Mathiơ 17:5 - Sơ̆p Hlabơar Nơ̆r 'Bok Kei-Dei

⁵ Kơplah Pêtrôs oei pơma thoi noh 'bôh glĭp kơ hơmơ̆l kok rang hơdah jur gom lu sư. Păng đei nơ̆r 'Bok Kei-Dei pơma đơ̆ng lăm hơmơ̆l noh khan: “Sư âu Kon Inh mă 'mêm kơeng tơpă, Inh lăp đon kơ Sư dêh. Na iĕm ling-lang athei chu yom kơ Sư.”

Mathiơ 17:5 Referans Kwoze

Mathiơ 3:17

Păng kư̆m đei nơ̆r pơma đơ̆ng plĕnh khan: “Âu boih Kon Inh mă 'mêm kơeng tơpă, Inh lăp đon kơ Sư tôm tơdrong.”

Mathiơ 12:18

“'Bok Kei-Dei khan: ‘Âu boih đam Inh, Inh rơih iŏk Sư, Inh 'mêm kơ Sư tơpă, Inh lăp đon kơ Sư dêh. Inh gô ăn kơ Sư Yang Bơhngol Inh, Wă bơtho tơbăt ăn kơ đĭ-đăng khŭl bơngai gah tơdrong Inh wă sek tơlang ning-mônh.

Markôs 9:7

Klaih kơ noh 'bôh glĭp kơ hơmơ̆l jur gom lu sư. Păng đei nơ̆r 'Bok Kei-Dei pơma đơ̆ng lăm hơmơ̆l ei khan: “Sư âu Kon Inh mă 'mêm kơeng tơpă. Na iĕm ling-lang athei chu yom kơ Sư.”

Both 18:15

Đơ̆ng lăm lu iĕm Kră Yang 'Bok Kei-Dei iĕm gô pôk minh 'nu bơngai pơm 'bok khan lê̆ adrol thoi inh; đơ̆ng lăm lu 'nhŏng oh iĕm, lu iĕm athei mơ̆ng kiơ̆ sư!

Yo 3:35

'Bă Sư 'Bok Kei-Dei lăp đon kơ Kon Sư tơpă, na pơchĕp ăn kơ Sư gơh pơm tôm tơdrong.

Markôs 1:11

Păng kư̆m đei nơ̆r pơma đơ̆ng plĕnh khan: “Ih boih Kon Inh mă 'mêm kơeng tơpă, Inh lăp đon kơ Ih tôm tơdrong.”

Tơdrông Tơ'bôh 1:7

Ning-mônh Sư wă jur tơ bơ̆n hăm hơmơ̆l. Đĭ-đăng kon bơngai gô 'bôh Sư. Lu bơngai mă pơ̆ng pơlôch Sư tơ 'long pơglang sơ̆ kư̆m 'bôh Sư mơ̆n. 'Bơ̆t noh kơnh đĭ-đăng khŭl kon bơngai jơ̆p kơ teh đak nhơ̆m hmoi 'bơ̆t anăp Sư; tơpă, trŏ kơ nhơ̆m hmoi tơpă mơ̆n. A-men.

Luka 3:22

Yang Bơhngol 'Lơ̆ng thoi lĕ sem kơtơp jur oei tơ Yêsu. Păng kư̆m đei nơ̆r pơma đơ̆ng plĕnh khan: “Ih boih Kon Inh mă 'mêm kơeng tơpă. Inh lăp đon kơ Ih tôm tơdrong.”

Êsai 42:1

'Nâu bơih đam Inh bơngai mă Inh dŏng tơgŭm, bơngai mă Inh rơih iŏk, bơngai mă Inh lăp đon. Inh gô dan yang Bơhngol Inh lăm sư, sư gô ba ăn tơdrong tơpăt hơnơ̆ng kơ lu teh đak.

Hêbrơ 5:9

Sư pơm dôm tơdrong tơnen 'blep thoi 'Bok Kei-Dei, na 'Bok Kei-Dei ăn kơ Sư pơm tơm gah tơdrong dŏng pơklaih dôm lu bơngai mă băt chu kơ Kon Sư, đơ̆ng tơdrong phak ăn arih ling-lang,

Both 18:19

Dah bơngai bu ưh kơ wă mơ̆ng nơ̆r Inh, đơ̆ng bơngai mă khan lê̆ adrol noh sư gô yua anăn Inh pơma, na Inh boih gô jô̆ bơngai noh yoch.

Jang 7:37

Môis kư̆m khan kơ đe Isơrael thoi âu: ‘'Bok Kei-Dei gô ăn kơ iĕm minh 'nu bơngai đơ̆ng khŭl bơ̆n wă pơtruh nơ̆r Sư kư̆m thoi inh mơ̆n.’

Yo 5:37

“'Bă Inh mă wơh Inh, Sư pơma bơ̆ng gah Inh. Lu iĕm ưh kơ layơ kơtơ̆ng Sư pơma păng iĕm ưh kơ lah 'bôh akâu Sư thoi yơ.

Kôlôsê 1:13

'Bok Kei-Dei dŏng pơklaih bơ̆n đơ̆ng yang kơnê̆ pơgơ̆r mă oei lăm măng mu, na anhăk ba bơ̆n oei tơ anih Kon Sư pơgơ̆r mă Sư 'mêm kơdih.

Êphêsô 1:6

Sư wă kơ bơ̆n bơnê kơ Sư 'mêm kơ bơ̆n tơpă, Kon pôm kơdih mă ăn lôch thoi noh.

Yo 3:16

'Bok Kei-Dei 'mêm mơnat tơpă rim 'nu bơngai jơ̆p ala teh âu na Sư mah ăn Kon pôm Sư lôch tang kon bơngai. Bơngai bu lui kơ Kon Sư huay kơ lôch hiong ôh. Bơngai 'noh sư gô oei hơdai hăm 'Bok Kei-Dei arih ling-lang.

Êsai 42:21

Kơ tơdrong 'lơ̆ng tơpăt Sư kơdih Kră Yang lăp đon, Sư gô pơm kơ khôi juăt Sư hơdah păng ư-ang.

Both 5:22

Tơ kơpal kông, đơ̆ng tŏk-bŏk ŭnh, đơ̆ng lăm hơmơ̆l păng đơ̆ng lăm măng mu, đei nơ̆r re kơtang; Kră Yang khan dôm lu nơ̆r âu ăn kơ đĭ-đăng lu iĕm, Sư ưh kơ đei thim ôh; Sư chih dôm lu nơ̆r noh tơ kơpal 'bar hlak tơmo lat na jao ăn kơ inh.

Le 19:19

Păng Jơwa tơgiĕp re rai dêh; kơplah noh Môis pơma, na Kră Yang 'Bok Kei-Dei tơl sư jơwa thoi grơ̆m.

Jang 1:9

Sư bơtho khan kơ đe ei đang boih, đơ̆ng noh Kră Yang Yêsu tŏk tơ kơpal plĕnh, hơmơ̆l gom Sư. Na đe ei hnhoi Sư dĭng tơ hơmơ̆l gom Sư ưh pă 'bôh boih.

Horiso 81:7

Lăm năr anat anot iĕm krao apinh, Inh dŏng pơklaih iĕm. Inh tơl tơwih kơ iĕm đơ̆ng anih hlơp lăm grơ̆m glaih, Păng pơlong lăng ih 'bơ̆t tu đak Mêri 'ba. Sêla

Jop 38:1

Kơplah noh, đơ̆ng lăm kial hơbŭt Kră Yang tơl Jop:

Mathiơ 17:6

Lăp lu bơngai pơhrăm păng Sư kơtơ̆ng nơ̆r pơma thoi noh jơhngơ̆m lu sư hli dêh, lu sư 'nap kŭp kơ̆l tơ teh.

Tơdrông Tơ'bôh 14:14

Đơ̆ng noh inh lăng dơ̆ng na 'bôh hơmơ̆l kok. Kơpal hơmơ̆l kok noh inh đei 'bôh minh 'nu hơbŏ thoi Kon Bơngai. Sư yơ̆l môk maih păng Sư chĕp săng kô han.