Markôs 16:17 - Sơ̆p Hlabơar Nơ̆r 'Bok Kei-Dei

¹⁷ Lu bơngai mă lui gô đei tơdrong mơsêh lu sư gơh pơm: Lu sư gơnang kơ Inh gơh pơpuh yang kơnê̆; lu sư gơh pơma hloi nơ̆r đe;

Markôs 16:17 Referans Kwoze

Jang 5:16

Tăp dăr Pơlei Jêrusalem lu kon pơlei pơla lơlang lơlap năm anhăk ba lu bơngai jĭ jăn păng lu bơngai yang mơ̆t. Na đĭ-đăng kơ lu sư klaih ngăl.

I Kor 12:28

'Bok Kei-Dei asong kơ lu bơngai lui tôm kơ bơngai jang kiơ̆ thoi âu: Mă mônh 'Bok Kei-Dei ăn bơngai pơm jơ̆ng 'bang Yêsu; mă 'bar Sư ăn bơngai pơtruh nơ̆r Sư; mă pêng Sư ăn bơngai bơtho tơdrong Sư; klaih kơ noh Sư ăn bơngai gơh pơm tơdrong mơsêh, bơngai gơh pơklaih đe jĭ jăn, đei bơngai gơh tơgŭm đe, đei bơngai gơh wei-lăng đe; Sư ăn kơ bơngai mơ'nah gơh pơma nơ̆r hlĭch wă ư-ang kơ 'Bok Kei-Dei.

I Kor 12:10

Sư ăn kơ bơngai âu gơh pơm tơdrong mơsêh; Sư ăn kơ bơngai to gơh pơtruh nơ̆r 'Bok Kei-Dei. Sư kư̆m ăn kơ bơngai mơ'nah băt kơnăl kơ bơngai bu pơma yua kơ Yang Bơhngol 'Lơ̆ng tơgŭm, bơngai bu ưh. Sư kư̆m đei ăn kơ bơngai mơ'nah gơh pơma nơ̆r hlĭch mă ưh kơ tam băt đơ̆ng sơ̆; Sư kư̆m ăn kơ bơngai nai gơh hlôh nơ̆r 'noh wă kơ tơblơ̆ ăn kơ đe.

Jang 8:7

Philip pơklaih lu bơngai yang mơ̆t. Lăp Philip pơklaih bơngai yang kơnê̆ mơ̆t ei, na yang ei pơret kơdâu hloi jăk tơ nai. Sư kư̆m đei pơklaih lơ bơngai kue jo mơ̆n.

Luka 10:17

Lu tơpơh-jĭt 'nu noh năm chă bơtho đe păng chă pơklaih lu bơngai jĭ jăn. Klaih kơ noh lu sư wih tơ Yêsu. Lu sư khan: “Ơ 'Bok, nhôn gơnang kơ anăn Ih, mă lu yang kơnê̆ kư̆m chu kơ nhôn mơ̆n.”

Yo 14:12

Inh khan kơ iĕm tơpă, bơngai bu lui kơ Inh, bơngai 'noh gô pơm dôm tơdrong Inh pơm mơ̆n. Păng sư gô pơm tơdrong tih hloh kơ Inh dơ̆ng mơ̆n, kơlih kơ Inh wă wih tơ 'Bă Inh boih.

Jang 19:6

Pôl pel kơ̆l lu sư, na Yang Bơhngol 'Lơ̆ng jur oei hăm lu sư. Lu sư pơma hloi nơ̆r hlĭch păng bơtho tơdrong 'Bok Kei-Dei.

I Kor 14:2

Bơ̆n 'bôh đe bu ư-ang kơ 'Bok Kei-Dei hăm nơ̆r hlĭch mă bơ̆n tam mă kơtơ̆ng păng ưh kơ hlôh, 'noh lu sư pơma ư-ang kơ 'Bok Kei-Dei, ưh kơ sĭ lu sư pơma kơ lu bơ̆n kon bơngai ôh. Tơdrong pơma nơ̆r hlĭch noh đơ̆ng Yang Bơhngol 'Lơ̆ng tơbăt kơ lu sư.

I Kor 12:30

dah pơklaih bơngai jĭ jăn, dah pơma nơ̆r hlĭch kơ bôl, dah tơblơ̆ ăn kơ đe nơ̆r mă hlĭch 'noh ngăl ôh. 'Bok Kei-Dei ăn kơ bơngai mơ'nah gơh jang tơdrong âu mơ'nah gơh jang tơdrong to.

I Kor 13:1

Dah inh gơh pơma tôm kơ nơ̆r kon bơngai păng nơ̆r linh jang kơpal plĕnh ti, mă-lei akâu inh ưh kơ băt 'mêm kơ 'Bok Kei-Dei hăm bôl buăl inh, lei 'bơ̆r inh pơma noh thoi lĕ kơ jơwa đe teh teng păng jơwa tŏk-rŏk đĕch.

Jang 16:18

Adruh ei kiơ̆ nhôn rim năr khŏm khŏm, truh tơ Pôl sư pă kĕ ĕnh boih. Na Pôl hue lăng adruh ei păng khan kơ yang kơnê̆: “Inh yua anăn Yêsu Krist, inh athei e lĕch đơ̆ng bơngai adruh âu.” Na yang kơnê̆ ei lĕch hloi.

Markôs 9:38

Na Yôhan khan kơ Yêsu: “Ơ 'Bok Thây, nhôn 'bôh minh 'nu bơngai gơnang kơ anăn Ih wă pơpuh yang kơnê̆ đơ̆ng đe na nhôn khă sư yua kơ sư ưh kơ jang hơdai bơ̆n.”

Jang 2:33

'Bok Kei-Dei atŏk Yêsu anih gah 'ma kơ Sư. 'Bok Kei-Dei ăn kơ Yêsu Yang Bơhngol 'Lơ̆ng kiơ̆ kơ Sư pơkă. Na Yêsu ăn kơ nhôn Yang Bơhngol 'Lơ̆ng mơ̆n. Yua kơ thoi noh iĕm 'bôh tơdrong mơsêh mơyang hei.