Mathiơ 12:19 - Sơ̆p Hlabơar Nơ̆r 'Bok Kei-Dei

¹⁹ Mă-lei Sư ưh kơ chă pơjah pơjăng hăm đe, ưh kơ pơma pơret ôh, Kư̆m ưh kơ bơtho đe tơ anih kư̆ kă rok trong dah rok cham kon pơlei wă kơ đe ư-ang kơ Sư ôh.

Mathiơ 12:19 Referans Kwoze

Mathiơ 11:29

Yua kơ Inh bơngai dim, băt 'mêm mơnat, na apinh iĕm pŭ iŏk bĕ, pơhrăm iŏk bĕ tơdrong Inh âu, wă kơ iĕm pơdơh hiôk.

II Kor 10:1

Inh Pôl wă pơma păng iĕm tơdrong âu. Lơliơ lu bơngai mơ'nah jô̆ kơ inh khan kơplah inh oei ataih đơ̆ng iĕm, inh chih kơthơ, inh pơma nuih; mưh inh oei jê̆ iĕm khan inh pơma lêl? Yêsu Krist Sư dim gơh găt dêh, na Sư wă kơ bơ̆n kư̆m thoi noh.

Luka 17:20

Lu bơngai Pharisi jet Yêsu: “Layơ 'Bok Kei-Dei wă pơgơ̆r teh đak?” Yêsu tơl: “'Bok Kei-Dei pơgơ̆r bơ̆n ưh kơ 'bôh păng măt ôh.

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Êsai 42:2

Sư ưh kơ ôr pơret, kư̆m ưh kơ pơma re, ưh kơ ăn kơ đe kơtơ̆ng nơ̆r sư tơ rok trong pơlei.

Mathiơ 12:20

Sư bơngai dim khôn dêh. Mă đe lui rơdu dang hla 'long wă jê̆ hơlŭng, Sư ưh kơ phĕ tŭk ôh; Mă đe lui rơdu dang ŭnh kơđeng wă jê̆ păt, Sư kư̆m ưh kơ pĭt tŭk ôh; Sư kư̆ kơ jang truh tơ kon bơngai pơm 'lơ̆ng tơpăt dih băl.