Mathiơ 23:12 - Sơ̆p Hlabơar Nơ̆r 'Bok Kei-Dei

¹² Bơngai bu pơma pơang akâu sư wă kơ đe pôk sư pơm tih, bơngai noh ning-mônh sư gô mơlâu hloh kơ đe. Bơngai bu ưh kơ hơnhŏ chă pơang akâu sư kơ đe, bơngai noh 'Bok Kei-Dei mơnat, ăn kơ sư pơm tih.

Mathiơ 23:12 Referans Kwoze

I Pet 5:5

Lu đe adruh tơdăm oei hơmuh hơmŏng, iĕm kư̆m lei-lăi athei chu yom kơ lu đe kră; păng đĭ-đăng kơ iĕm hăm lu đe kră athei iŏk jơhngơ̆m đon dim wă kơ chu yom dih băl; yua kơ 'Bok Kei-Dei ưh kơ wă ôh kơ lu bơngai pơang akâu, Sư tơgŭm lu bơngai dim, lu bơngai băt kơ chu yom kơ đe.

Ya 4:6

Na 'Bok Kei-Dei ăn kơ bơ̆n rai pran hloh, kư̆m thoi lăm sơ̆p hla bơar 'Bok Kei-Dei khan mơ̆n: “'Bok Kei-Dei pơgăn lu bơngai mă pơang akâu kơdih, na pơchoh ăn kơ lu bơngai mă ưh kơ băt pơang akâu, jing pran.”

Luka 14:11

Yua kơ bơngai bu pơang akâu kơdih, sư gô mơlâu. Bơngai bu ưh kơ hơnhŏ, sư 'noh boih đe gô pôk pơư kơ sư.”

Tơdrông Pơđơk 29:23

Bơngai pơang kang rai pơm kơ sư jur; Mă-lei bơngai bu đei iŏk đon ala đe gô pơyom.

Luka 18:14

Na Yêsu khan dơ̆ng: “Inh khan kơ iĕm tơpă, lăp bơngai mă iŏk jên thuê̆ noh brŏk tơ hnam, 'Bok Kei-Dei jô̆ sư klaih đơ̆ng tơdrong yoch boih. Bơngai Pharisi noh 'Bok Kei-Dei ưh kơ jô̆ kơ sư khan klaih đơ̆ng tơdrong yoch ôh, yua kơ bơngai bu pơang akâu kơdih, sư ei gô mơlâu; bơngai bu pơma sơdrĭ tơ ala kơ 'Bok Kei-Dei, na sư 'nei boih 'Bok Kei-Dei 'brơ̆k mơnat tơiung sư.”

Mathiơ 18:4

Dah iĕm pơm kiơ̆ bơngai 'lơ̆p âu ưh kơ pơang akâu, lei bơngai noh boih pơm tih lu bơngai mă 'Bok Kei-Dei pơgơ̆r.

Tơdrông Pơđơk 15:33

Tơdrong băt hli yom kơ Kră Yang chrih bơtho bơngai noh gô jing hơgei; Đei iŏk đon ala ba adrol tơdrong đe pơyom.

Mathiơ 5:3

“Pŭn dêh lu bơngai mă băt kăl kơdih kơ 'Bok Kei-Dei tơgŭm sư lui kơjăp, 'Bok Kei-Dei gô pơgơ̆r lu sư.

Da 4:37

Dang ei inh, Nebukatnessar, bơnê kơkuh kơ Kră Yang 'Bok Kei-Dei Pơtao rang mơnhal kơpal plĕnh; dôm tơdrong jang Sư tă kơ sĭt tơpă, lu trong gơlong Sư tơpăt; păng bơngai bu mă yak lăm trong pơang, Kră Yang 'Bok Kei-Dei gô tơjur lê̆ sư.

Jop 22:29

Yua kơ Kră Yang 'Bok Kei-Dei gô tơjur lê̆ lu bơngai pơang na dŏng pơklaih bơngai iŏk đon ala.

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Horiso 138:6

Mă khan, Kră Yang tih-tin. Kŭm oei lăng ba lu bơngai răm-'băm. Gah lu bơngai pơang, Sư băt lê̆ đơ̆ng adrol boih.

I Pet 5:6

Thoi noh na bơ̆n athei chu ala kơ 'Bok Kei-Dei ngăl yua kơ Sư Yang, Sư mơsêh; na trŏ năr Yêsu Krist jur ning-mônh Sư gô pôk pơư iĕm.