Mathiơ 18:1 - Sơ̆p Hlabơar Nơ̆r 'Bok Kei-Dei

¹ Hơtai noh lu bơngai pơhrăm păng Sư năm jet Sư khan: “Dôm lu bơngai 'Bok Kei-Dei pơgơ̆r bu pơm tih 'biơ̆?”

Mathiơ 18:1 Referans Kwoze

Philip 2:3

Iĕm 'nĕ kơ pơm minh tơdrong kiơ mă ưh kơ 'lơ̆ng kơ đe, thoi lĕ kơ tơdrong pơang, dah tơdrong ưh kơ băt mơnat kơ đe. Iĕm athei pơm 'lơ̆ng ling-lang thoi bơngai dim jô̆ kơ đe bơngai 'lơ̆ng hloh kơ iĕm.

Mathiơ 23:11

Lăm lu iĕm bu wă pơm tih, bơngai noh athei pơm thoi lĕ đĭch đam iĕm.

Rom 12:10

Bơ̆n 'mêm kơ bôl, athei dang bơ̆n 'mêm kơ 'nhŏng oh bơ̆n kơdih. Bơ̆n 'nĕ bơnê kơ akâu bơ̆n kơdih, bơ̆n ling-lang athei bơnê kơ đe, pơm hiôk kơ jơhngơ̆m đe.

Mathiơ 7:21

“Ưh kơ sĭ dôm lu bơngai mă krao Inh Kră Yang gơh mơ̆t tơ dêh char 'Bok Kei-Dei pơđĭ ôh. Pôm lu bơngai mă lui kiơ̆ kơ 'Bă Inh đĕch gơh mơ̆t tơ dêh char Sư noh.

Mathiơ 3:2

Sư bơtho đe thoi âu: “Iĕm athei tơbral kơdih tơdrong yoch, yua kơ 'Bok Kei-Dei wă pơgơ̆r iĕm boih.”

Mathiơ 18:2

Na Yêsu krao minh 'nu bơngai 'lơ̆p ăn kơ sư oei tŏk-bŏk lu sư.