Mathiơ 16:14 - Sơ̆p Hlabơar Nơ̆r 'Bok Kei-Dei

¹⁴ Lu sư khan: “Mơ'nah đe krao Ih Yôhan bơngai pơm kơ đe 'batem. Mơ'nah khan Ih Êli, bơngai mă pơtruh nơ̆r 'Bok Kei-Dei sơ̆. Đei bơngai mơ'nah dơ̆ng khan Ih 'bok Jêrêmi mă kư̆m pơtruh nơ̆r 'Bok Kei-Dei sơ̆, mơ'nah khan Ih bơngai nai mă pơtruh nơ̆r 'Bok Kei-Dei sơ̆.”

Mathiơ 16:14 Referans Kwoze

Markôs 6:15

Lu mơ'nah dơ̆ng khan Yêsu Êli mă pơtruh nơ̆r 'Bok Kei-Dei sơ̆. Lu mơ'nah khan Sư minh 'nu bơngai pơtruh nơ̆r 'Bok Kei-Dei nai sơ̆.

Mathiơ 14:2

Sư khan kơ lu jơ̆ng 'bang sư: “'Noh Yôhan bơngai mă pơm 'batem kơ đe, sư lôch boih na dang ei sư iung arih dơ̆ng. Thoi noh na sư gơh pơm tôm tơdrong mơsêh mơyang.”

Malachi 4:5

'Nâu Inh gô wơh 'bok khan lê̆ adrol anăn sư Êli gô truh tơ lu iĕm adrol kơ năr tih krưp wă truh trŏ kơ năr hli tơpă đơ̆ng Kră Yang.

Yo 9:17

Lu sư jet dơ̆ng bơngai đêl măt tol ei: “'Bok ei, ih khan Sư pơklaih măt ih 'bôh hơdah, na ih anăn Sư 'Bok kiơ ei?” Na bơngai măt tol ei khan: “Inh anăn Sư 'Bok pơtruh nơ̆r 'Bok Kei-Dei tơpă 'noh.”

Yo 7:12

Lu kon pơlei pơla pơma 'bơm gah tơdrong Yêsu. Lu mơ'nah khan Sư bơngai 'lơ̆ng tơpăt; lu mơ'nah khan Sư ưh kơ 'lơ̆ng ôh, khan Sư chă hơlĕnh kơ kon pơlei pơla đĕch.

Luka 9:8

Lu bơngai mơ'nah dơ̆ng khan Yêsu Êli mă pơtruh nơ̆r 'Bok Kei-Dei sơ̆. Mơ'nah dơ̆ng kư̆m khan Yêsu minh 'nu bơngai pơtruh nơ̆r 'Bok Kei-Dei nai sơ̆ iung arih dơ̆ng.

Markôs 8:28

Na lu bơngai pơhrăm păng Sư khan: “Mơ'nah khan Ih Yôhan, bơngai mă pơm 'batem kơ đe. Mơ'nah khan Ih Êli, bơngai mă pơtruh nơ̆r 'Bok Kei-Dei sơ̆. Mơ'nah dơ̆ng kư̆m khan Ih minh 'nu bơngai pơtruh nơ̆r 'Bok Kei-Dei nai sơ̆.”

Mathiơ 17:10

Na lu sư jet Yêsu khan: “Lơliơ lu thây bơtho tơdrong juăt đe Juđê khan Êli jur hơdrol kơ 'Bok Krist?”

Yo 1:21

Lu sư jet dơ̆ng: “Lei hăm trŏ kơ ih Êli bơngai mă pơtruh nơ̆r 'Bok Kei-Dei sơ̆?” Yôhan khan: “Ưh ôh.” “Lei hăm trŏ kơ ih bơngai pơtruh nơ̆r 'Bok Kei-Dei mă nhôn chang gô đơ̆ng sơ̆?” Yôhan khan: “Ưh mơ̆n.”

Je 1:1

Nơ̆r Jêrêmi kon drŏ-nglo Hilkia. Sư minh lăm lu 'bok soi oei tơ pơlei Anathôt, lăm char Bênjamin.

Mathiơ 3:1

Kơplah ei sơ̆ đei Yôhan bơngai mă pơm kơ đe 'batem, sư năm bơtho đe tơ char glă lăm dêh Juđê.

Mathiơ 16:15

Na Yêsu khan kơ lu sư: “Bĭ iĕm khan Inh bu?”