Mathiơ 14:16 - Sơ̆p Hlabơar Nơ̆r 'Bok Kei-Dei

¹⁶ Na Yêsu khan kơ lu sư: “Ưh kơ kăl kơ năm răt tơmam sa tơ pơlei đe ôh, iĕm 'me sư wăi.”

Mathiơ 14:16 Referans Kwoze

Yo 13:29

Yua kơ Juđa wei-lăng kơdŭng jên lu sư, na lu mơ'nah ngêh kơ Yêsu khan kơ sư năm răt tơmam sa, hiă wă sa lăm năr giĕng ei thâu, dah mơnat ăn kơ bơngai dơnuh kơlĕ.

Bôk Bơthô 11:2

Ih athei chă asong kơ tơpơh 'nu, tơhngam 'nu, truh tơ lơ bơngai, yua ưh kơ băt năr ayơ gô đei tơdrong truh kơ ih.

Luka 3:11

Na Yôhan khan dơ̆ng: “Dah bơngai bu đei 'bar blah ao lei sư athei asong minh blah ao sư kơ lu bơngai mă hoh kơ đei. Dah bơngai bu đei tơmam sa rơkah, lei sư athei chă asong kơ đe lei-lăi mơ̆n.”

Tơdrông Pơđơk 11:24

Bơngai bu đei đon hơmrah, gô rai mơdrŏng dêh. Bơngai bu kret pơ'met rai kơmah kơ'bah rai dêh.

Mathiơ 14:15

Lăp hiưp kơsơ̆ boih na lu bơngai pơhrăm păng Sư khan kơ Sư thoi âu: “Anih âu kueng chơngue dêh păng kơsơ̆ boih tăm. Ih kuă kơ kiơ athei lu sư năm chă răt kơdih tơmam sa kiơ̆ pơlei jê̆ âu 'biơ̆?”

Mathiơ 14:17

Lu sư khan: “Bơ̆n đei lăp pơđăm tŏ 'bĕng mi păng 'bar hlak ka, liơ gơh mah?”