Mathiơ 6:21 - Sơ̆p Hlabơar Nơ̆r 'Bok Kei-Dei

²¹ Dah iĕm đei mŭk tơmam tơ plĕnh ti, jơhngơ̆m đon iĕm kư̆m tơchĕng tơ noh mơ̆n. Dah iĕm đei mŭk tơmam tơ teh âu, jơhngơ̆m đon iĕm kư̆m tơchĕng tơ teh âu mơ̆n.

Mathiơ 6:21 Referans Kwoze

II Kor 4:18

Tơdrong kiơ mă bơ̆n gơh 'bôh, nhôn ưh kơ tơchĕng ôh; nhôn tơchĕng kơ tơdrong mă bơ̆n ưh kơ gơh 'bôh, yua kơ dôm tơdrong măt bơ̆n gơh 'bôh sư hiong tôch, ưh kơ gơh oei ling-lang ôh. Pôm tơdrong măt bơ̆n ưh kơ gơh 'bôh đĕch, gơh oei ling-lang ưh kơ layơ tôch.

Luka 12:34

Dah iĕm đei mŭk tơmam tơ plĕnh ti, jơhngơ̆m đon iĕm kư̆m tơchĕng tơ noh mơ̆n. Dah iĕm đei mŭk tơmam tơ teh âu, jơhngơ̆m đon iĕm kư̆m tơchĕng tơ teh âu mơ̆n.

Tơdrông Pơđơk 4:23

Kơchăng bĕ ling-lang wă kơ wei-lăng jơhngơ̆m ih, Yua kơ tơdrong arih tơm lĕch đơ̆ng noh.

Êsai 33:6

Sư bơih gô pơm kơjăp lăm chăl lu iĕm, Sư boih tơdrong dŏng pơklaih, tơdrong hlôh wao, tơdrong gơh hơgei 'bĕnh blai, tơdrong hli yom kơ Kră Yang jơ̆ tơmam gĭt iĕm.

Hêbrơ 3:12

Ơ 'nhŏng oh, iĕm athei kơchăng hli kơ iĕm đei jơhngơ̆m kơnê̆ jing kuă kơ lui, achăng lê̆ 'Bok Kei-Dei Kră Yang mă arih ling-lang.

Je 4:14

Ơ kon pơlei Jêrusalem ôp mă rơgoh bĕ jơhngơ̆m kơnê̆ iĕm, wă kơ iĕm gơh đei dŏng pơklaih. Lu iĕm răk mong tơdrong kơnê̆ tơ lăm jơhngơ̆m lu iĕm dĭng dang yơ?

Mathiơ 12:34

Iĕm âu bơngai dang 'bih, iĕm ưh kơ layơ wă pơma 'lơ̆ng 'biơ̆ tŏ sĕt, yua kơ iĕm bơngai kơnê̆ dêh. Lăm to iĕm tơchĕng thoi yơ, 'bơ̆r iĕm pơma kiơ̆ thoi noh mơ̆n.

Jang 8:21

'Bok Kei-Dei ưh kơ ăn kơ ih tơdrong âu ôh yua kơ Sư 'bôh jơhngơ̆m ih ưh kơ 'lơ̆ng păng Sư.

Je 22:17

Mă-lei măt păng jơhngơ̆m ih 'maih chă lơi, pơlôch lu bơngai ưh kơ đei yoch, păng 'maih chă rôp pơgŏ pơjuă pơđep pơm kơnê̆ dêh.

Phil 1:3

Nhi krao khan apinh 'Bă tơm bơ̆n 'Bok Kei-Dei hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

Phil 1:19

Âu hŏ, tơ̆ng ih wă kơ sư duh kơ ih, dang ei inh chih hla bơar kơ ih păng ti inh kơdih, inh wă kơ ih băt kơ inh wă duh dŏng sư tơpă. Mă-lei ih kư̆m dang bơngai hre kơ inh mơ̆n kơlih kơ ih lui kơ Yêsu Krist đơ̆ng inh bơtho.

Mathiơ 6:22

“Măt pơm ŭnh kơđeng kơ akâu bơ̆n. Dah măt bơ̆n hơdah 'lơ̆ng ưh kơ hưch hanh tơdrong ala teh, lei tôm tơdrong akâu bơ̆n jang kư̆m 'lơ̆ng mơ̆n.