Markôs 5:2 - Sơ̆p Hlabơar Nơ̆r 'Bok Kei-Dei

² Lăp Yêsu jur đơ̆ng thŏng-nan đei minh 'nu bơngai yang mơ̆t pơm kơ sư wơnh lĕch đơ̆ng bơsat năm tơkan tơ Yêsu.

Markôs 5:2 Referans Kwoze

Markôs 1:23

Kơplah ei đei minh 'nu bơngai yang kơnê̆ mơ̆t kư̆m mơ̆t tơ hnam ei. Sư pơma 'bơ̆r re khan:

Êsai 65:4

Lu sư ngôi tơ lăm bơsat; oei kơmăng tơ lăm anih hrĕp, sa 'nhĕm nhŭng păng mong đak 'nhĕm ưh kơ rơgoh lăm gŏ lu sư.

Luka 9:42

Kơplah 'lơ̆p noh năm wă jê̆ Yêsu na yang kơnê̆ glơ̆m lê̆ sư arăng jơ'mro. Na Yêsu pơma pơpuh tơlĕch lê̆ hloi yang kơnê̆ 'nei đơ̆ng akâu sư ưh pă layơ mơ̆t dơ̆ng. Na Sư pơjao 'lơ̆p 'nei kơ 'bă sư dơ̆ng.

Luka 8:27

Lăp Yêsu jur đơ̆ng thŏng-nan Sư tơ'bơ̆p hloi minh 'nu bơngai pơlei noh, bơngai yang mơ̆t. Sư pă lah hrŭk hơbĕn ao boih. Sư pă wă oei tơ hnam boih, sư oei tơ bơsat đĕch.

Markôs 7:25

Tơ tơring ei đei minh 'nu bơngai drŏ-kăn đei kon adruh 'lơ̆p yang kơnê̆ mơ̆t. Na sư kơtơ̆ng ang đe khan Yêsu truh tơ tơring sư. Na sư năm 'nap 'bơ̆t anăp Yêsu.

Markôs 4:1

Yêsu bơtho tơ jih đak dơsĭ Galilê dơ̆ng. Đei lơ bơngai tơpă akŭm tăp dăr kơ Sư na Sư tŏk oei kơpal thŏng-nan tơ đak. Lu bơngai lơ ei oei tơ jih đak.

Markôs 3:30

Yêsu pơma thoi noh yua kơ lu đe noh pơjăm Yang Bơhngol 'Lơ̆ng mă oei lăm akâu Sư khan yang kơnê̆.

Markôs 1:26

Na yang kơnê̆ ei pơm kơ sư pơtơ̆l, pơma pơret, na lĕch jăk hloi đơ̆ng bơngai ei.

Markôs 3:9

Na Yêsu athei lu bơngai pơhrăm păng Sư 'măn kơ Sư thŏng-nan jê̆ jih đak wă kơ Sư hao kơpal thŏng-nan ei; dah Sư dơ̆ng tơ kông hli kơ đe hmĕt hmot Sư.

Markôs 4:36

Yêsu oei tơ kơpal thŏng-nan đĕch đơ̆ng hei boih. Na lu bơngai pơhrăm păng Sư tơklah đơ̆ng lu bơngai tơpôl lơ, anhăk Yêsu kiơ̆ lu sư tŏk pah to đak. Păng đei 'bar pêng tŏ thŏng-nan nai năm kiơ̆ lu sư mơ̆n.

Markôs 5:3

Bơngai ei oei tơ bơsat ling-lang. Mă khan đe chô̆ sư păng tơlei glang mam ră sư hrĕch kơtĕch đĭ, kơbĭ bu gơh chô̆ sư.

Markôs 5:21

Yêsu tŏk thŏng-nan brŏk tơ anih pah âu dơ̆ng, tơ ei đei lơ bơngai akŭm tăp dăr kơ Sư. Yêsu oei tơ jih đak dơsĭ.