Markôs 9:22 - Sơ̆p Hlabơar Nơ̆r 'Bok Kei-Dei

²² Yang kơnê̆ ngăl glơ̆m sư tơ ŭnh, phŏ lăm đak wă pơlôch sư. Na dang ei dah Ih gơh pơklaih, apinh Ih mơnat kơ nhôn, tơgŭm nhôn 'biơ̆.”

Markôs 9:22 Referans Kwoze

Luka 7:13

Lăp Kră Yang Yêsu 'bôh mĕ sư ei, 'brơ̆k mơnat, na Sư khan: “Ih 'nĕ pă hmoi.”

Markôs 5:19

Mă-lei Yêsu ưh kơ ăn, Sư khan kơ bơngai ei khan: “Ih wih brŏk tơ 'nhŏng oh ih păng ih roi kơ lu sư tơdrong tih-tin ih dang yơ păng 'Bok Kei-Dei 'mêm mơnat kơ ih dang yơ, na Sư mah pơklaih ih dang noh.”

Mathiơ 20:34

Yêsu lăng mơnat kơ bre sư dêh, na Sư pel măt bre sư, măt bre sư 'bôh hơdah hloi na bre sư kiơ̆ hloi Yêsu.

Mathiơ 14:31

Yêsu thar tơkan rôp ti păng khan: “Liơ ih lui rơdu dêh, liơ ih ưh kơ lui ngeh kơ Inh?”

Mathiơ 9:28

Lăp Yêsu mơ̆t tơ hnam, bre sư kư̆m mơ̆t kiơ̆ mơ̆n. Na Yêsu jet bre sư khan: “Biĕm hăm lui kơ Inh gơh pơklaih biĕm?” Bre sư khan: “Lui.”

Mathiơ 8:2

Kơplah noh đei minh 'nu bơngai jĭ chin năm jê̆ Sư sơtơ̆p kŭl-tăng păng khan: “Ơ 'Bok, dah Ih wă, Ih gơh pơklaih inh.”

Mathiơ 17:15

“Ơ 'Bok, apinh Ih mơnat 'biơ̆ kơ kon inh sư bơngai hơwing, yang kơnê̆ nŏng kơ glơ̆m sư, phŏ pơ̆k tơ ŭnh phŏ pơ̆k tơ đak pơmat-tat măng năr.

Markôs 9:21

Yêsu jet 'Bă sư: “Sư thoi âu tam đunh ưh?” 'Bă sư khan: “Đơ̆ng sư oei iĕ sơ̆.

Markôs 9:23

Yêsu khan kơ sư: “Dah ih đei đon lui, lei kon ih gô klaih. Bơngai bu đei đon lui, bơngai 'noh sư gơh pơm tôm tơdrong.”