Mathiơ 21:15 - Sơ̆p Hlabơar Nơ̆r 'Bok Kei-Dei

¹⁵ Lu 'bok soi tih, lu thây bơtho đe Juđê 'bôh tơdrong mơsêh Sư pơm noh păng kơtơ̆ng lu đe hơ'lơ̆p wang hô pơma ư-ang kơ Sư khan: “Hôsana, bơnê kơ 'Bok Krist Kon Sâu pơtao Đawit.” Lu sư 'bôh thoi noh, lu sư blĕk dêh.

Mathiơ 21:15 Referans Kwoze

Mathiơ 21:9

Yêsu hao aseh iĕ yak rok trong ei na lu bơngai tơpôl ei mơ'nah yak hơdrol kơ Sư, mơ'nah đơ̆ng rŏng kơ Sư. Lu sư chhôk na pơma 'bơ̆r re khan: “Hôsana, bơnê kơ 'Bok Krist Kon Sâu pơtao Đawit. Bơnê kơ Sư truh tơ bơ̆n năr âu yua kơ Kră Yang wơh. Păng bơnê kơ 'Bok Kei-Dei kơpal plĕnh ti.”

Yo 12:19

Thoi noh boih, na lu bơngai Pharisi ơh klai. Lu sư pơma khan dih băl: “Iĕm lăng, ưh pă jei bơ̆n tơpă boih; dang ei đĭ-đăng kon bơngai kiơ̆ Sư ngăl.”

Yo 11:57

Lu 'bok soi tih păng lu bơngai Pharisi pơkă khan: “Bơngai bu băt kơ Sư oei tơ yơ, 'bôh Sư tơ yơ, bơngai 'noh athei roi kơ nhôn wă kơ nhôn năm rôp.”

Yo 7:42

yua kơ đei lăm sơ̆p hla bơar 'Bok Kei-Dei đe chih khan 'Bok Krist lĕch đơ̆ng krung kơtum 'bok Đawit, đơ̆ng pơlei 'bok Đawit mơ̆n. Pơlei ei anăn Pơlei Betlehem lăm dêh char Juđê.”

Yo 4:1

Kră Yang Yêsu băt kơ lu bơngai Pharisi kơtơ̆ng ang đei lơ bơngai kiơ̆ Sư păng iŏk 'batem hloh loi kơ bơngai kiơ̆ Yôhan.

Luka 22:66

Lăp 'brưch hơdah til pơgê 'nei, lu 'bok soi tih păng lu 'bok thây bơtho tơdrong juăt đe Juđê, hăm đĭ-đăng lu kră nai mă pơgơ̆r bơngai Juđê akŭm dih băl. Na đe anhăk ba Yêsu tơ anăp lu sư. Na lu sư khan kơ Yêsu thoi âu:

Luka 22:2

Na lu 'bok soi tih hăm lu thây bơtho tơdrong juăt đe Juđê, lu sư chă đon wă kơ gơh tơtông rôp pơlôch Yêsu, yua kơ lu sư hli kơ rôp Yêsu 'bơ̆t anăp đe kon pơlei pơla.

Luka 20:1

Minh năr ei kơplah Yêsu oei bơtho đe tơdrong 'nao 'lơ̆ng tơ lăm hnam akŭm 'Bok Kei-Dei tơm, na lu 'bok soi tih, lu thây bơtho tơdrong juăt, hăm lu đe kră sek tơlang năm jet Yêsu khan: “Apinh Ih roi kơ nhôn bu ăn kơ Ih pơpuh đe mơdro đơ̆ng hnam akŭm âu păng chă bơtho đe lăm hnam akŭm âu mơ̆n?”

Markôs 11:18

Lu 'bok soi tih păng lu 'bok thây bơtho tơdrong juăt đe Juđê kơtơ̆ng tơdrong 'noh, na lu sư chă tơdrong wă rôp pơlôch Sư. Lu sư hli kơ Yêsu kơlih kơ đĭ-đăng bơngai 'maih mơ̆ng tơdrong Sư bơtho, yua kơ lu sư mơ̆ng hlĭch tơpă.

Mathiơ 27:20

Mă-lei lu đe 'bok soi tih păng lu đe kră sek tơlang pơtrŭt lu kon pơlei pơla athei Pilat tơlĕch kơ lu sư pôm 'Barra'ba na pơlôch Yêsu.

Mathiơ 27:1

Lăp 'brưch hơdah til pơgê đĭ-đăng lu 'bok soi tih păng lu đe kră sek tơlang chă đon wă pơlôch Yêsu.

Mathiơ 26:59

Lu 'bok soi tih păng đĭ-đăng lu kră sek tơlang, lu sư chă bơngai mă gơh hơlĕnh, khan sư 'bôh Yêsu pơm yoch, wă kơ lu sư gơh pơlôch Yêsu.

Mathiơ 26:3

Năr noh lu 'bok soi tih păng lu kră sek tơlang đe Juđê năm akŭm tơ hnam 'bok soi tơm, anăn 'bok soi tơm noh Kaiphe.

Mathiơ 22:42

“'Bok Krist mă 'Bok Kei-Dei wơh pơm Pơtao, Sư bơngai thoi yơ? Sư kon sâu bu?” Lu sư khan: “Sư kon sâu pơtao Đawit.”

Mathiơ 21:23

Yêsu năm dơ̆ng tơ hnam akŭm 'Bok Kei-Dei tơm wă bơtho đe tơ noh. Kơplah Sư oei bơtho đei lu 'bok soi tih păng lu đe kră sek tơlang năm jet Yêsu thoi âu: “Bu ăn kơ Ih pơpuh đe mơdro đơ̆ng hnam akŭm âu păng chă bơtho đe lăm hnam akŭm âu mơ̆n?”

Mathiơ 9:27

Yêsu lĕch đơ̆ng noh, kơplah oei rok trong đei 'bar 'nu bơngai măt tol năm kiơ̆ Sư. Na bre sư pơma 'bơ̆r re khan: “Ơ 'Bok Krist Kon Sâu pơtao Đawit, apinh Ih mơnat kơ nhi 'biơ̆ bĕ.”

Êsai 26:11

Ơ Kră Yang ti Ih yơ̆r bơih, mă-lei lu sư oei ưh kơ 'bôh, lê̆ lu sư 'bôh gô mơlâu năr Ih pơm tơ'bôh 'lơ̆ng ăn kơ kon pơlei Ih. Tơpă ŭnh mă 'măn kơ lu bơngai ayăt kơ Ih gô sa lu sư.

Mathiơ 20:24

Na lu mơjĭt 'nu lu bôl sư kơtơ̆ng bre sư pơma thoi noh, na lu sư hil kơ bre noh.