Markôs 15:5 - Sơ̆p Hlabơar Nơ̆r 'Bok Kei-Dei

⁵ Mă-lei Yêsu 'nhŏ kơ tơl na Pilat sơleng kơ đon.

Markôs 15:5 Referans Kwoze

Êsai 53:7

Sư đe teh pơjuă păng pơmat, mă-lei ưh kơ đei pơma minh nơ̆r, nhen thoi triu đe dui wă pơm 'nhĕm, nhen thoi triu kơmlo dơ̆ng 'bơ̆t anăp bơngai yuă sŏk sư ưh kơ đei tơlĕch minh nơ̆r.

Sa 3:8

Ơ Jôsua, 'bok soi tơm, ih hăm buăl ih mă oei 'bơ̆t anăp ih mơ̆ng bĕ, yua kơ lu bơngai âu wă pơm tơdra; 'nâu sĭt tơpă Inh gô pơm kơ lu đĭch đam Inh bluh tơmơ̆ng iung chăt.

I Kor 4:9

Thoi inh chă tơchĕng, 'Bok Kei-Dei ăn kơ khŭl nhôn pơm jơ̆ng 'bang Yêsu lŭch hloh kơ đĭ-đăng bơngai, nhôn dang bơngai đe wă pơlôch đĕch; jơ̆p-jang kơ plĕnh teh, kon bơngai, linh jang 'lơ̆ng 'bôh đe pơm kơ nhôn thoi noh tơpă.

Mathiơ 27:14

Mă-lei Yêsu 'nhŏ kơ tơl, na 'bok tih Pilat sơleng kơ đon.

Horiso 71:7

Inh nhen tơmam pơm hlĭch kơ lơ bơngai, mă-lei Ih jơ̆ anih inh kơ'nơp kơjăp.

Yo 19:9

Sư mơ̆t dơ̆ng tơ hnam birô păng jet Yêsu: “Ih đơ̆ng yơ?” Yêsu ưh kơ đei drơ̆ng tơwih kơ sư ôh.

Êsai 8:18

Âu, inh hăm lu kon mă Kră Yang Sư ăn bơih kơ inh noh tơdra wă pơsĭt lăm Isơrael đơ̆ng Kră Yang Tih Hloh. Tơ'ngla oei kơpal kông Siôn.

Mathiơ 27:12

Lu 'bok soi tih, lu đe kră sek tơlang jâu Yêsu lơ tơdrong, mă-lei Yêsu ưh kơ tơl.

Markôs 15:4

Na Pilat jet Sư dơ̆ng: “Đe jâu Ih lơlap lơlang, Ih kuă kơ kiơ kơ tơl?”

Luka 23:9

Thoi noh na Hêrôt jet Sư lơ tơdrong mă-lei Yêsu 'nhŏ kơ drơ̆ng hơya minh nơ̆r 'biơ̆.