Mathiơ 15:28 - Sơ̆p Hlabơar Nơ̆r 'Bok Kei-Dei

²⁸ Sư pơma trŏ thoi noh, na Yêsu khan: “Ơ yă, ih lui kơjăp tơpă. Tơdrong ih apinh noh gô đei kơ ih.” Kơplah noh kon adruh sư klaih hloi.

Mathiơ 15:28 Referans Kwoze

Mathiơ 8:13

Yêsu khan dơ̆ng kơ 'bok tih linh: “Brŏk mă 'lơ̆ng, đĭch ih klaih boih yua kơ ih lui.” Đĭch sư klaih hloi đơ̆ng jơ 'noh tơpă.

Markôs 5:34

Na Yêsu khan kơ sư: “Ơ duch, kơlih kơ ih lui na ih klaih, na dang ei brŏk kơ ih mă 'lơ̆ng bĕ. Ih klaih đĭ boih, ưh pă đei jĭ dơ̆ng.”

Mathiơ 9:22

Yêsu hue tơ rŏng 'bôh duch ei păng khan: “Ơ duch, ih 'nĕ kơ hli, kơlih kơ ih lui na ih klaih.” Drŏ-kăn noh klaih hloi 'bơ̆t anăp Sư.

Horiso 145:19

Sư ăn tôm mah kơ lu đe bu hli yom kơ Sư. Kŭm mơ̆ng nơ̆r lu sư krao apinh păng dŏng pơklaih lu sư.

Mathiơ 8:10

Yêsu kơtơ̆ng 'bok tih linh khan thoi noh, Sư mah hlĭch kơ đon yua kơ 'bok noh đei đon lui tơpă. Thoi noh na Sư khan kơ lu bơngai kiơ̆ ei: “Inh khan kơ iĕm tơpă, đơ̆ng sơ̆ Inh tam mă 'bôh ôh khŭl bơngai Juđê lui kơjăp dang bơngai Rôm âu.

Luka 17:5

Lu jơ̆ng 'bang Kră Yang Yêsu khan kơ Sư: “Apinh Ih tơgŭm nhôn lui kơ 'Bok Kei-Dei kơjăp.”

Luka 7:50

Na Yêsu khan kơ bơngai drŏ-kăn ei dơ̆ng: “Yua kơ ih lui na ih klaih. Yak kơ ih mă 'lơ̆ng bĕ.”

Jop 13:15

Mă Kră Yang pơlôch inh, inh kư̆m oei gơnang kơ sư; Mă-lei inh oei dŏng tơdrong arih inh 'bơ̆t anăp Sư.

Luka 7:9

Yêsu kơtơ̆ng sư khan thoi noh, Sư mah hlĭch kơ đon, yua 'bok noh đei đon lui tơpă. Na Sư hue tơ rŏng khan kơ lu bơngai tơpôl mă kiơ̆ Sư ei thoi âu: “Inh khan kơ iĕm tơpă, đơ̆ng sơ̆ Inh tam mă 'bôh ôh khŭl bơngai Juđê lui kơjăp dang bơngai Rôm âu.”

Jop 23:10

Mă-lei Kră Yang băt trong inh nơnăm; kơplah Kră Yang pơlong lăng inh, inh gô lĕch thoi maih.

II Tes 1:3

Ơ 'nhŏng oh, nhôn bơnê kơ 'Bok Kei-Dei ling-lang yua kơ iĕm rai đunh rai lui rai pran kơjăp hăm rim năr iĕm rai gơh 'mêm mơnat dih băl lăm tơduă lu iĕm. Kơlih kơ thoi noh na 'Bok Kei-Dei wă kơ nhôn krao khan bơnê kơ Sư.

Mathiơ 14:31

Yêsu thar tơkan rôp ti păng khan: “Liơ ih lui rơdu dêh, liơ ih ưh kơ lui ngeh kơ Inh?”

I Sam 2:30

Lei na Kră Yang 'Bok Kei-Dei khan. Inh pơkă bơih hăm hnam ih păng hnam 'bok ih gô bơ̆jang kơ inh ling-lang hloi. Mă-lei dang ei Kră Yang khan: Ưh kơ lei ôh. Inh gô pơyom kơ bơngai bu mă pơyom kơ Inh, bơngai bu mă pơjăm Inh, Inh kư̆m gô pơjăm sư.

Nhom 3:32

Mă khan Sư đei pơm kơ inh ơh sơ'ngon gô đei tơdrong 'mêm mơnat tih 'bĕnh blai.

Mathiơ 15:27

Bơngai drŏ-kăn ei khan: “Ơ 'Bok, trŏ boih, mă-lei inh wă kơ Ih tơgŭm inh 'biơ̆, yua kơ phŏ phŏ inh kư̆m 'bôh kŏ năm alep sa đêl kon hơ'lơ̆p sa asĭ.”