Markôs 5:43 - Sơ̆p Hlabơar Nơ̆r 'Bok Kei-Dei

⁴³ Yêsu khă mĕ 'bă adruh ei hơdrol khan: “Biĕm 'nĕ chă roi kơ đe hŏ.” Đơ̆ng noh Yêsu athei mĕ sư sŏ ăn kơ kon adruh sư ei tơmam sŏng sa.

Markôs 5:43 Referans Kwoze

Mathiơ 8:4

Yêsu khan: “Ih 'nĕ chă roi kơ đe. Dang ei ih klaih boih na ih năm tơ'bôh akâu ih kơ 'bok soi păng ih soi sơmah kơ 'Bok Kei-Dei kiơ̆ thoi Môis pơkă sơ̆ wă kơ đe băt tơdrong jĭ ih klaih tơpă boih.”

Markôs 7:36

Yêsu khan kơ lu sư: “'Nĕ chă roi kơ đe.” Mă-lei lăp Yêsu khă lu sư, lu sư rai ră roi kơ đe.

Markôs 1:43

Yêsu athei sư jah năm tơ 'bok soi păng khă sư hăm nơ̆r tơdrăp:

Mathiơ 9:30

Đang Yêsu pơma thoi noh, na măt bre sư klaih hloi. Yêsu khan tơdrăp kuă ăn bre sư roi kơ đe ră.

Yo 5:41

“Inh ưh kơ wă kon bơngai ang Inh hơgei ôh, Inh wă kơ 'Bă Inh đĕch lăp đon kơ Inh.

Luka 8:56

Mĕ 'bă sư sơleng kơ đon. Na Yêsu khă bre sư khan: “Biĕm 'nĕ kơ chă roi kơ đe hŏ.”

Luka 5:14

Na Yêsu pơkă kơ sư khan: “Ih 'nĕ chă roi kơ đe hŏ. Dang ei ih klaih boih na ih năm tơ'bôh akâu ih kơ 'bok soi păng soi sơmah kơ 'Bok Kei-Dei kiơ̆ thoi Môis pơkă sơ̆ wă kơ đe băt tơdrong jĭ ih klaih tơpă boih.”

Markôs 3:12

Na Yêsu khă sư: “'Nĕ tơbăt anăn Inh kơ đe.”

Mathiơ 17:9

Klaih kơ noh na lu sư jur đơ̆ng kông noh na Yêsu khă lu sư thoi âu: “Iĕm 'nĕ chă roi kơ đe hŏ dôm tơdrong iĕm 'bôh hei đơ̆ng dang ei truh Inh Kon Bơngai iung arih đơ̆ng lôch ning-mônh.”

Jang 10:41

Mă-lei Sư ưh kơ tơ'bôh akâu Sư kơ đĭ kon pơlei pơla ôh. Sư tơ'bôh akâu Sư kơ lu bơngai Sư rơih hơdrol wă pơm kơdranh kơ Sư iung arih boih. Sư tơ'bôh akâu Sư kơ nhôn. Nhôn sŏng sa hơdai păng Sư đơ̆ng rŏng kơ Sư iung arih.

Luka 24:30

Na Sư tơoei hơdai păng bre sư wă sŏng sa. Na Yêsu iŏk 'bĕng mi krao khan bơnê kơ 'Bok Kei-Dei na phĕ asong kơ bre sư 'bĕng mi ei.

Markôs 5:42

Na adruh ei iung yak hloi. Adruh ei mơjĭt-'bar sơnăm. Lăp lu sư 'bôh thoi noh, lu sư sơleng kơ đon.

Markôs 9:9

Klaih kơ noh lu sư jur đơ̆ng kông noh na Yêsu khă lu sư thoi âu: “Iĕm 'nĕ chă roi kơ đe hŏ dôm tơdrong iĕm 'bôh hei, đơ̆ng dang ei truh Inh Kon Bơngai iung arih đơ̆ng lôch ning-mônh.”