Markôs 7:34 - Sơ̆p Hlabơar Nơ̆r 'Bok Kei-Dei

³⁴ Klaih kơ noh Yêsu ngoi tơ plĕnh na tơhôih hăm khan kơ bơngai ei păng nơ̆r Juđê: “Eppatha” wă khan: “Đon ih hơbăng boih.”

Markôs 7:34 Referans Kwoze

Yo 11:41

Lu sư pơih tơnglơ̆p tơmo ei. Na Yêsu ngoi tơ plĕnh krao khan kơ 'Bă Sư: “Ơ 'Bă, Inh bơnê kơ Ih kơlih kơ Ih mơ̆ng Inh krao khan kơ Ih boih.

Markôs 6:41

Sư iŏk pơđăm tŏ 'bĕng mi păng 'bar hlak ka ei, ngoi tơ plĕnh krao khan bơnê kơ 'Bă Sư 'Bok Kei-Dei, na phĕ hloi 'bĕng mi ei ăn kơ lu bơngai pơhrăm păng Sư chă asong kơ lu bôl buăl. Sư kư̆m phĕ asong 'bar hlak ka ei wă kơ bôl buăl sa.

Markôs 5:41

Yêsu rôp ti sư păng khan kơ sư hăm nơ̆r Juđê: “Talitha kumi,” wă khan: “Ơ mŏ adruh iĕ, Inh râu e, iung bĕ.”

Jang 9:34

Pêtrôs khan kơ Anêa: “Ơ Anêa, Yêsu Krist wă pơklaih ih dang ei, ih iung bĕ, chơ̆p hơmet buk ih.” Đơ̆ng noh Anêa sư iung hloi.

Yo 11:33

Yêsu 'bôh Mari oei hmoi ơh păng lu bơngai Juđê mă năm hơpong kơ sư kư̆m nhơ̆m hmoi mơ̆n na Yêsu sơ'ngon tơpă.

Markôs 15:34

Lăp pêng jơ kơsơ̆ Yêsu pơma 'bơ̆r re khan: “Êli, Êli, lamma sabatthani” wă khan: “Ơ 'Bok Kei-Dei, ơ 'Bok Kei-Dei, yua kơ kiơ Ih achăng lê̆ Inh?”

Markôs 8:12

Na Yêsu tơhôih păng khan: “Kơlih kơ kiơ jơhnơr iĕm ahrei wă apinh pơlong Inh pơm tơdrong mơsêh? Inh khan kơ iĕm tơpă, Inh ưh kơ wă pơm tơdrong mơsêh thoi iĕm apinh noh ôh.”

Jang 9:40

Pêtrôs athei lu sư lĕch đĭ-đăng đơ̆ng lăm hnam ei. Pêtrôs sư sơtơ̆p kŭl-tăng krao khan kơ Kră Yang. Đơ̆ng noh sư iung glĕch akâu sư kơdih, hue lăng atâu ei. Sư khan: “Ơ Đêka, iung bĕ.” Đơ̆ng noh yă Đêka lar măt păng 'bôh hloi Pêtrôs. Yă Đêka iung đơ̆ng 'bĭch tơoei 'bơ̆t anih sư.

Yo 11:43

Klaih kơ noh Yêsu pơma 'bơ̆r re khan: “Ơ Lasarơ, iung đơ̆ng bơsat bĕ, lĕch tơ 'ngoaih âu.”

Hêbrơ 4:15

Sư ưh kơ sĭ 'bok soi mă ưh kơ băt mơnat kơ kon bơngai rơdu tơrăn ôh. Sư mơnat kơ bơ̆n tơpă, yua kơ Sư mơn kơdih hơdai đei tơdrong pơhlŭ thoi kon bơngai bơ̆n. Gah tơdrong pơm yoch, Sư ưh kơ đei pơm yoch kiơ ôh.

Yo 17:1

Đang kơ Yêsu pơma thoi noh boih na Sư ngoi tơ plĕnh krao khan kơ 'Bă Sư: “Ơ 'Bă, truh jơ Inh boih. Apinh Ih atŏk Inh Kon Ih brŏk oei păng Ih bĕ dang ei wă kơ Inh gơh pơư pơang anăn Ih dơ̆ng.

Yo 11:38

Yêsu rai sơ'ngon. Lu sư năm truh tơ bơsat boih. Bơsat ei lăm tơmo hơgơp, tơnglơ̆p sư păng tơmo mơ̆n đơ̆p 'bơ̆t 'măng bơsat.

Yo 11:35

Na Yêsu kư̆m nhơ̆m hmoi mơ̆n.

Luka 19:41

Yêsu năm wă jê̆ truh tơ Pơlei Jêrusalem. Lăp Sư tơmang 'bôh Pơlei Jêrusalem Sư nhơ̆m hmoi mơnat kơ Pơlei Jêrusalem.

Luka 18:42

Na Yêsu khan kơ sư: “Dang ei măt ih 'bôh hơdah. Yua kơ ih lui na măt ih klaih.”

Luka 7:14

Na Yêsu hơloh năm pel hơbang, na lu bơngai tung hơbang 'nei dơ̆ng. Yêsu khan kơ bơngai lôch 'nei khan: “Ơ dăm, iung bĕ ih.”

Markôs 1:41

Yêsu lăng mơnat kơ bơngai 'noh na chro ti pel bơngai 'noh păng khan: “Inh wă tơpă pơklaih ih, Inh pơklaih ih dang ei.”

Êsai 53:3

Sư bơngai đe areh păng đe kuă kơ sư. Sư ling-lang pŭ iŏk tơdrong ơh sơ'ngon pơmat-tat jĭ jơhngơ̆m. Thoi bơngai mă đe ôn muh măt ưh kơ sư. Đe areh kơ sư; lu bơ̆n lăng sư kư̆m ưh kơ đei rơ-a kiơ.

Le 2:23

Đunh 'biơ̆ đơ̆ng noh, Pơtao dêh Êyiptơ lôch; Kon pơlei Isơrael ôr krao yua kơ tơdrong pơm đĭch bơ̆jang gleh pơmat-tat: Nơ̆r krao ôr pơmat-tat truh tơ Kră Yang 'Bok Kei-Dei.

Markôs 7:35

Kơtă ei đon sư hơbăng hloi; păng hơpiĕt sư kư̆m rơmuăn mơ̆n na sư gơh pơma klŏ.