Mathiơ 6:1 - Sơ̆p Hlabơar Nơ̆r 'Bok Kei-Dei

¹ “Iĕm athei kơchăng, 'nĕ pơang tơdrong 'lơ̆ng iĕm pơm kơ đe 'bôh; dah iĕm pơang tơ'bôh kơ đe tơdrong 'lơ̆ng iĕm pơm, lei 'Bă bơ̆n tơ plĕnh ti ưh kơ bơnê kơ iĕm ôh.

Mathiơ 6:1 Referans Kwoze

Mathiơ 23:5

“Dôm tơdrong sư pơm, sư wă kơ đe 'bôh na ư-ang kơ sư, khan sư bơngai 'lơ̆ng. Kơdŭng lu sư tah hla bơar 'Bok Kei-Dei mă lu sư chô̆ 'băk tơ ako dah chô̆ bĕng tơ kơkŏng, kơdŭng noh lu sư pơm mă tih wă kơ đe 'bôh nhên; ao lu sư sĭt mă tai wă kơ đe 'bôh na ư-ang kơ lu sư.

Yo 12:43

Lu kră ei wă kơ lu bôl buăl sư lăp đon kơ lu sư hloh kơ lu sư wă kơ 'Bok Kei-Dei lăp đon kơ lu sư.

Hêbrơ 6:10

'Bok Kei-Dei Sư tơpăt dêh, Sư ưh kơ hiơt ôh dôm tơdrong jang iĕm mă sơ̆ mă dang ei, tơdrong iĕm 'mêm mơnat dih băl, tơdrong iĕm tơgŭm băl tơduă kon 'Bok Kei-Dei, yua kơ iĕm băt 'mêm kơ Sư.

Luka 16:15

Na Yêsu khan kơ lu sư: “Lu iĕm lăp đon kơ đe khan kơ iĕm bơngai 'lơ̆ng ră, mă-lei 'Bok Kei-Dei băt kơ jơhngơ̆m lu iĕm kơnê̆. Tơdrong kon bơngai ala teh âu pơang khan 'lơ̆ng ră, mă-lei 'Bok Kei-Dei lăng kơnê̆ kơ Sư.

Galati 6:12

Lu bơngai wă pơang akâu kơdih, sư wă kơ đe jô̆ sư bơngai 'lơ̆ng, mă tơpă sư boih wă pơgŏ iĕm kăt tơdra akar. Sư pơgŏ iĕm thoi noh sư wă kơ đe huay kơ areh păng pơm kơnê̆ kơ sư. Dah sư khan bơ̆n ưh kơ kăl kăt tơdra akar, athei lui kơ Yêsu Krist lôch tang bơ̆n tơ 'long pơglang đĕch, lei sư hli kơ đe nai pơm kơnê̆ kơ lu sư dơ̆ng.

Yo 5:44

Na lơliơ iĕm gơh lui lĕ? Ling-lang iĕm wă kơ bôl iĕm lăp đon kơ iĕm. Minh 'nu Kră Yang 'Bok Kei-Dei đĕch tih hloh tơpă mă-lei iĕm ưh kơ wă Sư lăp đon kơ iĕm.

Êsêkiên 33:31

Lu sư năm tơ ih thoi kon pơlei Inh juăt kơ năm, lu sư năm mơ̆ng nơ̆r ih thoi kon pơlei Inh; mă-lei lu sư ưh kơ pơm kiơ̆ tơdrong noh ôh 'bơ̆r lu sư pơm khan 'mêm mơnat, jơhngơ̆m lu sư chă tơdrong đei lơi yua kơdih akâu.

II Yo 1:8

Kơlih kơ thoi noh na iĕm athei kơchăng hŏ hli kơ lu sư hơlĕnh kơ iĕm, na iĕm lui kơ lu sư. Dah iĕm kơchăng tơpă lei dôm tơdrong iĕm jang iĕm huay kơ hiong ôh. Na iĕm gô đei iŏk tôm tơdrong apah ning-mônh.

Markôs 8:15

Yêsu khan kơ lu sư: “Iĕm athei kơchăng weh ataih kơ 'buih 'bĕng mi pông đe Pharisi păng 'buih 'bĕng mi pông Hêrôt.”

Mathiơ 6:16

“Năr iĕm ơ̆t kơ por wă kơkuh kơ 'Bok Kei-Dei, iĕm 'nĕ pơm đon sơ'ngon thoi lu bơngai pơang akâu. Lu sư pơm kơ akâu akar muh măt sư sơ'ngon, wă kơ đe băt tơdrong lu sư ơ̆t kơ por. Inh khan kơ iĕm tơpă, lu bơngai thoi noh tơdrong bơnê lu sư jơ̆ lu đe mă ư-ang kơ sư noh đĕch, ưh kơ đei đơ̆ng 'Bok Kei-Dei bơnê ôh.

Mathiơ 16:6

Yêsu khan kơ lu sư: “Iĕm athei kơchăng weh ataih kơ 'buih pông đe Pharisi păng đe Sađusê.”

Luka 12:15

Yêsu pơma dơ̆ng kơ đĭ-đăng bơngai kiơ̆ ei: “Iĕm athei kơchăng kơdih 'nĕ kơ mah hăt kơ mŭk tơmam dêh. Arih chơt hiôk ưh kơ đơ̆ng mơdrŏng ôh.”

Mathiơ 5:48

Thoi noh na iĕm athei 'mêm kơ đĭ-đăng bơngai kư̆m thoi 'Bă bơ̆n tơ plĕnh ti 'mêm kơ đĭ-đăng bơngai thoi noh mơ̆n.

Mathiơ 5:16

Lu iĕm athei pơchrang hơdah kơ đe tơdrong hơdah lu iĕm thoi noh mơ̆n, na đe băt kơ tơdrong iĕm pơm 'lơ̆ng, na đe bơnê hăm ư-ang kơ 'Bă bơ̆n tơ plĕnh ti.

Luka 11:35

Thoi noh na iĕm athei kơchăng hli kơ ŭnh iĕm păt.

Horiso 112:9

Sư hơmrah asong ăn tơmam kơ lu dơnuh hin. Tơdrong tơpăt sư oei oei ling-lang. Đe gô ư-ang kơ tơdrong jei sư

Luka 12:1

Klaih kơ noh đei lơ rơbâu 'nu bơngai akŭm tơ Yêsu truh kơ lu sư mah tơhmĕt tơhmot dih băl. Na Yêsu pơma kơdrô̆ kơ lu bơngai pơhrăm păng Sư thoi âu: “Iĕm athei kơchăng kơ lu bơngai Pharisi hŏ yua kơ lu sư bơngai 'bơ̆r đak klak ŭnh.

Mathiơ 25:40

Na Inh bơngai mă pơm Pơtao iĕm gô khan kơ iĕm thoi âu: ‘Inh khan kơ iĕm tơpă, yua kơ iĕm băt tơgŭm mơnat kơ lu 'nhŏng oh Inh âu mă iĕ hloh kơ lu iĕm đe sơ̆, tơdrong iĕm pơm noh dang iĕm tơgŭm Inh mơ̆n.’

Mathiơ 5:46

Dah iĕm 'mêm pôm lu bơngai mă 'mêm kơ iĕm đĕch, lei 'Bok Kei-Dei ưh kơ bơnê kơ iĕm ôh. Bĭ lu bơngai pơgŏ iŏk jên thuê̆ kư̆m băt 'mêm kơ bôl sư.

Sa 7:5

“Khan bĕ kơ đĭ-đăng kon pơlei oei kơpal teh păng lu 'bok soi thoi âu: ‘Lu iĕm nhơ̆m hmoi, ơ̆t kơ por lăm khei pơđăm, khei tơpơh, đei tơpơh-jĭt sơnăm kơ 'nâu, hăm trŏ yua kơ inh, iĕm ơ̆t kơ sŏng sa noh?

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Mathiơ 6:9

Iĕm athei krao khan thoi âu: ‘Ơ 'Bă lu nhôn mă oei tơ plĕnh ti, ăn anăn Ih jing ư-ang.

Both 24:13

tơdah pơkơ̆ng ao tai athei pơdrâu ăn kơ bơngai noh adrol kơ măt 'năr mơ̆t, wă kơ sư tep đei ao sư hrŭk tep, lei na sư bơnê kơ iĕm, jô̆ iĕm bơngai 'lơ̆ng tơpăt 'bơ̆t anăp Kră Yang 'Bok Kei-Dei iĕm.

Hêbrơ 2:1

Kơlih kơ thoi noh na dang ei bơ̆n kơtơ̆ng kơtăi boih dôm tơdrong đe bơtho, bơ̆n athei kơchăng 'biơ̆ hli kơ bơ̆n jrok trong nai dơ̆ng.

Da 4:27

Thoi noh! Ơ Pơtao, apinh ih mơ̆ng nơ̆r inh bơtho khan kơ ih; iŏk bĕ tơdrong tơpăt na huai iŏk đơ̆ng yoch, 'mêm bĕ kơ lu bơngai dơnuh hin wă huai iŏk đơ̆ng dôm tơdrong kơnê̆ ih pơm. Thoi noh tơdrong hiôk-hian ih gô oei đei đunh năr.

Hêbrơ 11:26

Sư tơchĕng lê̆ đe pơmat sư yua kơ sư kiơ̆ tơdrong 'Bok Krist, hiôk hloh kơ sư iŏk dôm mŭk tơmam pơtao tơ dêh Êyiptơ yua kơ ning-mônh sư băt kơ 'Bok Kei-Dei gô apah sư lơ hloh.

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

II Pot 10:31

Mă-lei Jêhu ưh kơchăng đĭ jơhngơ̆m pơm kiơ̆ tơdrong juăt Kră Yang 'Bok Kei-Dei Isơrael, sư ưh kơ weh achăng lê̆ đơ̆ng tơdrong yoch Jêrôbôam, bơngai mă pơhlŭ lu bơngai Isơrael pơm yoch.

II Pot 10:16

Păng sư khan: “Năm hơdai ĭnh bĕ, lăng jơhngơ̆m ĭnh tơnăp kơjăp hăm Kră Yang.” Thoi noh, Jônadap hao gre hơdai sư.

Sa 13:4

Kŭm lăm năr noh, dah lu 'bok khan lê̆ adrol, wă pơma lê̆ adrol lu sư gô mơlâu gah tơdrong mă đei tơ'bôh kơ lu sư; lu sư kư̆m ưh pă đei hrŭk ao tai đe tanh păng sŏk kon sem brem wă pơma hơlĕnh dơ̆ng.

Jang 3:12

Pêtrôs 'bôh lu sư năm na khan kơ lu sư: “Ơ khŭl Isơrael, iĕm ưh pơwao kiơ kơ đon, na iĕm lăng 'bloh kơ nhi tơdrong nhi pơklaih bơngai hơwen hơwo âu khan tơdrong mơsêh nhi pơm kơdih yua kơ nhi bơngai 'lơ̆ng? Ưh ôh.