Mathiơ 15:19 - Sơ̆p Hlabơar Nơ̆r 'Bok Kei-Dei

¹⁹ Yua kơ đơ̆ng jơhngơ̆m đon kon bơngai tơchĕng kơnê̆ na jing yoch: Sư pơlôch đe, kơtrŏ hăm akăn đe, sư pơm pơyô kư̆ kă, sư tơtông, sư oei pơma hơlĕnh, sư pơjăm pơjuă đe.

Mathiơ 15:19 Referans Kwoze

Je 17:9

Jơhngơ̆m kon bơngai hơlĕnh pơdăr hloh kơ đĭ-đăng, păng kơnê̆ răm tơpă; Bu kĕ băt jơhngơ̆m kon bơngai?

Tơdrông Pơđơk 4:23

Kơchăng bĕ ling-lang wă kơ wei-lăng jơhngơ̆m ih, Yua kơ tơdrong arih tơm lĕch đơ̆ng noh.

Bl 6:5

Kră Yang 'bôh kon bơngai kơpal teh âu pơm kơnê̆ dêh păng jơhngơ̆m lu sư tơchĕng kơnê̆ ling-lang.

Je 4:14

Ơ kon pơlei Jêrusalem ôp mă rơgoh bĕ jơhngơ̆m kơnê̆ iĕm, wă kơ iĕm gơh đei dŏng pơklaih. Lu iĕm răk mong tơdrong kơnê̆ tơ lăm jơhngơ̆m lu iĕm dĭng dang yơ?

Jang 8:22

Ih athei tơbral kơdih tơdrong yoch ih âu. Apinh 'Bok Kei-Dei 'nĕ jô̆ yo kơ ih tơdrong ih tơchĕng yoch noh hei.

Êsai 59:7

Jơ̆ng lu sư kơdâu năm wă pơm tơdrong kơnê̆, hăt hot pơlôch bơngai ưh kơ đei tơdrong yoch; đon lu sư tơchĕng jơ̆ hơlĕnh pơdăr, lu sư ba tơdrong pơrăm păng pơchah pơchek đĭ rok trong gơlong lu sư yak.

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

Tơdrông Pơđơk 6:14

Jơhngơ̆m kơnê̆ chă đon wă pơm kơnê̆, Ling-lang chă tơdrong tơhil.

Horiso 119:113

Inh areh kơ lu bơngai đei jơhngơ̆m 'bar pah. Mă-lei 'mêm kơ khôi juăt Ih.

Rom 7:18

Na dang ei inh băt boih tơdrong 'lơ̆ng hoh-hoy kơ oei lăm inh hơya tŏ sĕt, tă ling kơnê̆ ngăl. Kiơ̆ kơ đon hơdơ̆r 'bơ̆r apơi wă kơ pơm 'lơ̆ng ngăl ră, mă-lei ưh kơ kĕ.

Mathiơ 9:4

Yêsu băt kơ lu sư pơma mơmơnh lăm to jô̆ kơ Sư tơdrong 'noh na Sư khan: “Liơ iĕm pơma mơmơnh lăm to, khan Inh pơma kơnê̆?

Bl 8:21

Kră Yang 'bâu phu păng tơchĕng khan: “Inh ưh pă hiap teh yua kơ kon bơngai dơ̆ng, yua kơ jơhngơ̆m kon bơngai yoch kơnê̆ tơpă đơ̆ng sơ̆, đơ̆ng oei 'lơ̆p.c Inh kư̆m ưh kơ wă pơrăm lu kon sem arih thoi Inh đei pơm.

Tơdrông Pơđơk 24:9

Tơdrong tơchĕng wă pơm lĕch đơ̆ng kơhlôh kơwao noh yoch. Bơngai juăt kơ hiap đe areh dêh.

Tơdrông Pơđơk 22:15

Tơdrong kơtul kơhlôh 'bôh oei chô̆ jơhngơ̆m lu hơ'lơ̆p. Mă-lei đei yua 'long teh bơtho tơdrong kơtul lĕch tơ ataih kơ sư.

Jo 22:29

Balaam tơl aseh sư khan: Noh yua kơ e ưh kơ chu kơ inh. Tơdah inh đei đao gưm inh pơlôch e boih!

Mathiơ 5:28

Na Inh bơtho iĕm dang ei thoi âu: Bơngai bu 'bôh drŏ-kăn, rŏ kơ ngôi hăm sư, bơngai 'noh yoch boih, bơngai 'noh dang lĕ pơm kư̆ kă hăm drŏ-kăn boih.

Mathiơ 15:20

Tôm tơdrong kơnê̆ noh lĕch đơ̆ng jơhngơ̆m đon kon bơngai na jing yoch. Tơdrong iĕm sŏng sa ưh kơ ôp ti noh ưh kơ đei pơm kơ iĕm yoch ôh.”