Mathiơ 23:2 - Sơ̆p Hlabơar Nơ̆r 'Bok Kei-Dei

² “Lu thây bơtho tơdrong juăt đe Juđê păng lu khŭl Pharisi lu sư bơtho bơ̆n tơdrong juăt Môis pơkă.

Mathiơ 23:2 Referans Kwoze

Luka 20:46

Yêsu khan: “Iĕm athei kơchăng kơ lu 'bok thây bơtho tơdrong juăt đe Juđê. Lu sư lăp đon kơ hrŭk ao tai wă kơ pơrŏ na chă ngôi. Păng lu sư lăp đon wă kơ đe kơkuh kơ sư tơ kơchơ. Lu sư lăp đon kơ oei tang-dŏ 'lơ̆ng hloh kơ bôl buăl lăm hnam akŭm 'Bok Kei-Dei păng lăm năr et sa tih.

Markôs 12:38

Kơplah Yêsu oei bơtho lăm hnam akŭm 'Bok Kei-Dei tơm, Sư khan: “Iĕm athei kơchăng kơ lu 'bok thây bơtho tơdrong juăt đe Juđê. Lu sư lăp đon kơ hrŭk ao tai wă kơ pơrŏ na chă ngôi. Păng lu sư lăp đon wă kơ đe kơkuh kơ sư tơ kơchơ.

Malachi 2:7

Yua kơ hơkŭng 'bơ̆r 'bok soi athei wei tơdrong hlôh wao, lu đe chă tơdrong juăt đơ̆ng lăm 'bơ̆r lu sư, yua kơ lu sư jơ̆ bơngai đơ̆ng Kră Yang Tih Hloh.

Esơra 7:25

Gah ih, ơ Esơra, kiơ̆ kơ tơdrong hơgei Kră Yang 'Bok Kei-Dei ih, đei boih lăm ti ih, pơjing bĕ lu 'bok wei-lăng, 'bok sek tơlang, jĭ lu bơngai hlôh băt tôm khôi juăt Kră Yang 'Bok Kei-Dei ăn kơ ih, wă kơ lu sư sek tơlang ăn đĭ kon pơlei oei gah bơmơ̆t kơ đak krong; na lu đe bu mă ưh kơ băt khôi juăt, ih athei bơtho lu sư wă kơ băt.

Esơra 7:6

Esơra âu sư wih brŏk đơ̆ng Babilôn. Sư jơ̆ minh 'nu bơngai bơtho hơgei hlôh kloh klĕch khôi juăt Môis, mă Kră Yang Kră Yang 'Bok Kei-Dei đe Isơrael đei chih roi. Yua kơ ti Kră Yang tơgŭm sư, thoi noh pơtao asong ăn dôm tơdrong sư apinh.

Both 33:3

Sư 'mêm kơ kon pơlei pơla Sư tơpă; đĭ-đăng lu linh jang oei lăm tơpang ti Sư; Sơtơ̆p kŭl-tăng kơkuh 'bơ̆t jơ̆ng Sư. Sơng iŏk nơ̆r bơtho khan đơ̆ng Sư.

Mathiơ 23:3

Iĕm athei pơm kiơ̆ thoi sư bơtho păng rok dôm tơdrong sư pơkă. Mă-lei iĕm 'nĕ kiơ̆ thoi tơdrong arih lu sư. Tơdrong lu sư bơtho 'lơ̆ng ră, mă-lei lu sư ưh kơ kiơ̆ tơdrong 'lơ̆ng noh ôh.