Mathiơ 3:2 - Sơ̆p Hlabơar Nơ̆r 'Bok Kei-Dei

² Sư bơtho đe thoi âu: “Iĕm athei tơbral kơdih tơdrong yoch, yua kơ 'Bok Kei-Dei wă pơgơ̆r iĕm boih.”

Mathiơ 3:2 Referans Kwoze

Mathiơ 4:17

Đơ̆ng năr noh boih Yêsu pơtơm jang tơdrong Sư, Sư bơtho đe thoi âu: “Iĕm athei tơbral kơdih tôm tơdrong yoch, yua kơ 'Bok Kei-Dei wă pơgơ̆r iĕm boih.”

Markôs 1:15

Sư khan: “Năr âu trŏ kơ năr 'Bok Kei-Dei wă pơgơ̆r iĕm boih. Iĕm athei tơbral kơdih tôm tơdrong yoch iĕm, na lui kiơ̆ tơdrong 'nao 'lơ̆ng Sư.”

Da 2:44

Lăm chăl lu pơtao 'nâu Kră Yang 'Bok Kei-Dei kơpal plĕnh gô pơdŏng minh pôm dêh char ưh kơ đei layơ hiong răm, tơdrong dêh char noh pơgơ̆r ưh kơ đei minh adrĕch kon pơlei nai, kĕ tơgar iŏk, na sư iung pơrăm pơlôch đĭ lu dêh char mă đei adrol sơ̆ noh, na kơdih sư gô kơjăp ling-lang hloi.

Luka 24:47

Na đe gô bơtho đơ̆ng Pơlei Jêrusalem truh tơ jơ̆p kơ teh đak athei đĭ-đăng khŭl bơngai tơbral kơdih tơdrong yoch na 'Bok Kei-Dei gô pơklaih yoch lu sư, yua kơ Inh lôch tang lu sư.

Mathiơ 6:10

Ăn kơ dêh char Ih tĕnh truh. Ăn kơ tơdrong tơchĕng Ih gơh jing, mă tơ teh âu kư̆m thoi tơ plĕnh ti.

II Kor 7:10

Tơdrong sơ'ngon yua kơ bơ̆n băt kơ 'Bok Kei-Dei, na 'Bok Kei-Dei pơm kơ bơ̆n tơbral kơdih tơdrong yoch huay kơ sơ'ngon; mă-lei dah bơ̆n sơ'ngon kơ tơdrong ala teh, bơ̆n gô hiong răm đĕch ưh kơ yua kiơ kơ bơ̆n.

Mathiơ 10:7

Iĕm năm bơtho lu sư khan: ‘Năr âu trŏ năr 'Bok Kei-Dei wă pơgơ̆r iĕm boih.’

Jang 3:19

Dang ei iĕm athei tơbral, wih tơ 'Bok Kei-Dei dơ̆ng, na 'Bok Kei-Dei gô pơklaih yoch iĕm păng ăn kơ iĕm hiôk chơt;

Luka 15:10

Kư̆m thoi noh mơ̆n lu linh jang 'lơ̆ng 'Bok Kei-Dei hiôk tơpă mă 'bôh minh 'nu bơngai yoch băt băi tơbral kơdih tơdrong yoch.”

Luka 13:3

Ưh kơ trŏ ôh. Mă-lei dah lu iĕm ưh kơ tơbral kơdih tơdrong yoch, lei đĭ-đăng kơ lu iĕm kư̆m lôch lei-lăi thoi lu sư mơ̆n ning-mônh.

Luka 11:20

Mă tơpă đơ̆ng 'Bok Kei-Dei ăn kơ Inh, na Inh gơh pơpuh yang kơnê̆. Thoi noh na iĕm 'bôh ră 'Bok Kei-Dei wă pơgơ̆r tơ ala teh âu boih, mă-lei iĕm ưh kơ băt ôh.

II Pet 3:9

Sư ưh kơ wă pơđunh ôh kơ tơdrong Sư pơkă khan wă ăn Yêsu Krist jur, thoi lu bơngai che bơle noh khan. Sư oei mơnat ră kơ kon bơngai bơ̆n, Sư ưh kơ wă kơ minh 'nu bơngai hiong lăm tơdrong Sư phak ră. Thoi noh na Sư oei gô wă kơ đĭ-đăng bơngai tơbral kơdih tơdrong yoch.

Jang 17:30

Sơ̆ Kră Yang 'Bok Kei-Dei huay kơ jô̆ kơ kon bơngai yua kơ kon bơngai ưh kơ băt kơ Sư. Mă-lei dang ei Sư athei đĭ-đăng bơngai jơ̆p kơ teh đak tơbral dôm tơdrong yoch sư kơdih,

Jang 11:18

Lăp lu bôl Pêtrôs kơtơ̆ng Pêtrôs pơma thoi noh, lu sư chu hloi, huay pă pơjah dơ̆ng. Na lu sư ư-ang kơ 'Bok Kei-Dei păng khan: “'Noh 'Bok Kei-Dei ăn kơ kon tơmoi tơbral tơdrong yoch lu sư, wă kơ lu sư arih ling-lang kư̆m thoi bơ̆n mơ̆n.”

Jang 2:38

Pêtrôs khan: “Iĕm athei tơbral kơdih tơdrong yoch iĕm. Iĕm athei iŏk 'batem hăm anăn Yêsu Krist wă kơ Sư pơklaih tơdrong yoch iĕm, Sư ăn kơ iĕm Yang Bơhngol 'Lơ̆ng.

Luka 6:20

Klaih kơ noh Yêsu hue lăng lu bơngai lui kiơ̆ Sư na khan: “Pŭn dêh lu iĕm bơngai dơnuh hin, yua kơ 'Bok Kei-Dei wă pơgơ̆r iĕm.

Mathiơ 13:52

Yêsu khan: “Thoi noh na lu iĕm bơngai mă pơhrăm păng Inh, iĕm gô jing thây bơtho đe tơdrong 'Bok Kei-Dei pơgơ̆r kon bơngai, na iĕm bơtho đe tơdrong 'nao tơdrong so kư̆m thoi 'bok tơ'ngla hnam chă asong kơ đe tơmam 'nao păng tơmam so sư, gô mơ̆ng kơ sư wă.”

Mathiơ 13:47

“'Bok Kei-Dei pơgơ̆r bơ̆n thoi âu: Pơtih gia thoi lu bơngai juăt kơ traih jal tơ đak dơsĭ sư đei ka lơ, ka đe gĭt, ka đe ưh,

Mathiơ 13:33

Yêsu oei bơtho pơtih gia kơ lu sư dơ̆ng: “Tơdrong 'Bok Kei-Dei pơgơ̆r kon bơngai thoi lĕ kơ 'buih pông. Minh 'nu drŏ-kăn iŏk 'buih pông tŏ sĕt bơlŭ păng tơpŭng mi minh kơthŭng na tơpŭng noh kư̆m pông pơđĭ kơ minh kơthŭng noh mơ̆n.”

Mathiơ 12:41

Truh năr 'Bok Kei-Dei sek tơlang ning-mônh lu kon pơlei Ninêwơ jô̆ kơ lu jơhnơr iĕm dang ei bơngai yoch tih, yua kơ lu sư kơtơ̆ng Jôna bơtho athei tơbral kơdih tơdrong yoch, lu sư tơbral hloi, mă-lei iĕm âu đei bơngai bơtho hơgei hloh kơ Jôna ră pơm kuă kơ tơbral kơdih tơdrong yoch.

II Tim 2:25

Sư bơtho lu bơngai pơjah pơjăng păng sư, sư athei bơtho mă 'lơ̆ng wă kơ bơngai mă pơjah pơjăng păng sư jah hơi jơhngơ̆m. 'Bok Kei-Dei phŏ Sư ăn kơ bơngai pơjah pơjăng 'noh tơbral hloi tơdrong yoch sư kơdih na hlôh hloi kơdih tơdrong Kră Yang.

Kôlôsê 1:13

'Bok Kei-Dei dŏng pơklaih bơ̆n đơ̆ng yang kơnê̆ pơgơ̆r mă oei lăm măng mu, na anhăk ba bơ̆n oei tơ anih Kon Sư pơgơ̆r mă Sư 'mêm kơdih.

Jang 20:21

Inh bơtho bơngai Juđê hăm bơngai nai lei-lăi đĕch mơ̆n, khan kơ sư athei tơbral kơdih tơdrong yoch sư, na brŏk tơ 'Bok Kei-Dei păng lui kơ Kră Yang bơ̆n Yêsu Krist.

Luka 15:7

Kư̆m thoi noh mơ̆n, lu linh jang 'lơ̆ng tơ plĕnh, lu sư 'bôh minh 'nu bơngai yoch tơbral kơdih tơdrong yoch sư, lu sư hiôk hloh kơ 'bôh tơsĭn-jĭt tơsĭn 'nu bơngai 'lơ̆ng mă ưh kơ kăl kơ tơbral kơdih tơdrong yoch.

Luka 13:5

Ưh kơ trŏ ôh. Mă-lei dah lu iĕm ưh kơ tơbral kơdih tơdrong yoch, lei đĭ-đăng kơ lu iĕm kư̆m lôch lei-lăi thoi lu sư mơ̆n ning-mônh.”

Luka 9:2

Đơ̆ng noh na Yêsu wơh lu sư năm chă bơtho đe tơdrong 'Bok Kei-Dei wă pơgơ̆r kon bơngai păng pơklaih lu đe jĭ jăn.

Markôs 6:12

Thoi noh boih na lu sư năm bơtho athei đe tơbral kơdih tơdrong yoch.

Markôs 1:4

Tơdrong 'noh 'blep tơpă: Yôhan năm pơm 'batem kơ đe tơ char glă chơngue, sư bơtho athei đe tơbral kơdih tơdrong yoch, na iŏk 'batem wă kơ 'Bok Kei-Dei pơklaih yoch sư.

Mathiơ 5:10

“Pŭn dêh lu bơngai mă đe pơmat sư yua kơ sư pơm 'lơ̆ng thoi 'Bok Kei-Dei wă, bơngai noh 'Bok Kei-Dei gô pơgơ̆r sư ling-lang.

Mathiơ 5:3

“Pŭn dêh lu bơngai mă băt kăl kơdih kơ 'Bok Kei-Dei tơgŭm sư lui kơjăp, 'Bok Kei-Dei gô pơgơ̆r lu sư.

Êsêkiên 33:11

Khan bĕ kơ lu sư, Thoi Inh mă arih Kră Yang khan: Inh ưh kơ hiôk ôh kơ tơdrong lu bơngai yoch lôch, Inh hiôk dah sư achăng lê̆ trong tơdrong yoch sư na đei tơdrong arih; wih bĕ, wih bĕ, weh đơ̆ng trong tơdrong yoch iĕm, ơ hnam Isơrael. Yua kơ kiơ iĕm wă lôch?.

Jop 42:6

Yua kơ thoi noh, inh mơlâu dêh kơ tơdrong inh pơma păng apinh tơbral lăm 'mui tơnuh.

Tơdrông Tơ'bôh 2:21

Inh khan kơ sư boih, athei tơbral kơdih tơdrong yoch, mă-lei sư ưh kơ chu tơbral.

Mathiơ 13:31

Yêsu pơma pơtih gia dơ̆ng kơ lu bơngai tơpôl noh thoi âu: “Lu bơngai 'Bok Kei-Dei pơgơ̆r, lu sư thoi lĕ kơ găr sơ'bei, găr noh iĕ hloh kơ đĭ-đăng găr nai.

Mathiơ 13:11

Yêsu khan: “'Bok Kei-Dei ăn kơ iĕm băt gah tơdrong Sư wă pơgơ̆r kon bơngai thoi yơ, mă-lei Sư ưh kơ ăn kơ lu bơngai tơpôl noh băt ôh.

Mathiơ 6:33

Thoi noh na iĕm athei ăn kơ Sư pơgơ̆r iĕm, hăm adrin pơm 'lơ̆ng thoi Sư wă, noh kăl hloh kơ dôm tơdrong nai; pơm thoi noh na Sư gô ăn kơ iĕm tôm tơmam iĕm kăl yua.

Tơdrông Tơ'bôh 2:5

Na dang ei iĕm 'blŏk hơdơ̆r kơ tơdrong iĕm 'mêm sơ̆ dang yơ, iĕm athei 'mêm dang noh, 'nĕ kơ pơhơi. Tơ̆ng iĕm ưh kơ 'mêm dang tơm hmơm iĕm lui sơ̆, lei Inh wă năm hloi pơdrĕo iŏk jơ̆ng kơđeng maih đơ̆ng pơlei iĕm.

Hêbrơ 6:1

Thoi noh dang ei bơ̆n ưh kơ kăl boih pơhrăm dơ̆ng dôm tơdrong mă bơ̆n 'nao pơtơm lui kơ Yêsu, tơdrong mă tơbral kơdih tơdrong yoch, tơdrong lui kơ 'Bok Kei-Dei,

Jang 26:20

Thoi noh na inh bơtho đe tơ Pơlei Đamas hơdrol, klaih kơ noh inh năm bơtho tơ Pơlei Jêrusalem, hăm inh năm bơtho jơ̆p-jang dêh char Juđê păng lu dêh char tơmoi. Inh bơtho athei lu sư tơbral kơdih đơ̆ng tơdrong yoch hăm lui kơ 'Bok Kei-Dei, na pơm kiơ̆ tơdrong 'lơ̆ng wă kơ đe băt kơ lu sư tơbral kơdih tơpă.

Mathiơ 22:2

“'Bok Kei-Dei pơgơ̆r kon bơngai thoi âu: Minh 'nu 'bok pơtao hơmet tơmam sa pơkong kơ kon sư iŏk akăn.

Mathiơ 25:1

“Kơplah năr ei kơnh lu bơngai mă khan 'Bok Kei-Dei pơgơ̆r lu sư ră, mă-lei lu sư thoi lĕ kơ mơjĭt 'nu adruh âu, rim 'nu kơ lu sư chĕp ŭnh kơđeng ngăl wă năm ngôi hơpong kơ bơngai 'nao iŏk akăn. Lu sư chang gô bơngai mă 'nao iŏk akăn ei wă truh.

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Mathiơ 20:1

“Pơtih gia 'Bok Kei-Dei wă pơgơ̆r bơ̆n thoi âu: Thoi minh 'nu tơ'ngla mir đơ̆ng pơgê hrôih chă bơngai jang tơ mir hơmu sư.

Mathiơ 18:23

Inh khan thoi noh yua kơ 'Bok Kei-Dei wă pơgơ̆r bơ̆n thoi âu: Pơtih gia đei minh 'nu 'bok pơtao tak lăng hla bơar lu bơngai jang kơ sư hre đom kơ sư.

Mathiơ 11:20

Đơ̆ng noh Yêsu lach kơ kon pơlei pơla 'bôh Sư pơm lơ tơdrong mơsêh mơyang tơ pơlei lu sư, mă-lei lu sư ưh kơ wă tơbral kơdih tơdrong yoch.

I Pot 8:47

tơdah lu sư oei tơ dêh char nai lu sư tơchĕng tơbral, krao khan hơdrĭ apinh ih: ‘Lu nhôn pơm yoch, pơm tơdrong kơnê̆ pơm lơ tơdrong ưh kơ trŏ.’

Luka 21:31

Na tơdrong Inh roi kơ iĕm noh hei kư̆m lei-lăi mơ̆n. Ning-mônh lăp iĕm 'bôh dôm tơdrong Inh roi kơ iĕm noh, iĕm băt kơ 'Bok Kei-Dei wă pôk Inh jur pơm Pơtao iĕm boih.

Luka 16:30

'Bok mơdrŏng ei khan: ‘Ơ Abraham ah, inh băt tơpă lu sư ưh kơ 'maih mơ̆ng ôh kơ đe bơtho. Mă-lei dah đei bơngai iung arih đơ̆ng lôch, lei lu sư gô tơbral kơdih tơdrong yoch tơpă.’

Mathiơ 25:14

“Lu bơngai mă khan 'Bok Kei-Dei pơgơ̆r sư năr ei kơnh, lu sư thoi bơngai jang kơ yŏng sư, yŏng sư wă năm tơ dêh tơmoi ataih, na sư pơjao ăn kơ lu bơngai jang kơ sư wei-lăng mŭk tơmam sư.

Mathiơ 13:24

Yêsu pơma pơtih gia dơ̆ng kơ đe tơdrong 'Bok Kei-Dei wă pơgơ̆r bơ̆n thoi âu: “Đei minh 'nu bơngai năm rei adrĕch 'ba 'lơ̆ng tơ mir sư.

Mathiơ 4:23

Yêsu năm jơ̆p-jang kơ dêh Galilê bơtho đe tơ lăm hnam akŭm đe Juđê gah tơdrong 'nao 'lơ̆ng 'Bok Kei-Dei wă pơgơ̆r bơ̆n păng Sư pơklaih rah dôm tơdrong jĭ jăn kon pơlei pơla pơmat-tat.

Luka 1:16

Sư gô tơgŭm lơ bơngai Isơrael wih tơ Kră Yang bơ̆n 'Bok Kei-Dei.

Jop 39:12

Ih hăm lui ngeh kơ sư wă chơ ba 'ba ih păng chơ iŏk đơ̆ng anih preh 'ba?