Markôs 9:23 - Sơ̆p Hlabơar Nơ̆r 'Bok Kei-Dei

²³ Yêsu khan kơ sư: “Dah ih đei đon lui, lei kon ih gô klaih. Bơngai bu đei đon lui, bơngai 'noh sư gơh pơm tôm tơdrong.”

Markôs 9:23 Referans Kwoze

Yo 11:40

Yêsu khan kơ sư: “Inh khan kơ ih boih, dah ih lui ih gô 'bôh tơdrong mơsêh mơyang đơ̆ng 'Bok Kei-Dei.”

Hêbrơ 11:6

Bơngai bu ưh kơ đei đon lui, bơngai noh 'Bok Kei-Dei ưh kơ lăp đon ôh. Bơngai bu wă năm tơ 'Bok Kei-Dei, sư athei lui kơ đei 'Bok Kei-Dei tơpă na 'Bok Kei-Dei lăp đon păng athei lui kơ Sư wă tơgŭm dôm lu bơngai mă krao chă Sư.

Markôs 11:23

Inh roi kơ iĕm tơpăt, dah bơ̆n wă sơkat kơ kông âu gơh mơ̆n. Bơ̆n khan thoi âu: ‘Weh bĕ e, hiŏng kơtah kơdih tơ đak dơsĭ to.’ Dah bơ̆n lui kơ kông âu gô hiŏng kơtah kơdih tơpă 'nĕ kơ ngĭl ngŭl, lei bơ̆n gô 'bôh tơpă.

Mathiơ 17:20

Yêsu khan: “'Noh yua kơ tơdrong lui iĕm oei rơdu iĕ. Inh khan kơ iĕm tơpă, mă khan tơdrong lui iĕm rơdu iĕ tŏ găr sơ'bei dah sư rai wơ̆ thoi găr sơ'bei chăt kơjung lei iĕm gơh pơm tôm tơdrong nai hai. Pơtih gia iĕm sơkat kơ kông âu khan thoi âu: Ơ kông, hiŏng jăk kơdih tơ nai, na sư hiŏng hloi kơdih tơ nai.”

II Ho 20:20

Truh pơgê đơ̆ng rŏng, lu sư iung đơ̆ng hrôih lĕch năm tơ tơmăn glă Têkôa; kơplah lu sư oei yak, Jêhôsaphat dơ̆ng tơ noh, khan: “Ơ lu bơngai Juđa păng kon pơlei oei lăm pơlei Jêrusalem mơ̆ng bĕ inh: Lui gơnang bĕ kơ Kră Yang 'Bok Kei-Dei lu iĕm, na lu iĕm pran kơjăp; lui bĕ kơ 'bok khan lê̆ adrol Kră Yang, lei na lu iĕm kĕ jei,”

Luka 17:6

Na Kră Yang Yêsu khan kơ lu sư: “Dah tơdrong lui iĕm wơ̆ thoi găr sơ'bei, lei iĕm gơh sơkat kơ 'long tơpang âu khan: ‘Tơgloh pơtăm kơ e kơdih tơ đak dơsĭ to,’ na sư kư̆m chu ih mơ̆n.

Jang 14:9

Bơngai jo ei mơ̆ng Pôl bơtho Tơdrong 'Nao 'Lơ̆ng, Pôl lăng muh măt sư, băt kơ sư wă lui kơ 'Bok Kei-Dei, na gơh klaih kơ jĭ.

Markôs 9:22

Yang kơnê̆ ngăl glơ̆m sư tơ ŭnh, phŏ lăm đak wă pơlôch sư. Na dang ei dah Ih gơh pơklaih, apinh Ih mơnat kơ nhôn, tơgŭm nhôn 'biơ̆.”

Markôs 9:24

'Bă bơngai 'lơ̆p yang kơnê̆ mơ̆t ei pơma hloi 'bơ̆r re khan: “Inh lui mơ̆n mă-lei oei rơdu. Apinh Ih pơm ăn kơ inh lui mă kơjăp.”

Mathiơ 14:29

Na Yêsu khan: “Năm tơ âu wăi.” Na Pêtrôs jur hloi đơ̆ng thŏng-nan yak kơpal đak năm tơ Sư.