Mathiơ 25:14 - Sơ̆p Hlabơar Nơ̆r 'Bok Kei-Dei

¹⁴ “Lu bơngai mă khan 'Bok Kei-Dei pơgơ̆r sư năr ei kơnh, lu sư thoi bơngai jang kơ yŏng sư, yŏng sư wă năm tơ dêh tơmoi ataih, na sư pơjao ăn kơ lu bơngai jang kơ sư wei-lăng mŭk tơmam sư.

Mathiơ 25:14 Referans Kwoze

Markôs 13:34

Tơdrong ei thoi lĕ kơ minh 'nu bơngai wă năm tơ dêh tơmoi ataih. Hơdrol kơ sư wă yak đơ̆ng hnam, sư pơkă kơ lu đĭch đam sư wei-lăng hnam păng rim 'nu lu sư jang kiơ̆ kơ tơ'ngla sư pơkă păng khan kơ bơngai gak 'măng athei kơchăng.

Êphêsô 4:11

Na jô̆ gah tơdrong Sư asong kơ lu bơngai mă Sư 'mêm, Sư asong ăn tơdrong jang Sư, mơ'nah pơm jơ̆ng 'bang Sư, mơ'nah chă pơtruh nơ̆r Sư, mơ'nah pơm 'bok bơtho năm chă bơtho đe, mơ'nah pơm 'bok bơtho wei-lăng lu bơngai lui kơtă pơlei.

I Kor 12:4

Yang Bơhngol 'Lơ̆ng ăn kơ bơ̆n lơ tơdrong hơgei wă kơ gơh jang tơdrong Sư, mă-lei dôm tơdrong 'noh đơ̆ng lăp minh 'nu Sư đĕch ăn kơ bơ̆n.

Mathiơ 21:33

Yêsu khan dơ̆ng kơ lu sư: “Apinh iĕm mơ̆ng tơdrong pơtih gia âu dơ̆ng: Đei minh 'nu bơngai pơm mir wă pơtăm plei hơmu. Sư war mir tăp dăr boih, lăm mir noh sư pơm minh pôm tơpăl tơmo wă peh plei hơmu chơpĕt iŏk đak sư. Păng sư pơm minh pôm hnam tông wă gak plei hơmu. Sư pơm tôm tơdrong noh boih na sư ăn kơ đe jang mơng, tơ'ngla sư năm oei tơ dêh nai.

I Kor 3:5

Thoi noh iĕm tơchĕng Apôlê 'noh bu, sư bơngai thoi yơ? Păng bĭ Pôl, iĕm ngêh kơ bu, sư bơngai thoi yơ? Nhi bơngai đĭch đam 'Bok Kei-Dei đĕch. Nhi jang tơgŭm iĕm, wă kơ iĕm lui kơ Sư. Sư ăn kơ nhi jang thoi yơ, nhi jang thoi ei.

Luka 20:9

'Blă kơ noh Yêsu bơtho pơtih gia kơ lu kon pơlei pơla thoi âu: “Đei minh 'nu bơngai pơm mir wă pơtăm plei hơmu. Sư pơtăm đang boih na ăn kơ đe jang mơng, na tơ'ngla sư năm oei tơ dêh nai đunh tơpă.