Markôs 12:17 - Sơ̆p Hlabơar Nơ̆r 'Bok Kei-Dei

¹⁷ Thoi noh na Yêsu khan: “Jên âu rup Sêsar tơpă, na bơ̆n athei thuê̆ kơ sư yua kơ sư pơgơ̆r. Tơmam 'Bok Kei-Dei bơ̆n athei pơyơ̆r kơ 'Bok Kei-Dei yua kơ Sư tơgŭm ăn kơ bơ̆n.” Lu sư mơ̆ng Yêsu tơl lu sư trŏ tơpă.

Markôs 12:17 Referans Kwoze

Rom 13:7

Păng yua kơ thoi noh na tơdrong kiơ trŏ kơ bơ̆n ăn, bơ̆n athei ăn; 'bok pơgơ̆r sư wă iŏk thuê̆ đơ̆ng bơ̆n, bơ̆n athei ăn kơ sư; sư wă kơ bơ̆n pơm kiơ, bơ̆n chu pơm.

I Pet 2:17

Bơ̆n athei pơhiôk jơhngơ̆m đe ling-lang, băt 'mêm mơnat kơ lu 'nhŏng oh bơngai lui, chu kơ 'Bok Kei-Dei hli kơ bơ̆n pơm ưh kơ lăp kơ Sư păng bơ̆n athei chu yom kơ 'bok pơtao tơm mơ̆n.

Rom 6:13

Bơ̆n 'nĕ pă ăn akâu bơ̆n pơm yoch, bơ̆n athei pơjao akâu bơ̆n kơ 'Bok Kei-Dei đĕch, wă kơ 'Bok Kei-Dei wei-lăng chăl arih bơ̆n tơpăt ling-lang dang bơ̆n iung arih đơ̆ng lôch.

Tơdrông Pơđơk 24:21

Ơ dăm hli yom bĕ kơ Kră Yang păng chu yom kơ pơtao; 'Nĕ pơgơ̆p hơdai hăm lu bơngai pơm kơnê̆.

Rom 12:1

Ơ lu 'nhŏng oh, bơ̆n băt boih 'Bok Kei-Dei 'mêm kơ bơ̆n tôch bơneh dang noh, na bơ̆n athei pơjao akâu bơ̆n kơ Sư, 'nĕ pă pơm yoch, pơm kiơ̆ kơ Sư đĕch, noh na Sư lăp đon kơ bơ̆n.

Mathiơ 22:46

Yêsu khan thoi noh ưh kơ đei bu gơh tơl Sư păng đơ̆ng năr noh ưh kơ đei bu pơ̆n jet Sư dơ̆ng.

Mathiơ 22:22

Lu sư mơ̆ng Yêsu tơl trŏ tơpă, na lu sư achăng lê̆ Yêsu 'bơ̆t noh yak năm tơ nai.

Malachi 1:6

“Kon drŏ-nglo kơkuh pơyom kơ 'bă sư, đĭch đam hli yom kơ yŏng tơ'ngla sư. Thoi noh tơdah Inh jing 'Bă iĕm, lei tơdrong lu iĕm kơkuh pơyom kơ Inh? Păng tơdah Inh jing yŏng tơ'ngla, lei lu sư hli yom kơ Inh tơ yơ?” Kră Yang Tih Hloh khan kơ lu sư thoi noh. “Ơ lu 'bok soi pơdê anăn Inh!” Lu iĕm đei khan: “Tơ yơ nhôn đei pơdê anăn Ih?”

Markôs 12:30

Bơ̆n athei 'mêm kơ 'Bok Kei-Dei Kră Yang bơ̆n hăm đĭ jơhngơ̆m klơm klak bơ̆n păng đĭ dôm tơdrong đon bơ̆n tơchĕng.’

Mathiơ 22:33

Lu kon pơlei pơla kơtơ̆ng Yêsu bơtho thoi noh, na lu sư băt kơ Yêsu bơtho hơgei tơpă.

Tơdrông Pơđơk 23:26

Ơ dăm, pơjao bĕ jơhngơ̆m ih kơ inh; Măt ih kơchăm rok kiơ̆ trong inh.

Mathiơ 8:10

Yêsu kơtơ̆ng 'bok tih linh khan thoi noh, Sư mah hlĭch kơ đon yua kơ 'bok noh đei đon lui tơpă. Thoi noh na Sư khan kơ lu bơngai kiơ̆ ei: “Inh khan kơ iĕm tơpă, đơ̆ng sơ̆ Inh tam mă 'bôh ôh khŭl bơngai Juđê lui kơjăp dang bơngai Rôm âu.

Mathiơ 22:21

Lu sư khan: “'Noh rup Sêsar păng anăn Sêsar mơ̆n.” Thoi noh na Yêsu khan: “Jên âu rup Sêsar tơpă na bơ̆n athei thuê̆ kơ sư yua kơ sư pơgơ̆r. Tơmam 'Bok Kei-Dei bơ̆n athei pơyơ̆r kơ 'Bok Kei-Dei yua kơ Sư tơgŭm ăn kơ bơ̆n.”

Markôs 12:16

Lu sư ăn kơ Sư lăng minh hlak jên na Yêsu khan kơ lu sư: “Rup bu âu? Anăn bu âu?” Lu sư khan: “'Noh rup Sêsar păng anăn Sêsar mơ̆n.”

Luka 20:25

Thoi noh na Yêsu khan: “Jên âu rup Sêsar tơpă na bơ̆n athei thuê̆ kơ sư yua kơ sư pơgơ̆r. Tơmam 'Bok Kei-Dei bơ̆n athei pơyơ̆r kơ 'Bok Kei-Dei yua kơ Sư tơgŭm ăn kơ bơ̆n.”