 'bok soi păng ih soi sơmah kơ 'Bok Kei-Dei kiơ̆ thoi Môis pơkă sơ̆ wă kơ đe băt tơdrong jĭ ih klaih tơpă boih.”

Mathiơ 8:4 Referans Kwoze

Luka 17:14

Yêsu 'bôh lu đe ei na Sư khan thoi âu: “Iĕm năm tơ'bôh akâu iĕm tơ 'bok soi bĕ, wă kơ sư lăng iĕm tam klaih kơ jĭ.” Đơ̆ng noh na lu sư năm. Kơplah lu sư oei năm rok trong, na jĭ lu sư klaih hloi.

Luka 5:14

Na Yêsu pơkă kơ sư khan: “Ih 'nĕ chă roi kơ đe hŏ. Dang ei ih klaih boih na ih năm tơ'bôh akâu ih kơ 'bok soi păng soi sơmah kơ 'Bok Kei-Dei kiơ̆ thoi Môis pơkă sơ̆ wă kơ đe băt tơdrong jĭ ih klaih tơpă boih.”

Markôs 7:36

Yêsu khan kơ lu sư: “'Nĕ chă roi kơ đe.” Mă-lei lăp Yêsu khă lu sư, lu sư rai ră roi kơ đe.

Mathiơ 9:30

Đang Yêsu pơma thoi noh, na măt bre sư klaih hloi. Yêsu khan tơdrăp kuă ăn bre sư roi kơ đe ră.

Markôs 6:11

Dah anih tơ yơ yơ ưh kơ sơng iŏk iĕm păng ưh kơ mơ̆ng nơ̆r iĕm bơtho, thoi noh na lăp iĕm brŏk đơ̆ng pơlei noh iĕm sơpuih 'bruih tơ jơ̆ng iĕm tơbăt kơ lu sư 'Bok Kei-Dei wă phak lu sư ning-mônh.”

Markôs 5:43

Yêsu khă mĕ 'bă adruh ei hơdrol khan: “Biĕm 'nĕ chă roi kơ đe hŏ.” Đơ̆ng noh Yêsu athei mĕ sư sŏ ăn kơ kon adruh sư ei tơmam sŏng sa.

Mathiơ 17:9

Klaih kơ noh na lu sư jur đơ̆ng kông noh na Yêsu khă lu sư thoi âu: “Iĕm 'nĕ chă roi kơ đe hŏ dôm tơdrong iĕm 'bôh hei đơ̆ng dang ei truh Inh Kon Bơngai iung arih đơ̆ng lôch ning-mônh.”

Mathiơ 10:18

Păng đe gô jao iĕm kơ lu 'bok tih păng 'bok pơtao yua kơ iĕm jang tơdrong Inh. Iĕm kư̆m gơh ră roi kơ lu sư păng roi kơ lu bơngai dêh đe tơdrong 'nao 'lơ̆ng Inh.

Mathiơ 6:1

“Iĕm athei kơchăng, 'nĕ pơang tơdrong 'lơ̆ng iĕm pơm kơ đe 'bôh; dah iĕm pơang tơ'bôh kơ đe tơdrong 'lơ̆ng iĕm pơm, lei 'Bă bơ̆n tơ plĕnh ti ưh kơ bơnê kơ iĕm ôh.

Mathiơ 5:17

“Iĕm 'nĕ tơchĕng 'bôh Inh truh tơ âu khan Inh wă pơrăm đĭ dôm tơdrong juăt Môis dah tơdrong lu 'bok pơtruh nơ̆r 'Bok Kei-Dei sơ̆. Ưh ôh, Inh truh tơ âu kang wă jang mă tôm mă 'blep tôm tơdrong lu sư bơtho khan sơ̆.

Êsai 42:21

Kơ tơdrong 'lơ̆ng tơpăt Sư kơdih Kră Yang lăp đon, Sư gô pơm kơ khôi juăt Sư hơdah păng ư-ang.

Yo 8:50

Inh ưh kơ chă pơư pơang akâu Inh kơdih ôh. Đei minh 'nu 'Bok, Sư wă pơư pơang Inh păng Sư gô sek tơlang tơdrong bơ̆n âu tơpăt.

Yo 7:18

Bơngai bu bơtho kiơ̆ kơ đon sư tơchĕng kơdih, bơngai 'noh sư wă pơang akâu sư kơdih đĕch. Mă-lei dah bơngai bu bơtho wă pơư pơang nơ̆r 'Bok mă wơh sư, bơngai 'noh bơtho tơpăt, ưh kơ đei layơ hơlĕnh.

Yo 5:41

“Inh ưh kơ wă kon bơngai ang Inh hơgei ôh, Inh wă kơ 'Bă Inh đĕch lăp đon kơ Inh.

Luka 21:13

Đe rôp iĕm ră, mă-lei iĕm kư̆m gơh ră roi kơ sư tơdrong 'nao 'lơ̆ng kơplah iĕm dơ̆ng 'bơ̆t anăp lu sư.

Markôs 8:30

Na Yêsu khă lu bơngai pơhrăm păng Sư kuă ăn chă roi kơ đe khan Sư 'Bok Krist.

Mathiơ 16:20

Đang Sư pơma thoi noh boih na Sư khă lu bơngai pơhrăm păng Sư kuă ăn roi kơ đe Sư boih 'Bok Krist.

Mathiơ 3:15

Yêsu khan kơ sư: “Bĕ ih jah pơm kơ Inh, ba pơm kiơ̆ thoi noh, wă kơ ba pơm trŏ thoi 'Bok Kei-Dei wă.” Thoi noh na Yôhan chu kơ nơ̆r Sư.

Markôs 13:9

“Păng iĕm athei kơchăng kơdih yua kơ đe gô rôp iĕm jao kơ lu kră sek tơlang. Đe gô tôn teh iĕm tơ lăm hnam akŭm đe Juđê. Đe kư̆m gô anhăk iĕm dơ̆ng 'bơ̆t anăp lu 'bok tih hăm lu 'bok pơtao yua kơ iĕm lui kơ Inh, na iĕm kư̆m gơh ră roi kơ lu sư băt kơ inh.

Lêwi 13:49

Tơdah phơ̆k noh jơk dah 'brê, tơ hơbĕn ao dah tơ tơmam akar, tơ brai tơdơ̆ng dah tơnanh dah tơ minh blah akar noh jơ̆ phơ̆k, đe gô tơ'bôh kơ 'bok soi.

Markôs 3:12

Na Yêsu khă sư: “'Nĕ tơbăt anăn Inh kơ đe.”

Markôs 9:9

Klaih kơ noh lu sư jur đơ̆ng kông noh na Yêsu khă lu sư thoi âu: “Iĕm 'nĕ chă roi kơ đe hŏ dôm tơdrong iĕm 'bôh hei, đơ̆ng dang ei truh Inh Kon Bơngai iung arih đơ̆ng lôch ning-mônh.”

Luka 4:41

Na Yêsu kư̆m pơpuh lơ lu yang kơnê̆ lĕch đơ̆ng akâu đe. Na yang kơnê̆ ei khan kơ Yêsu: “Ih boih Kon 'Bok Kei-Dei tơpă.” Mă-lei Yêsu khă lu yang kơnê̆ ei kuă ăn pơma, yua kơ lu sư băt kơ Yêsu 'Bok Krist gô wă tơbăt ăn Sư kơ đe.

Luka 8:56

Mĕ 'bă sư sơleng kơ đon. Na Yêsu khă bre sư khan: “Biĕm 'nĕ kơ chă roi kơ đe hŏ.”

Luka 9:21

Na Yêsu khă lu bơngai pơhrăm păng Sư kuă ăn kơ lu sư chă roi kơ đe Sư boih 'Bok Krist.