Markôs 10:47 - Sơ̆p Hlabơar Nơ̆r 'Bok Kei-Dei

⁴⁷ Lăp sư kơtơ̆ng đe khan Yêsu đơ̆ng Pơlei Nasaret wă yak trong sư na sư krao 'bơ̆r re khan: “Ơ Yêsu, ơ 'Bok Krist Kon Sâu pơtao Đawit, apinh Ih mơnat kơ inh 'biơ̆ bĕ.”

Markôs 10:47 Referans Kwoze

Markôs 1:24

“Ơ Yêsu đơ̆ng Pơlei Nasaret, Ih wă pơm kiơ kơ khŭl nhôn? Ih năm tơ âu wă pơrăm khŭl nhôn hă? Inh băt kơ Ih, Ih 'Bok 'Lơ̆ng Tơpăt đơ̆ng 'Bok Kei-Dei.”

Tơdrông Tơ'bôh 22:16

Yêsu khan dơ̆ng thoi âu: “Inh Yêsu, Inh wơh linh jang 'lơ̆ng năm tơbăt ăn kơ lu iĕm mă lui kơ 'Bok Kei-Dei tơ rim anih dôm lu tơdrong âu. Inh Kon Sâu Đawit, Inh pơchrang kơ iĕm hơdah thoi sơnglŏng wŏng-tar.”

Mathiơ 9:27

Yêsu lĕch đơ̆ng noh, kơplah oei rok trong đei 'bar 'nu bơngai măt tol năm kiơ̆ Sư. Na bre sư pơma 'bơ̆r re khan: “Ơ 'Bok Krist Kon Sâu pơtao Đawit, apinh Ih mơnat kơ nhi 'biơ̆ bĕ.”

Yo 7:52

Na lu bôl buăl sư khan kơ sư: “Ih bơngai đơ̆ng dêh Galilê mơ̆n hă? Ih đŏk lăng lăm sơ̆p hla bơar 'Bok Kei-Dei bĕ, na ih gô băt đe ưh kơ đei chih roi khan bơngai mă pơtruh nơ̆r 'Bok Kei-Dei lĕch đơ̆ng dêh Galilê ôh, mă Sư âu lĕch đơ̆ng dêh Galilê.”

Mathiơ 26:71

Na Pêtrôs lĕch đơ̆ng noh ngôi kiơ̆ trong 'măng tơm, đei minh 'nu bơngai drŏ-kăn nai 'bôh sư na khan kơ lu bôl sư kiơ̆ ei: “Bơngai âu oei hơdai Yêsu đơ̆ng Pơlei Nasaret mơ̆n.”

Mathiơ 15:22

Đei minh 'nu drŏ-kăn bơngai Kanaan đơ̆ng tơring kiơ̆ ei năm tơ Yêsu apinh thoi âu: “Ơ 'Bok, Ih kon sâu Đawit mă 'Bok Kei-Dei wơh wă pơm pơtao kon bơngai. Dang ei inh apinh Ih mơnat kơ inh năm pơklaih kon adruh inh yang kơnê̆ mơ̆t, sư pơmat măng năr.”

Jang 6:14

Nhôn kơtơ̆ng sư khan Yêsu gô pơrăm hnam akŭm 'Bok Kei-Dei tơm âu păng tơplih tơdrong juăt mă đêl Môis ată kơ bơ̆n sơ̆.”

Yo 19:19

Pilat chih minh hlak gơ'bang athei đe pơ̆ng 'bơ̆t 'long pơglang. Gơ'bang 'noh chih thoi âu: “Yêsu, Pơlei Nasaret, Pơtao đe Juđê.”

Yo 7:41

Lu mơ'nah dơ̆ng khan: “'Bok âu boih 'Bok Krist tơpă.” Đei lu mơ'nah dơ̆ng khan: “Ưh ôh. 'Bok âu sư lĕch đơ̆ng dêh Galilê mă-lei 'Bok Krist Sư ưh kơ lĕch đơ̆ng dêh Galilê ôh,

Yo 1:46

Na Nathanel khan: “Lơliơ? Tam mă biơh đei bơngai bu pơm tih đơ̆ng lăm Pơlei Nasaret ôh.” Na Philip khan dơ̆ng kơ sư: “Na ih jah năm lăng Sư deh wă kơ ih băt kơ Sư thoi yơ.”

Luka 4:16

Klaih kơ noh Yêsu wih tơ Pơlei Nasaret, pơlei Sư kơdih. Lăp truh kơ năr pơdơh Sa'bat Sư năm akŭm tơ hnam 'Bok Kei-Dei pơlei Sư kơdih, yua kơ rim năr pơdơh Sa'bat Sư juăt kơ akŭm ngăl. Lăp truh tơ ei Sư iung wă đŏk kơ đe sơ̆p hla bơar 'Bok Kei-Dei.

Mathiơ 21:11

Lu bơngai tơpôl kiơ̆ jơ̆ng Yêsu ei khan: “Sư 'noh Yêsu, Sư bơngai pơtruh nơ̆r 'Bok Kei-Dei, Sư đơ̆ng Pơlei Nasaret, dêh Galilê.”

Mathiơ 21:9

Yêsu hao aseh iĕ yak rok trong ei na lu bơngai tơpôl ei mơ'nah yak hơdrol kơ Sư, mơ'nah đơ̆ng rŏng kơ Sư. Lu sư chhôk na pơma 'bơ̆r re khan: “Hôsana, bơnê kơ 'Bok Krist Kon Sâu pơtao Đawit. Bơnê kơ Sư truh tơ bơ̆n năr âu yua kơ Kră Yang wơh. Păng bơnê kơ 'Bok Kei-Dei kơpal plĕnh ti.”

Mathiơ 20:30

Tơ anăp lu sư đei 'bar 'nu bơngai măt tol oei ngôi 'bơ̆t cheng trong. Lăp bre sư kơtơ̆ng đe khan Yêsu wă yak trong bre sư, na bre sư krao 'bơ̆r re khan: “Ơ Yêsu, ơ 'Bok Krist Kon Sâu pơtao Đawit, apinh Ih mơnat kơ nhi 'biơ̆ bĕ.”

Mathiơ 12:23

Lu bơngai tơpôl lăng hlĭch na chă tơkhan dih băl: “Băt 'Bok âu boih kơlĕ, đe khan Sư Kon Sâu 'bok pơtao Đawit đơ̆ng 'Bok Kei-Dei ăn pơm pơtao bơ̆n?”

Mathiơ 2:23

Lu sư brŏk oei hloi tơ Pơlei Nasaret. Sư oei tơ noh 'blep thoi lu bơngai pơtruh nơ̆r 'Bok Kei-Dei khan lê̆ hơdrol sơ̆ thoi âu: “Đe gô krao Sư bơngai Nasaret.”

Mathiơ 1:1

Yêsu Krist kon sâu pơtao Đawit, mă 'bok kơdră lu sư Abraham. Na tơ ala âu jô̆ tôm lu anăn 'bok kơdră Yêsu Krist sơ̆:

Êsai 11:1

Đei minh pôm tơ'biĕng gô chăt đơ̆ng tơm Jese, đei minh pôm dơng chăt đơ̆ng rơh sư gô đei plei.