Markôs 12:8 - Sơ̆p Hlabơar Nơ̆r 'Bok Kei-Dei

⁸ Lu sư rôp hloi kon 'bok tơ'ngla mir ei, pơlôch hŭt akâu sư tơ jih mir.

Markôs 12:8 Referans Kwoze

Luka 20:15

Na lu sư rôp hloi kon 'bok tơ'ngla mir hơmu noh hiŏng hơtat tơ jih mir pơlôch hloi. Thoi noh boih na 'bok tơ'ngla mir gô pơm kiơ kơ lu bơngai noh?

Mathiơ 21:39

Lu đe noh rôp hloi kon 'bok tơ'ngla mir hiŏng hơtat tơ jih mir pơlôch hloi.

Mathiơ 21:33

Yêsu khan dơ̆ng kơ lu sư: “Apinh iĕm mơ̆ng tơdrong pơtih gia âu dơ̆ng: Đei minh 'nu bơngai pơm mir wă pơtăm plei hơmu. Sư war mir tăp dăr boih, lăm mir noh sư pơm minh pôm tơpăl tơmo wă peh plei hơmu chơpĕt iŏk đak sư. Păng sư pơm minh pôm hnam tông wă gak plei hơmu. Sư pơm tôm tơdrong noh boih na sư ăn kơ đe jang mơng, tơ'ngla sư năm oei tơ dêh nai.

Markôs 12:7

Mă-lei lu bơngai jang mơng mir hơmu noh pơđâu dih băl khan: ‘Bơngai 'noh boih kon 'bok tơ'ngla mir âu, na dang ei bĕ bơ̆n pơlôch sư na mă mir âu jing mir bơ̆n.’

Markôs 12:9

“Thoi noh boih na 'bok tơ'ngla mir gô pơm kiơ kơ lu bơngai noh? Sư gô năm pơlôch pơđĭ lu bơngai noh, na sư pơjao ăn kơ lu bơngai nai jang dơ̆ng.