Mathiơ 28:10 - Sơ̆p Hlabơar Nơ̆r 'Bok Kei-Dei

¹⁰ Yêsu khan: “Biĕm 'nĕ pă hli, biĕm jah năm khan kơ lu 'nhŏng oh Inh athei lu sư năm tơ dêh Galilê, lu sư gô tơ'bơ̆p Inh tơ noh hloi.”

Mathiơ 28:10 Referans Kwoze

Rom 8:29

Lu bơngai thoi noh, hơdrol kơ đe tam mă tơpŭ kơ sư sơ̆, 'Bok Kei-Dei băt kơ lu sư hơdrol boih. Lu bơngai thoi noh 'Bok Kei-Dei pơkă wă ăn jing kon Sư thoi Yêsu Krist; Yêsu Krist jing 'Nhŏng Kơdră lu sư, lu sư jing oh Yêsu.

Yo 20:17

Thoi noh Yêsu khan: “Ih 'nĕ kơ rôp Inh, yua kơ Inh ưh tam mă tŏk wih tơ 'Bă Inh. Ih năm khan kơ lu 'nhŏng oh Inh wă kơ sư băt kơ Inh wă tŏk wih tơ 'Bă Inh, Sư kư̆m 'Bă lu iĕm mơ̆n; tơ Kră Yang Inh, Sư kư̆m Kră Yang iĕm mơ̆n.”

Mathiơ 28:7

Na dang ei biĕm năm hloi tơ lu bơngai pơhrăm păng Sư, khan kơ lu sư thoi âu: ‘'Bok Kei-Dei tơiung arih Sư đơ̆ng lôch boih, Sư wă năm tơ dêh Galilê hơdrol kơ iĕm, iĕm gô tơ'bơ̆p Sư tơ noh.’ Biĕm 'nĕ hiơt tơdrong Inh khan kơ biĕm âu hŏ.”

Markôs 16:7

Na dang ei iĕm năm hloi tơ Pêtrôs păng đĭ-đăng lu bơngai pơhrăm păng Sư, khan Yêsu wă năm tơ dêh Galilê hơdrol kơ iĕm, iĕm gô tơ'bơ̆p Sư tơ noh thoi Sư khan kơ iĕm ki.”

Mathiơ 28:5

Linh jang 'lơ̆ng khan kơ bre drŏ-kăn noh khan: “Biĕm 'nĕ kơ hli, inh băt kơ biĕm năm tơ âu chă Yêsu mă đe pơ̆ng pơlôch tơ 'long pơglang.

Mathiơ 14:27

Mă-lei Yêsu thar khan kơ lu sư: “Iĕm 'nĕ pă hli, Inh âu lah.”

Yo 6:20

Yêsu khan hloi kơ lu sư: “Iĕm 'nĕ pă hli, Inh boih lah.”

Mathiơ 25:45

Na Inh gô khan kơ lu sư: ‘Inh khan kơ iĕm tơpă, yua kơ sơ̆ iĕm ưh kơ tơgŭm mơnat kơ lu 'nhŏng oh Inh âu, lu sư bơngai iĕ hloh kơ iĕm, noh dang iĕm ưh kơ tơgŭm Inh mơ̆n.’

Mathiơ 25:40

Na Inh bơngai mă pơm Pơtao iĕm gô khan kơ iĕm thoi âu: ‘Inh khan kơ iĕm tơpă, yua kơ iĕm băt tơgŭm mơnat kơ lu 'nhŏng oh Inh âu mă iĕ hloh kơ lu iĕm đe sơ̆, tơdrong iĕm pơm noh dang iĕm tơgŭm Inh mơ̆n.’

Lu 10:16

Lu sư hŭt lê̆ đĭ lu yang nai đêl lu sư kơkuh păng awih awăn chu kiơ̆ Kră Yang. Kră Yang Sư sơ'ngon dêh 'bôh lu bơngai Isơrael pơmat-tat.

Mathiơ 26:32

Mă-lei lăp 'Bok Kei-Dei tơiung arih Inh đơ̆ng lôch, Inh năm tơ dêh Galilê hơdrol kơ iĕm.”

Mathiơ 28:9

Kơplah bre sư kơdâu rok trong Yêsu tơ'bơ̆p bre sư păng khan: “Liĕm akâu hiôk-hian kơ bơ̆n.” Bre sư năm jê̆ Yêsu rôp jơ̆ng Sư na kơkuh kơ Sư.

Mathiơ 28:16

Mơjĭt-mônh 'nu lu bơngai pơhrăm păng Yêsu, lu sư năm tơ dêh Galilê. Lu sư tŏk tơ kông mă đêl Yêsu pơkă kơ lu sư.