Mathiơ 24:39 - Sơ̆p Hlabơar Nơ̆r 'Bok Kei-Dei

³⁹ Lu sư ưh kơ kơchăng tơdrong kiơ wă truh kơ lu sư, dĭng đak lơ̆p pơlôch đĭ-đăng lu sư hloi. Na Inh Kon Bơngai gô jur ning-mônh thoi noh mơ̆n.

Mathiơ 24:39 Referans Kwoze

Yo 3:20

Bơngai bu pơm tơdrong kơnê̆, bơngai 'noh sư ưh kơ wă kơ tơdrong hơdah păng sư ưh kơ wă năm jê̆ tơdrong hơdah, yua kơ sư hli, dah năm jê̆ tơdrong hơdah sư tơchĕng 'Bok Kei-Dei 'bôh hloi tơdrong kơnê̆ sư.

Mathiơ 24:37

Na Inh Kon Bơngai gô jur ning-mônh thoi đak lip kơplah jơhnơr Nôê sơ̆.

Jang 13:41

'Bok Kei-Dei khan: ‘Ơ lu iĕm bơngai che bơle kơ Inh, iĕm lăng, iĕm gô sơleng kơ đon, pă tam băt kơnh iĕm lôch. Inh pơm tơdrong mơsêh mơyang lăm chăl iĕm arih, đe gô roi kơ iĕm tơdrong noh, mă-lei iĕm ưh kơ wă lui.’ ”

II Pet 3:5

Lu sư pơma thoi noh yua kơ lu sư ưh kơ tơchĕng kơ tơdrong 'Bok Kei-Dei pơrăm teh đak sơ̆. Sơ̆ 'Bok Kei-Dei sơkat athei đei plĕnh teh, đei hloi tơpă. Sư sơkat athei đak pơjing teh, teh lĕch đơ̆ng đak tơpă.

Tơdrông Pơđơk 29:7

Bơngai tơpăt băt pơm 'lơ̆ng kơ bơngai dơnuh hin; Mă-lei bơngai pơm kơnê̆ ưh kơ đei băt thoi ei ôh.

Tơdrông Pơđơk 24:12

Tơdah ih khan, “'Nâu, nhôn ưh kơ băt ôh tơdrong noh” Hăm trŏ đei tơ'ngla 'bôh boih tơdrong noh? Hăm trŏ đei tơ'ngla wei-lăng bơhngol ih sư 'bôh tơdrong noh? Sư gô pơm tơwih kơ rim 'nu kiơ̆ thoi đêl sư pơm

Luka 19:44

“Lu sư gô blah pơchah pơlei pơla iĕm păng pơlôch lu kon pơlei pơla iĕm. Lu sư blah pơchah pơlei pơla iĕm ưh pă đei tơmo ayơ mă tơklep băl dơ̆ng, yua kơ iĕm ưh kơ băt 'Bok Kei-Dei wă pơklaih iĕm dang ei.”

Êsai 42:25

Na Kră Yang tuh tơdrong Sư hil, tơdrong tơblah wang tih dêh tơ lu sư, thoi ŭnh sa jum dăr mă lu sư ưh kơ hlôh, ŭnh sa lu sư mă-lei kư̆m ưh kơ bơngơ̆t.

Tơdrông Pơđơk 23:35

Ih khan: Đe teh inh, mă-lei huay kơ jĭ. Đe dong inh, mă-lei inh ưh kơ băt, Layơ inh hơdơ̆r, inh gô chă wă et dơ̆ng.

Lu 20:34

Na mơjĭt-rơbâu 'nu lu linh Isơrael pran kơtang tơblah 'bơ̆t anăp pơlei Gibêah, lu sư blah drŭt tơ anăp, tơblah tih dêh tơpă. Mă-lei lu bơngai Bênjamin oei ưh kơ băt tơdrong răm wă truh tơ lu sư.

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.

Bl 7:23

Đĭ-đăng adrĕch khŭl arih kơpal teh pơrăm pơlôch đĭ, đơ̆ng kon bơngai truh tơ kon sem brem, lu hơdrông kơep lep-ler, lu sem păr; lăp Nôê hăm lu bơngai, lu sem brem lăm duk đĕch oei arih.

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Mathiơ 24:3

Đơ̆ng rŏng kơ noh Yêsu năm ngôi tơ kông Ôliwơ, na lu bơngai pơhrăm păng Sư jet Sư kơdrô̆ khan: “Apinh Ih roi kơ nhôn layơ đe wă pơrăm hnam akŭm 'Bok Kei-Dei to păng đei tơdra liơ wă kơ nhôn kơnăl kơ Ih wă jur tơ teh âu păng kơnăl kơ năr tôch wă truh.”

Mathiơ 24:30

Kơplah noh đĭ-đăng kon bơngai ala teh âu nhơ̆m hmoi yua kơ lu sư 'bôh Inh Kon Bơngai 'lơ̆ng rŏ mơsêh mơyang tih-tin jur hăm hơmơ̆l.

Mathiơ 24:40

Kơplah ei kơnh đei 'bar 'nu bơngai drŏ-nglo jang tơ mir, linh jang 'lơ̆ng iŏk anhăk minh 'nu mă lui, minh 'nu ưh kơ lui lê̆ tơ noh.