Mathiơ 19:5 - Sơ̆p Hlabơar Nơ̆r 'Bok Kei-Dei

⁵ ‘Yua kơ thoi noh na bơngai drŏ-nglo drŏ-kăn tơklah đơ̆ng mĕ 'bă sư kơdih na oei hơdai, bre sư jing minh sĕch minh akar.’

Mathiơ 19:5 Referans Kwoze

I Kor 7:4

Gah tơdrong 'noh akăn sư ưh kơ gơh pơm yŏng kơdih ôh, athei gô mơ̆ng kơ klo sư wă. Klo sư kư̆m lei-lăi mơ̆n, gô mơ̆ng kơ akăn sư wă.

I Kor 7:2

Mă-lei tơ pơlei iĕm đei lơ bơngai juăt kơ ngôi pơyô kư̆ kă, na inh wă kơ lu iĕm athei chă kơdih akăn, lu drŏ-kăn athei chă kơdih klo.

Êphêsô 5:31

Tơdrong noh thoi đe chih khan lê̆ tơ lăm sơ̆p hla bơar 'Bok Kei-Dei sơ̆ thoi âu: “Bơngai pơm klo pơm akăn tơklah đơ̆ng mĕ 'bă sư kơdih na oei hơdai, bre sư jing minh sĕch minh akar.”

I Kor 6:16

Bơngai bu ngôi hăm drŏ-kăn đi, bơngai 'noh dang lĕ minh sĕch minh akar hăm đi mơ̆n, kư̆m thoi sơ̆p hla bơar 'Bok Kei-Dei chih khan: “Bre sư jing minh sĕch minh akar.”*

Horiso 45:10

Ơ kon drŏ-kăng inh, mơ̆ng bĕ, tơtĭnh bĕ, pơgling đon bĕ. Hiơt bĕ kơ kon pơlei păng hnam dơnŏ 'Bă ih.

Rom 12:9

Bơ̆n 'mêm kơ bôl athei 'mêm mă tơpă, areh kơ tơdrong kơnê̆, athei adrin chă tơdrong 'lơ̆ng.

Horiso 63:8

Bơhngol inh oei kơjăp lăm Ih, ti 'ma Ih tơgŭm tơiung inh.

I Sam 18:1

Đawit pơma dơnuh hăm Sôl đang boih, Jônathan păng Đawit pơm buăl juăt yua, kơ Jônathan 'mêm kơ Đawit dêh thoi akâu sư kơdih.

Both 11:22

Tơdah lu iĕm kơchăng wei răk păng pơm kiơ̆ đĭ dôm nơ̆r tơtă, mă inh bơtho boih kơ lu iĕm athei, 'mêm kơ Kră Yang 'Bok Kei-Dei lu iĕm, yak kiơ̆ trong Sư păng oei pơgơ̆p kơjăp hăm Sư.

Both 10:20

Iĕm athei băt hli yom kơ Kră Yang 'Bok Kei-Dei iĕm, bơ̆jang kơ Sư, oei kơjăp lăm Sư păng yua anăn Sư pơkă pơkăm.

Both 4:4

Bơngai bu oei kiơ̆ Kră Yang 'Bok Kei-Dei lu iĕm kơjăp, oei arih ngăl truh năr âu.

Bl 34:3

Jơhngơ̆m Sichem hưch kơ Đina, sư pơlung pơhlŭ dang đak sut đak kơdrot pơma hăm adruh noh.

I Pot 11:2

Lu adrĕch adrung bơngai noh. Kră Yang khan bơih kơ lu bơngai Isơrael: Iĕm ưh kơ gơh iŏk klo dah iŏk akăn đơ̆ng adrĕch adrung bơngai 'noh; yua kơ lu sư gô pơhlŭ pơlung lu iĕm kiơ̆ kơkuh kơ rup yang lu sư. Mă-lei Sôlômôn oei hưch kơ drŏ-kăn bơngai 'noh.

II Sam 1:26

Ơ Jônathan, 'nhŏng inh, jơhngơ̆m inh ơh hang nuih kơ ih thoi đe 'bet; Inh 'mêm kơeng kơ ih dêh. Tơdrong buăl juăt ba hiôk hơiă dêh Hloh kơ tơdrong hưch wă kơ bơngai drŏ-kăn.

Malachi 2:15

Đơ̆ng noh, mă khan tơdrong arih Kră Yang 'Bok Kei-Dei đei lơ rơkah rơkai ră, mă-lei Sư pơjing ăn kơ ih lăp minh 'nu drŏ-kăn đĕch. Mă-lei yua kơ kiơ Sư pơjing ăn kơ ih lăp minh 'nu bơngai drŏ-kăn đĕch? Noh yua kơ wă chă adrĕch adrung 'lơ̆ng rơgoh, thoi noh lu iĕm athei mă kơchăng lăm jơhngơ̆m bơ̆n kơdih, 'nĕ kơ oei sa hơlĕnh pơdăr hăm akăn bơ̆n kơdih mă iŏk oei đơ̆ng 'lơ̆p.

Mathiơ 19:6

Bre sư ưh pă thoi 'bar 'nu bơngai boih, bre sư thoi minh 'nu bơngai đĕch. Yua kơ thoi noh na kon bơngai bơ̆n ưh kơ gơh achăng lê̆ akăn sư ôh, yua kơ 'Bok Kei-Dei pơgơ̆p bre sư jing klo kăn boih.”

I Sam 25:43

Đawit adrol noh kư̆m iŏk oei kơ Ahinôam, oei tơ Jesreel na 'bar 'nu bre noh kư̆m pơm akăn sư.