Markôs 15:47 - Sơ̆p Hlabơar Nơ̆r 'Bok Kei-Dei

⁴⁷ Mari đơ̆ng Pơlei Mađơla păng Mari mĕ bre Jôsê hăm Yakơ, bre sư kư̆m 'bôh anih Yôsep 'măn atâu Yêsu.

Markôs 15:47 Referans Kwoze

Markôs 15:40

Kư̆m đei lu bơngai drŏ-kăn oei tơ anih đe pơlôch Yêsu noh, lu sư lăng đơ̆ng ataih. Anăn lu sư noh: Mari đơ̆ng Pơlei Mađơla, Salômê păng Mari mĕ bre Jôsê hăm Yakơ mă oei tơdăm.

Markôs 16:1

Lăp hloh kơ năr pơdơh Sa'bat boih, na Mari đơ̆ng Pơlei Mađơla, Salômê păng Mari mĕ bre Jôsê hăm Yakơ, lu sư răt pơgang 'bâu phu wă năm pik tơ atâu Yêsu.

Luka 23:55

Na lu bơngai drŏ-kăn mă kiơ̆ Yêsu đơ̆ng dêh Galilê ki, lu sư kư̆m kiơ̆ Yôsep kơplah sư năm 'măn atâu Yêsu tơ lăm bơsat mơ̆n. Thoi noh na lu sư băt anih Yôsep 'măn atâu Yêsu.

Mathiơ 28:1

Đơ̆ng rŏng kơ năr pơdơh Sa'bat boih, lăp 'brưch hơdah til pơgê hrôih năr mônh, na Mari đơ̆ng Pơlei Mađơla hăm Mari nai bre sư năm lăng bơsat Yêsu.

Mathiơ 27:61

Mari đơ̆ng Pơlei Mađơla hăm Mari nai, bre sư oei ngôi jê̆ bơsat.

Mathiơ 27:56

Anăn lu sư mơ'nah: Mari đơ̆ng Pơlei Mađơla, Mari mĕ bre Yakơ hăm Yôsep păng minh 'nu mĕ bre Yakơ hăm Yôhan, 'bă bre sư Sêbêđê.

Markôs 15:46

Yôsep răt minh blah che kok, na tơjur atâu Yêsu đơ̆ng 'long pơglang, lôm atâu Sư păng che ei. Klaih kơ noh sư năm 'măn atâu Yêsu tơ bơsat đe bŏk lăm tơmo thoi lăm hơgơp tơmo hmă. Sư tơgrŏl minh pôm tơnglơ̆p tơmo tih klơ̆p 'măng bơsat.