Markôs 8:2 - Sơ̆p Hlabơar Nơ̆r 'Bok Kei-Dei

² “Inh mơnat kơ lu bơngai tơpôl âu dêh oei hơdai bơ̆n pêng năr boih, tơmam sa lu sư đĭ pă đei boih.

Markôs 8:2 Referans Kwoze

Mathiơ 9:36

Yêsu 'bôh lu bơngai tơpôl noh Sư mơnat dêh, lu sư oei hli sơ'ngon đon ưh kơ băt pơm thoi yơ, dang lĕ kơ triu ưh kơ đei tơ'ngla wei-lăng.

Mi 7:19

Sư kư̆m gô oei 'mêm mơnat kơ bơ̆n, kơtĭt lê̆ tơdrong yoch kơnê̆ lu nhôn tơ ala jơ̆ng Ih; păng klơ̆m hŭt lê̆ tơdrong yoch lu nhôn, tơ lăm đak dơsĭ jrŭ sŭng.

Horiso 145:15

Đĭ-đăng măt kon bơngai oei chang Ih. Ih ăn kơ lu sư tơmam sa kiơ̆ trŏ 'bơ̆t sư kăl yua.

Horiso 103:13

Thoi 'bă 'mêm kơ kon hơ'lơ̆p sư dang yơ. Kră Yang 'mêm kơ lu bơngai bu mă hli yom kơ Sư dang noh mơ̆n.

Hêbrơ 5:2

Lu sư băt mơnat kơ lu bơngai mă kơhlôh kơwao, lu bơngai yoch, yua kơ lu sư kư̆m hơdai tơrăn lei-lăi thoi lu bôl buăl.

Hêbrơ 4:15

Sư ưh kơ sĭ 'bok soi mă ưh kơ băt mơnat kơ kon bơngai rơdu tơrăn ôh. Sư mơnat kơ bơ̆n tơpă, yua kơ Sư mơn kơdih hơdai đei tơdrong pơhlŭ thoi kon bơngai bơ̆n. Gah tơdrong pơm yoch, Sư ưh kơ đei pơm yoch kiơ ôh.

Luka 15:20

“Klaih kơ noh sư iung brŏk hloi. Tam mă truh tơ hnam, oei ataih, mă-lei 'bă sư tơmang 'bôh sư boih. 'Bă sư lăng 'brơ̆k mơnat, na tơkan chŭm kuăr sư.

Luka 7:13

Lăp Kră Yang Yêsu 'bôh mĕ sư ei, 'brơ̆k mơnat, na Sư khan: “Ih 'nĕ pă hmoi.”

Markôs 9:22

Yang kơnê̆ ngăl glơ̆m sư tơ ŭnh, phŏ lăm đak wă pơlôch sư. Na dang ei dah Ih gơh pơklaih, apinh Ih mơnat kơ nhôn, tơgŭm nhôn 'biơ̆.”

Markôs 6:34

Lăp Yêsu jur đơ̆ng thŏng-nan, Sư 'bôh lơ bơngai tơpă gô Sư tơ anih 'noh. Na Sư mơnat dêh kơ lu bơngai tơpôl 'noh yua kơ lu bơngai tơpôl 'noh thoi lĕ triu ưh kơ đei bơngai wei-lăng. Na Sư bơtho lu đe ei lơ tơdrong.

Markôs 5:19

Mă-lei Yêsu ưh kơ ăn, Sư khan kơ bơngai ei khan: “Ih wih brŏk tơ 'nhŏng oh ih păng ih roi kơ lu sư tơdrong tih-tin ih dang yơ păng 'Bok Kei-Dei 'mêm mơnat kơ ih dang yơ, na Sư mah pơklaih ih dang noh.”

Markôs 1:41

Yêsu lăng mơnat kơ bơngai 'noh na chro ti pel bơngai 'noh păng khan: “Inh wă tơpă pơklaih ih, Inh pơklaih ih dang ei.”

Mathiơ 20:34

Yêsu lăng mơnat kơ bre sư dêh, na Sư pel măt bre sư, măt bre sư 'bôh hơdah hloi na bre sư kiơ̆ hloi Yêsu.

Mathiơ 14:14

Lăp Yêsu jur đơ̆ng thŏng-nan Sư 'bôh lơ bơngai kiơ̆ Sư na Sư mơnat dêh kơ lu bơngai noh, na Sư pơklaih hloi lu bơngai jĭ jăn.

Horiso 145:8

Kră Yang băt mơnat păng đei jơhngơ̆m 'mêm. Hiơ̆ kơ blĕk păng 'bĕnh kơ tơdrong 'mêm mơnat.

Hêbrơ 2:17

Sư pơm tôm tơdrong dang kơ 'nhŏng oh tơpă. Sư jang tơdrong 'Bok Kei-Dei pơklaih yoch kon bơngai thoi 'bok soi tih mơnat kơ kon bơngai, na kon bơngai gơnang kơ Sư tơpă.

Markôs 6:32

Đang kơ pơma thoi noh lu sư tŏk thŏng-nan năm tơ anih kueng kơdrô̆.

Markôs 8:3

Dah bơ̆n tơwih lu sư klak hoh, ưh kơ jor lu sư rơmơ̆n rok trong, yua kơ đei lu mơ'nah đơ̆ng ataih tơpă adrin năm tơ âu.”

I Pot 19:6

Sư iung lăng 'bôh minh tơpei 'bĕng 'bơ̆t kơ̆l anih sư 'bĭch oei 'buh kơpal tơmo ŭnh păng minh pôm get đak, sư iŏk sa păng nhă đak 'noh đơ̆ng noh sư 'bĭch dơ̆ng.