Mathiơ 20:25 - Sơ̆p Hlabơar Nơ̆r 'Bok Kei-Dei

²⁵ Thoi noh na Yêsu krao akŭm pơđĭ lu sư păng khan: “Iĕm băt mơ̆n, lu bơngai ala teh âu mơ'nah pơm yŏng pơgơ̆r, sư chă pơgŏ pơđep lu teh đak sư pơgơ̆r.

Mathiơ 20:25 Referans Kwoze

Markôs 10:42

Thoi noh na Yêsu krao akŭm pơđĭ lu sư păng khan: “Iĕm băt mơ̆n teh đak đe, lu bơngai mă pơm 'bok pơgơ̆r, sư chă wơh pơgŏ lu bơngai sư wei. Lu pơm 'bok tih chă pơjuă pơđep đe.

Mathiơ 11:29

Yua kơ Inh bơngai dim, băt 'mêm mơnat, na apinh iĕm pŭ iŏk bĕ, pơhrăm iŏk bĕ tơdrong Inh âu, wă kơ iĕm pơdơh hiôk.

Da 5:19

Yua kơ Kră Yang 'Bok Kei-Dei đei ăn boih kơ sư đei pơgơ̆r tih, na đĭ-đăng kon pơlei pơla jơ̆p kơ dêh char, đĭ khŭl bơngai rim kơ adrĕch tă kơ hli yom ngăl 'bơ̆t anăp sư păng hli yom kơ sư, sư pơlôch bu pơlôch, sư wă kơ bu arih, lê̆ arih. Wă pôk bu kơjung, dah tơjur bu kơđeh mơ̆ng kơ sư wă.

Da 3:15

Na dang ei, dah iĕm kơtơ̆ng jơwa keng, brŏ, 'lal păng đĭ lu tơmam reh, na iĕm athei drap bon tơ teh wă kơkuh kơ rup yang mă inh đei man, lei huay mă-lei dah iĕm ưh kơ drap bon kơkuh, jơ noh hloi boih đe gô klơ̆m lu iĕm tơ lăm ŭnh kơdơ̆r to. Na yang kiơ gơh pơklaih iĕm đơ̆ng ti inh?

Mathiơ 20:24

Na lu mơjĭt 'nu lu bôl sư kơtơ̆ng bre sư pơma thoi noh, na lu sư hil kơ bre noh.

I Pet 5:3

Mă-lei iĕm 'nĕ kơ pơgŏ pơđep lu sư, mă khan 'Bok Kei-Dei pơjao lu sư kơ iĕm. Iĕm athei pơm mă 'lơ̆ng dang pơm trong kơ lu sư wă kơ lu sư gơh kiơ̆ iĕm.