Markôs 7:25 - Sơ̆p Hlabơar Nơ̆r 'Bok Kei-Dei

²⁵ Tơ tơring ei đei minh 'nu bơngai drŏ-kăn đei kon adruh 'lơ̆p yang kơnê̆ mơ̆t. Na sư kơtơ̆ng ang đe khan Yêsu truh tơ tơring sư. Na sư năm 'nap 'bơ̆t anăp Yêsu.

Markôs 7:25 Referans Kwoze

Mathiơ 15:22

Đei minh 'nu drŏ-kăn bơngai Kanaan đơ̆ng tơring kiơ̆ ei năm tơ Yêsu apinh thoi âu: “Ơ 'Bok, Ih kon sâu Đawit mă 'Bok Kei-Dei wơh wă pơm pơtao kon bơngai. Dang ei inh apinh Ih mơnat kơ inh năm pơklaih kon adruh inh yang kơnê̆ mơ̆t, sư pơmat măng năr.”

Luka 17:16

Sư kŭp kơ̆l bon 'bơ̆t jơ̆ng Yêsu păng khan: “Bơnê kơ Ih.” Bơngai noh đơ̆ng dêh char Samri, ưh kơ sĭ bơngai Juđê ôh.

Markôs 5:33

Na duch mă pel ao Sư hei, akâu sư tơtey hli yua kơ sư băt tơdrong 'noh hei pơm kơ sư klaih boih, na sư năm 'nap tơ Yêsu păng roi đĭ tơdrong 'noh hei kơ Sư.

Markôs 1:40

Đei minh 'nu bơngai jĭ chin năm apinh Yêsu pơklaih sư. Sư sơtơ̆p kŭl-tăng apinh khan: “Dah Ih wă, Ih gơh pơklaih inh.”

Markôs 7:24

Đơ̆ng noh Yêsu năm tơ tơring Pơlei Tirơ. Tơ ei Sư mơ̆t tơ hnam đe, kuă ăn tơring ei băt ră, mă-lei đe kư̆m oei băt kơ Sư.

Markôs 7:26

Bơngai drŏ-kăn ei bơngai Sirôphênis, tơring Tirơ, pơma nơ̆r Grĕk. Sư apinh Yêsu pơpuh yang kơnê̆ lĕch đơ̆ng kon sư.