Mathiơ 14:23 - Sơ̆p Hlabơar Nơ̆r 'Bok Kei-Dei

²³ Đơ̆ng noh na Yêsu sơlah đơ̆ng lu bơngai tơpôl noh tŏk tơ kông kơdrô̆ wă krao khan kơ 'Bă Sư. Lăp 'năr mơ̆t măng mơt boih Sư oei tơ noh mơ̆n.

Mathiơ 14:23 Referans Kwoze

Luka 6:12

Kơplah ei Yêsu tŏk tơ groi kông wă krao khan kơ 'Bok Kei-Dei. Sư krao khan tơ noh prăt măng hloi.

Markôs 6:46

Đơ̆ng noh na Yêsu tơklah đơ̆ng lu đe ei tŏk tơ kông kơdrô̆ Sư wă krao khan kơ 'Bă Sư.

Mathiơ 26:36

Đơ̆ng noh Yêsu năm hơdai hăm lu bơngai pơhrăm păng Sư tơ anih mă đe anăn Gêtsêmanê. Yêsu khan kơ lu sư: “Iĕm oei 'bơ̆t âu, Inh wă năm krao khan tơ to.”

Mathiơ 6:6

Dah iĕm wă krao khan, iĕm athei tang 'măng kơdrô̆ tơ anih hrĕp. Iĕm krao khan thoi noh na iĕm tơchĕng truh tơ 'Bă bơ̆n Yang mă bơ̆n ưh kơ gơh 'bôh. Mă iĕm krao khan tơ anih hrĕp Sư kư̆m 'bôh mơ̆n, Sư ăn tơdrong iĕm apinh noh tơpă.

Jang 6:4

Na nhôn krao khan păng bơtho tơdrong 'Bok Kei-Dei đĕch.”

Luka 9:28

Dang tơhngam năr đơ̆ng rŏng kơ Yêsu bơtho tơdrong noh Yêsu anhăk lu bơngai pơhrăm păng Sư, anăn lu sư Pêtrôs, Yôhan păng Yakơ, lu sư tŏk tơ kông kơdrô̆ lu sư wă krao khan.

Markôs 1:35

Lăp pơgê hrôih năr đơ̆ng rŏng, Yêsu lĕch hloi đơ̆ng pơlei ei năm tơ anih kueng kơdrô̆, Sư krao khan kơdrô̆ Sư tơ ei.

Luka 3:21

Kơplah đe tam mă phak Yôhan sơ̆ sư pơm 'batem kơ lu kon tơring tơrang. Đơ̆ng noh sư kư̆m pơm kơ Yêsu 'batem mơ̆n. Lăp Yêsu iŏk 'batem đang boih na Sư krao khan kơ 'Bok Kei-Dei, na plĕnh tơpơih.

Luka 5:16

Mă-lei hơtai noh Yêsu wă năm krao khan kơ 'Bă Sư 'Bok Kei-Dei tơ anih kueng, na Sư năm hloi.

Luka 9:18

Minh năr ei Yêsu oei krao khan kơdrô̆, na lu bơngai pơhrăm păng Sư năm tơ Sư. Na Yêsu jet lu sư: “Lu kon pơlei pơla sư krao anăn Inh bu?”