Mathiơ 12:45 - Sơ̆p Hlabơar Nơ̆r 'Bok Kei-Dei

⁴⁵ Na sư năm chă pơtơm buăl sư tơpơh 'nu mă kơnê̆ hloh kơ sư dơ̆ng mơ̆t oei tơ bơngai noh; na bơngai noh sư jing pơmat hloh kơ minh 'nu yang kơnê̆ mơ̆t ki. Na lu bơngai kơnê̆ jơhnơr ahrei kư̆m thoi noh mơ̆n, yua kơ lu sư ưh kơ wă lui kơ Inh.”

Mathiơ 12:45 Referans Kwoze

Luka 11:26

Na sư năm chă pơtơm buăl sư tơpơh 'nu mă kơnê̆ hloh kơ sư dơ̆ng mơ̆t oei tơ bơngai noh. Na bơngai noh sư jing pơmat hloh kơ minh 'nu yang kơnê̆ mơ̆t ki.”

Markôs 5:9

Na Yêsu jet anăn sư: “Anăn ih bu?” Sư khan: “Anăn inh Tơpôl yua kơ nhôn lơ.”

Markôs 16:9

Yêsu iung arih til pơgê hrôih năr tơpơh lăm giĕng 'noh, na Sư tơ'bôh akâu Sư kơ Mari Pơlei Mađơla hơdrol kơ đe. Sư bơngai mă Yêsu pơpuh tơpơh 'nu yang kơnê̆ lĕch đơ̆ng akâu Sư sơ̆.

Hêbrơ 10:39

Mă-lei bơ̆n ưh kơ sĭ kơ bơngai mă lêl kơdŭn tơ rŏng wă kơ hiong tơdrong arih ôh, bơ̆n bơngai nuih, bơngai lui kơjăp wă dŏng akâu kơdih gơh arih ling-lang.

Mathiơ 23:24

Iĕm khan bơngai tơ'bôh kơ đe trong, mă-lei dang bơngai măt tol. Tơdrong kăl iĕm pơhơi, tơdrong hơi iĕm hăt hot. 'Noh dang iĕm chơkơih tŭk 'bruih iĕ lăm kơchŏk đak, mă tŏ aseh iĕm ưh kơ 'bôh, nhă luăn jrok hloi.

Mathiơ 12:24

Lu bơngai Pharisi kơtơ̆ng thoi noh, lu sư khan: “'Noh đơ̆ng yang Belsêbul yŏng yang kơnê̆ tơgŭm Sư na Sư gơh pơpuh lu yang kơnê̆ noh.”

Êphêsô 6:12

Tơdrong noh ưh kơ sĭ tơblah tơduă bơ̆n kon bơngai ôh, bơ̆n tơblah hăm lu yŏng yang kơnê̆, sư kư̆m pran mơ̆n, sư kư̆m oei tơ kơpal plĕnh ti mă tơ anih nai; sư pơgơ̆r lu bơngai oei tơ ala teh âu, lu bơngai mă oei lăm măng mu.

Mathiơ 23:15

“Ơ lu thây bơtho đe Juđê păng lu bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm kư̆ kơ năm bơtho jơ̆p-jang kơ teh đak, tơ minh 'nu bơngai kư̆m năm bơtho, mă tơdrong bơtho, iĕm ưh kơ bơtho sư pơm 'lơ̆ng ôh, rai pơm kơnê̆ hloh kơ iĕm dơ̆ng.

Mathiơ 12:44

Na sư tơchĕng khan: ‘Inh brŏk oei tơ bơngai đêl inh oei ki đĕch.’ Lăp sư brŏk, sư 'bôh bơngai đêl sư oei noh thoi hnam đe sơpuih hơmet lê̆ 'lơ̆ng boih mă-lei ưh kơ đei Yang Bơhngol 'Lơ̆ng oei.

Lêwi 13:20

'Bok soi gô lăng sư, tơdah 'bơ̆t jĭ rơka sư jrŭ hloh kơ akar păng sŏk sop sư jing kok 'bok soi gô jô̆ sư jing kơnê̆ 'mê̆-'mach, noh jĭ chin, sư lĕch 'bơ̆t đêl pơtôch.

Mathiơ 17:21

Na gah tơdrong yang kơnê̆ thoi âu, dah bơ̆n ưh kơ krao khan kơ Kră Yang 'Bok Kei-Dei hơdrol păng ưh kơ ơ̆t kơ por, mă bơ̆n pơpuh lap đĕch, sư ưh kơ chu kơdâu ôh.