Markôs 8:9 - Sơ̆p Hlabơar Nơ̆r 'Bok Kei-Dei

⁹ Lu bơngai tơpôl ei dang puăn-rơbâu 'nu bơngai. Klaih kơ noh Yêsu tơwih đĭ lu bơngai tơpôl ei brŏk.

Markôs 8:9 Referans Kwoze

Markôs 8:8

Na lu bơngai tơpôl ei sa phĭ mah rơkah rơkai boih, na lu sư dônh tah tơ bai 'bĕnh tơpơh tŏ bai 'bĕng mi păng ka rơkah.

Markôs 8:10

Na Yêsu tŏk tơ thŏng-nan hơdai păng lu bơngai pơhrăm păng Sư năm tơ tơring Đalmanutha.

Mathiơ 13:36

Yêsu bơtho kơ lu bơngai tơpôl đang boih, na Sư mơ̆t tơ hnam. Lu bơngai pơhrăm năm jet Sư thoi âu: “Apinh Ih tơblang kơ nhôn tơdrong pơtih gia 'ba păng 'nhĕt chăt hơdai noh hei wă khan kiơ.”

Luka 18:31

Yêsu anhăk mơjĭt-'bar 'nu bơngai pơhrăm păng Sư weh ataih 'biơ̆ kơ đe na Sư khan kơ lu bơngai pơhrăm păng Sư: “Iĕm mơ̆ng bĕ. Dang ei bơ̆n oei năm tơ Pơlei Jêrusalem. Tơ ei kơnh đe gô pơm kơnê̆ kơ Inh, na 'blep tôm tơdrong lu bơngai pơtruh nơ̆r 'Bok Kei-Dei sơ̆, lu sư chih khan lê̆ hơdrol gah tơdrong Inh Kon Bơngai.