Markôs 16:1 - Sơ̆p Hlabơar Nơ̆r 'Bok Kei-Dei

¹ Lăp hloh kơ năr pơdơh Sa'bat boih, na Mari đơ̆ng Pơlei Mađơla, Salômê păng Mari mĕ bre Jôsê hăm Yakơ, lu sư răt pơgang 'bâu phu wă năm pik tơ atâu Yêsu.

Markôs 16:1 Referans Kwoze

Luka 23:56

Klaih kơ noh lu sư brŏk tơ hnam chă hơmet pơgang 'bâu phu wă năm pik tơ akâu Yêsu. Kơplah năr pơdơh Sa'bat lu sư kư̆m pơdơh kiơ̆ kơ tơdrong juăt 'Bok Kei-Dei mơ̆n.

Markôs 15:40

Kư̆m đei lu bơngai drŏ-kăn oei tơ anih đe pơlôch Yêsu noh, lu sư lăng đơ̆ng ataih. Anăn lu sư noh: Mari đơ̆ng Pơlei Mađơla, Salômê păng Mari mĕ bre Jôsê hăm Yakơ mă oei tơdăm.

Yo 19:31

Lu bơngai Juđê năm apinh Pilat wă gơ̆ lê̆ jơ̆ng lu bơngai mă đêl pơ̆ng tơ 'long pơglang, wă kơ lu sư jah lôch na gơh tơjur 'bŭ atâu lu sư. Lu sư pơm thoi noh hơdrol kơ năr pơdơh Sa'bat, kơlih kơ năr Sa'bat lu sư kuă kơ lê̆ atâu tơ kơpal 'long pơglang, kơlih kơ năr Sa'bat 'noh năr lu sư khan năr kăl hloh tơpă, yua kơ trŏ năr pơm giĕng.

Yo 19:25

Jê̆ 'long pơglang đe pơ̆ng Yêsu 'noh đei mĕ Sư, duch Sư, Mari akăn Klôpas păng Mari Pơlei Mađơla.

Markôs 16:8

Thoi noh boih na lu sư lĕch kơdâu đơ̆ng bơsat. Lu sư hli tơrơ mah tơtey, yua kơ lu sư lăng hlĭch 'bôh tơdrong 'noh. Kơplah lu sư kơdâu lu sư ưh kơ roi kơ đe nai yua kơ lu sư hli dêh.

Markôs 15:47

Mari đơ̆ng Pơlei Mađơla păng Mari mĕ bre Jôsê hăm Yakơ, bre sư kư̆m 'bôh anih Yôsep 'măn atâu Yêsu.

Markôs 14:8

Duch âu pơm tôch tơdrong sư 'mêm păng sư gơh pơm. Sư tuh đak pơgang 'bâu phu tơ akâu Inh hơdrol kơ đe wă 'bŭ Inh thoi đe juăt kơ pơm hơdrol kơ 'bŭ bơngai lôch.

Markôs 14:3

Yêsu oei tơ hnam Simôn, bơngai mă jĭ chin, tơ Pơlei Bethani. Kơplah lu sư sŏng sa na đei minh 'nu drŏ-kăn năm tơ Sư chĕp minh pôm gŏl đak pơgang 'bâu phu đe gĭt tơpă. Gŏl noh đe pơm păng tơmo, na duch noh teh pơchah trơi gŏl ei na tuh đak pơgang 'bâu phu ei tơ kơ̆l Yêsu.

II Ho 16:14

Đe 'bŭ sư lăm bơsat mă anih sư đei sir boih kơ sư kơdih lăm pơlei Đawit, đe tơ'bĭch lăm bong mă đe đei tah 'bĕnh kơ pơgang 'bâu phu, đe đei hơmet boih kiơ̆ kơ juăt pơm soh, đe soh 'long pơgang 'bâu phu tih dêh lăm năr grong noh.

Luka 23:54

Na năr ei trŏ kơ năr đe hơmet lê̆ hơdrol tôm tơdrong wă yua lăm năr pơdơh Sa'bat dơning. Kơsơ̆ năr 'nei boih Yôsep 'măn atâu Yêsu tơ lăm bơsat.

Markôs 15:42

Đei minh 'nu bơngai anăn sư Yôsep đơ̆ng Pơlei Armơthê. Sư bơngai khŭl kră sek tơlang kơ đe păng đe ư-ang kơ sư. Sư kư̆m chang gô 'Bok Kei-Dei pơgơ̆r mơ̆n. Lăp 'năr kơsơ̆ boih năr ei, năr đe hơmet lê̆ hơdrol tôm tơdrong wă yua lăm năr pơdơh Sa'bat dơning, na Yôsep pơprơ̆n năm tơ Pilat apinh iŏk 'bŭ atâu Yêsu.

Bl 50:2

Đơ̆ng noh, Jôsep athei lu thây pơm pơgang tơgŭm jang kơ sư; yua pơgang 'bâu phu pik kơ atâu 'bă sư; lu 'bok pơgang tơhum akâu Isơrael.

Markôs 16:2

Lăp 'năr lĕch til pơgê hrôih, năr mă mônh lăm giĕng, lu sư năm tơ bơsat.

Luka 24:1

Lăp 'brưch hơdah til pơgê năr mônh, lu drŏ-kăn ei chĕp ba pơgang 'bâu phu mă đêl lu sư hơmet lê̆ noh na năm tơ bơsat.