Mathiơ 24:10 - Sơ̆p Hlabơar Nơ̆r 'Bok Kei-Dei

¹⁰ Kơplah noh mơ̆n đei lơ lu bơngai lui achăng lê̆ Inh, lu sư hil areh kơ lu bôl mă oei lui kơ Inh, lu sư rôp lu bôl mă oei lui kơ Inh noh, ăn kơ lu bôl sư mă ưh kơ lui tah tơ lăm hnam phak.

Mathiơ 24:10 Referans Kwoze

Luka 21:16

“Lu mĕ 'bă iĕm hăm 'nhŏng oh iĕm păng kơtum kơtŏng iĕm, bôl juăt iĕm, gô jao iĕm ăn kơ đe kră sek tơlang, na lu iĕm mơ'nah sư gô pơlôch.

Markôs 13:12

Kư̆m gô đei 'nhŏng jao oh sư bơngai lui tơ̆p mă đe pơlôch. Kư̆m đei mơ'nah 'bă sư jao kon sư tơ̆p mă đe pơlôch. Kư̆m đei mơ'nah kon sư hil plơ̆ kơ mĕ 'bă sư jao bre sư ăn kơ đe pơlôch.

Mathiơ 11:6

Lu bơngai mă lui kơ Inh khŏm khŏm ưh kơ achăng lê̆ Inh, lu sư hiôk dêh.”

Markôs 4:17

Kư̆m đei ră tơnơm 'ba, mă-lei rơh sư chăt ưh kơ jrŭ, sư jing jô lôch hloi. 'Noh wă khan lu sư dang đei ră đon lui, mă-lei ưh kơ đunh, lu sư jing achăng lê̆ yua kơ đe areh kơ lu sư lui kơ 'Bok Kei-Dei.

II Tim 4:16

Đe sek tơlang inh minh 'măng boih, inh pơma dŏng akâu inh kơdih ưh kơ đei bu tơdŏng inh. Đĭ-đăng lu sư tŭk inh. Inh kư̆m apinh 'Bok Kei-Dei huay jô̆ yo kơ lu sư mơ̆n.

Mathiơ 13:21

Kư̆m đei ră tơnơm 'ba mă-lei rơh sư chăt ưh kơ jrŭ sư jing jô lôch hloi, 'noh wă khan lu sư đei ră đon lui mă-lei ưh kơ đunh lu sư jing achăng lê̆ yua kơ đe areh kơ lu sư lui kơ 'Bok Kei-Dei.

Mathiơ 10:21

“Gô đei 'nhŏng jao oh sư bơngai lui tơ̆p mă đe pơlôch. Kư̆m đei mơ'nah 'bă sư jao kon sư tơ̆p mă đe pơlôch. Kư̆m đei mơ'nah kon sư hil plơ̆ kơ mĕ 'bă sư jao ăn kơ đe pơlôch.

II Tim 1:15

Ih băt boih bre Phigelus păng Hêrmôgen păng đĭ-đăng bơngai dêh Asi achăng lê̆ inh boih.

Mathiơ 13:57

Lu đe noh 'nhĕng Sư hơgei na jing kuă lui kơ Sư. Yêsu khan kơ lu sư: “Lu bơngai pơtruh nơ̆r 'Bok Kei-Dei sơ̆, mưh tơ pơlei đe, lơ bơngai lăp đon 'maih mơ̆ng dêh dôm nơ̆r lu sư bơtho. Mă-lei lu bơngai oei pôm pơlei hăm lu sư, hnam dơnŏ lu sư, ưh kơ 'maih wă mơ̆ng tơdrong bơtho ôh. Na truh tơ Inh dang ei kư̆m lei-lăi.”

Mathiơ 24:11

Kư̆m đei lơ bơngai wă pơhlŭ iĕm, khan sư bơngai pơtruh nơ̆r 'Bok Kei-Dei, đei lơ bơngai lui kơ sư pơhlŭ.