Mathiơ 24:7 - Sơ̆p Hlabơar Nơ̆r 'Bok Kei-Dei

⁷ Đei dêh âu iung blah dêh to, dêh to iung blah dêh nai. Đei teh adrŏ păng tơdrong pơngot rơwĕt lơ tơring âu tơring to.

Mathiơ 24:7 Referans Kwoze

Luka 21:11

Gô đei teh adrŏ kơtang păng đei tơdrong pơngot rơwĕt păng lôch hơbuh lơ tơring âu tơring to. Iĕm gô 'bôh tơdrong hlĭch hlăch krưp tơpă tơ kơpal plĕnh.

Tơdrông Tơ'bôh 6:8

Na inh 'bôh minh pôm aseh hiang hơlơp ưh kơ đei jơhngơ̆m. Bơngai mă hao aseh ei đe anăn sư yŏng pơgơ̆r gah tơdrong lôch. Đei minh 'nu nai kiơ̆ đơ̆ng rŏng sư, sư bơngai pơgơ̆r dêh atâu. Bre sư, 'Bok Kei-Dei ăn pơgơ̆r pơm yŏng đe năm tơblah chĕp khêl đao chă pơlôch đe păng pơm kơ kon bơngai lôch kơ pơngot rơwĕt, lôch kơ jĭ jăn păn hnong, lôch kơ sem bri pơlôch. 'Bok Kei-Dei ăn kơ bre sư gơh pơm tơdrong noh truh kơ minh pah lăm puăn pah teh đak.

Êsai 19:2

“Inh gô pơm kơ bơngai Êyiptơ tơblah băl tơduă bơngai Êyiptơ, 'nhŏng oh tơblah băl tơduă 'nhŏng oh, rông 'bôt tơblah băl tơduă rông 'bôt, pơlei tih tơblah băl tơduă pơlei tih, teh đak âu tơblah hăm teh đak noh.

Sa 14:13

Lăm năr noh, Kră Yang gô ăn tơdrong hli dêh truh tơ lu sư; yua kơ lu sư gô rôp băl ti tơduă lu sư păng ti bơngai âu gô tơblah hăm ti bơngai to.

Jang 11:28

Lăm lu sư ei đei minh 'nu bơngai anăn sư Abus. Lăp lu bơngai ei oei akŭm, Abus iung pơma. Na Yang Bơhngol 'Lơ̆ng ăn kơ sư khan lê̆ hơdrol gô đei tơdrong pơngot rơwĕt jơ̆p kơ teh đak. Na kơplah pơtao Klôt pơgơ̆r, kư̆m đei tơdrong pơngot rơwĕt.

II Ho 15:6

Dêh char 'nâu blah pơjuă dêh char nai, pơlei âu blah pơlei to yua kơ Kră Yang 'Bok Kei-Dei ăn đei lơ tơdrong gleh pơmat wă pơrŭng lu sư.

Tơdrông Tơ'bôh 6:12

Kon Triu hek dơ̆ng tơdra mă tơdrâu, na inh 'bôh teh adrŏ tih mơ'nưt mơ'nat, măt 'năr mah jing măng mu suek dang che găm, măt khei lăp pơnil mah jing thoi pham.

Hêbrơ 12:27

Nơ̆r Sư pơkă, pă minh 'măng noh, wă khan, gô truh năr ei kơnh, Sư wă gơgŭ adrŏ plĕnh păng teh mă đêl Sư pơjing wă pơtôch boih, na dôm tơdrong mă ưh kơ gơh adrŏ, tơdrong noh oei ling-lang.

Êsêkiên 21:27

Răm đĭ, răm đĭ, Inh gô pơrăm đĭ; tơdrong âu kư̆m ưh pă truh dơ̆ng bơih, dĭng truh tơ yŏng Tơ'ngla tơpăt hơnơ̆ng truh wă sek tơlang. Inh gô pơjao ăn kơ Sư tơdrong noh.

Êsêkiên 14:21

Kră Yang Tih Hloh khan thoi âu: “Rai krưp kơnê̆ hloh dơ̆ng mưh Inh ăn puăn tơdrong sek tơlang trăp; tơdrong đao hơlă tơblah, tơdrong pơngot rơwĕt, tơdrong sem bri pơrăm păng tơdrong lôch hơbuh truh tơ Jêrusalem wă pơlôch đĭ bơngai păng sem dơrong.

Jang 2:19

Inh gô pơm tơdrong hlĭch hlăch tơ kơpal plĕnh, hăm tơ'bôh tơdrong pha tơ ala teh; 'noh lu pham, ŭnh hăm 'nhui.

Êsai 29:6

Kră Yang Tih Hloh gô yua grơ̆m glaih, teh pơpơ̆, jơwa re, păng pla ŭnh soh phak lu sư.

Tơdrông Tơ'bôh 6:5

Inh 'bôh Kon Triu hek dơ̆ng tơdra mă pêng. Na inh kơtơ̆ng anăn mă pêng khan thoi âu: “Tơ âu bĕ.” Na đei minh 'nu bơngai hao aseh găm chĕp kĭ năm tơ sư. Kĭ noh wă tơbăt ăn kơ kon bơngai gô đei tơdrong pơngot rơwĕt.

Tơdrông Tơ'bôh 6:6

Păng inh kơtơ̆ng đơ̆ng lăm tŏk-bŏk lu puăn anăn noh đei 'bơ̆r pơma thoi âu: “Phe 'lơ̆ng đe gô tĕch minh kĭ minh năr jên jang, phe ưh kơ gan 'lơ̆ng đe gô tĕch pêng kĭ minh năr jên jang. Mă-lei gah lu đak rơmă, đak sik, sư ưh kơ tĕch kăp dang noh ôh.”