Markôs 2:2 - Sơ̆p Hlabơar Nơ̆r 'Bok Kei-Dei

² na mă lơ bơngai năm tơ hnam Sư păng kiơ̆ 'ngoaih 'măng Sư kư̆m ưh kơ đei anih rơwơn. Na Sư bơtho nơ̆r 'Bok Kei-Dei kơ đe ei.

Markôs 2:2 Referans Kwoze

Markôs 2:13

Yêsu năm dơ̆ng tơ jih đak dơsĭ. Kư̆m đei lơ bơngai năm tơ Sư, na Sư bơtho đe.

Markôs 1:45

Mă-lei bơngai 'noh lĕch, sư chă roi kơ đe. Mă sư năm tơ yơ yơ kư̆m roi kơ đe tơdrong 'noh mơ̆n. Na Yêsu jing ưh kơ gơh mơ̆t mă pơlei tơ yơ yơ yua kơ kon pơlei pơla chă Sư lơ tơpă. Na Sư oei hơdai hăm lu bơngai pơhrăm păng Sư tơ anih kueng kơdrô̆. Mă-lei jơ̆p tơring tơrang oei năm chă Sư 'mơ̆i.

Rom 10:8

'Noh ưh kơ kăl ôh. Tơ̆ng bơ̆n tŏk chă, noh kư̆m anat lei-lăi thoi bơ̆n gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă sơ̆, kư̆m ưh kơ gơh klaih đơ̆ng tơdrong yoch ôh. Bơ̆n băt pôm lui kơ Yêsu Krist đĕch klaih tơpă đơ̆ng tơdrong yoch. Nhôn bơtho ăn kơ iĕm tơdrong lui kơ Yêsu Krist noh ưh kơ ataih, ưh kơ anat ôh; sư jê̆ jê̆ dang 'bơ̆t 'bơ̆r păng lăm jơhngơ̆m đon bơ̆n đĕch.

Jang 16:6

Lu đe Pôl yak brih apŭng Phiji păng dêh char Galati yua kơ Yang Bơhngol 'Lơ̆ng ưh kơ ăn kơ lu sư bơtho tơdrong 'Bok Kei-Dei tơ dêh char Asi.

Jang 14:25

Bre sư bơtho Tơdrong 'Nao 'Lơ̆ng tơ Pơlei Perga. Đơ̆ng noh bre sư năm tơ Pơlei Atali.

Jang 11:19

Lăp đe pơlôch Êtien đe kư̆m pơm lơ tơdrong kơnê̆ kơ lu bơngai lui mơ̆n. Na lu bơngai lui kư̆m jăk truh tơ dêh Phênisi, dêh Chiprơ păng Pơlei Antiôs mơ̆n păng bơtho Tơdrong 'Nao 'Lơ̆ng kơ bơngai Juđê ngăl.

Jang 8:25

Na tơ Pơlei Samari bre Pêtrôs păng Yôhan bơtho tơdrong Kră Yang Yêsu păng roi dôm tơdrong sư 'bôh Yêsu pơm sơ̆. Klaih kơ noh bre sư wih tơ Pơlei Jêrusalem dơ̆ng. Kơplah bre sư oei yak rok trong, bre sư mơ̆t drong lơ tơ pơlei đe wă bơtho rah Tơdrong 'Nao 'Lơ̆ng Yêsu tơ pơlei đe lăm dêh char Samari.

Luka 12:1

Klaih kơ noh đei lơ rơbâu 'nu bơngai akŭm tơ Yêsu truh kơ lu sư mah tơhmĕt tơhmot dih băl. Na Yêsu pơma kơdrô̆ kơ lu bơngai pơhrăm păng Sư thoi âu: “Iĕm athei kơchăng kơ lu bơngai Pharisi hŏ yua kơ lu sư bơngai 'bơ̆r đak klak ŭnh.

Luka 8:11

Yêsu khan: “Tơdrong rei 'ba noh hei wă khan thoi âu: 'Ba noh wă pơtih gia kơ nơ̆r 'Bok Kei-Dei.

Luka 8:1

Đunh 'biơ̆ đơ̆ng noh Yêsu năm tơ lơ pơlei chă bơtho đe tơdrong 'Bok Kei-Dei wă pơgơ̆r kon bơngai. Lu mơjĭt-'bar 'nu bơngai pơhrăm păng Sư kư̆m năm kiơ̆ Sư mơ̆n.

Markôs 1:37

Chă Sư 'bôh boih na khan: “Đei lơ bơngai chă Ih.”

Markôs 1:33

Na đĭ-đăng lu bơngai lăm pơlei ei akŭm 'bơ̆t cham hnam Simôn păng Andrê.

Markôs 1:14

Lăp đơ̆ng rŏng kơ đe phak Yôhan, Yêsu năm tơ dêh Galilê chă bơtho đe tơdrong 'nao 'lơ̆ng 'Bok Kei-Dei.

Mathiơ 5:2

Yêsu bơtho lu bơngai ei thoi âu.

Horiso 40:9

Lăm năr akŭm tih inh ră roi boih kơ tơdrong 'nao 'lơ̆ng tơpăt Ih; to, inh ưh kơ đei ôn 'bơ̆r, Ơ Kră Yang, inh băt boih tơdrong noh.

Luka 5:17

Minh năr ei Yêsu oei bơtho đe na đei lu bơngai Juđê mă lui kơ 'Bok Kei-Dei kiơ̆ tơdrong Pharisi păng lu 'bok thây bơtho tơdrong juăt đe Juđê oei mơ̆ng Sư. Lu sư năm đơ̆ng rim pơlei lăm dêh Galilê păng lăm dêh Juđê păng đơ̆ng Pơlei Jêrusalem mơ̆n. Na Yêsu đei tơdrong mơsêh mơyang đơ̆ng 'Bok Kei-Dei gơh pơklaih bơngai jĭ jăn.

Markôs 6:34

Lăp Yêsu jur đơ̆ng thŏng-nan, Sư 'bôh lơ bơngai tơpă gô Sư tơ anih 'noh. Na Sư mơnat dêh kơ lu bơngai tơpôl 'noh yua kơ lu bơngai tơpôl 'noh thoi lĕ triu ưh kơ đei bơngai wei-lăng. Na Sư bơtho lu đe ei lơ tơdrong.

Markôs 2:1

Lăp 'bar pêng năr đơ̆ng rŏng dơ̆ng, Yêsu wih tơ Pơlei Kapernum na đe kơtơ̆ng ang Sư oei hnam,