Markôs 10:2 - Sơ̆p Hlabơar Nơ̆r 'Bok Kei-Dei

² Đei bơngai Pharisi năm jet pơlong Sư wă kơ Sư pơma ưh kơ trŏ tơdrong juăt. Lu sư jet thoi âu: “Kiơ̆ tơdrong juăt bơ̆n hăm gơh achăng akăn?”

Markôs 10:2 Referans Kwoze

Yo 8:6

Lu sư jet thoi noh, lu sư wă pơlong lăng Yêsu, wă kơ Sư pơma ưh kơ trŏ tơdrong juăt đe Juđê, na lu sư wă jâu Yêsu 'bơ̆t anăp đe kră sek tơlang. Mă-lei Yêsu kŭp kơ̆l, ti Sư chih ngôi tơ teh.

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

I Kor 10:9

Bơ̆n 'nĕ pơm pơhloh kơ Kră Yang thoi lu yă 'bok bơ̆n mơ'nah sơ̆, na 'Bok Kei-Dei pơrăm lu sư ăn kơ 'bih choh pơlôch.

Yo 11:57

Lu 'bok soi tih păng lu bơngai Pharisi pơkă khan: “Bơngai bu băt kơ Sư oei tơ yơ, 'bôh Sư tơ yơ, bơngai 'noh athei roi kơ nhôn wă kơ nhôn năm rôp.”

Yo 11:47

Na lu bơngai Pharisi păng lu 'bok soi tih krao akŭm lu kră sek tơlang. Akŭm boih lu sư khan: “Bơ̆n wă pơm thoi yơ kơ Yêsu, yua kơ Sư gơh pơm lơ tơdrong mơsêh mơyang.

Yo 7:48

Bĭ lu bơngai pơm tih, lu bơngai Pharisi, hăm đei hơdai lui kiơ̆ Sư? Ưh kơ đei bu ôh.

Yo 7:32

Bơngai Pharisi kơtơ̆ng ang kon pơlei pơma 'bơm Yêsu thoi noh, na lu bơngai Pharisi păng lu 'bok soi tih wơh lu linh sư năm rôp Yêsu.

Luka 16:14

Lu bơngai Pharisi kư̆m kơtơ̆ng dôm tơdrong Yêsu bơtho noh mơ̆n, na lu sư pơm hiĕk kơ Yêsu yua kơ lu sư 'mêm kơ mŭk tơmam tơ ala teh âu.

Luka 11:39

Na Kră Yang Yêsu khan kơ sư: “Lu iĕm bơngai Pharisi hăt hot kơ ôp pơnhan hăm kơchŏk hơdrol kơ sŏng sa khan trŏ tơdrong juăt 'Bok Kei-Dei pơkă, mă-lei lăm to iĕm 'bĕnh kơ tơdrong 'mê̆-'mach, 'bĕnh kơ tơdrong pơgâm.

Luka 7:30

Mă-lei lu bơngai Pharisi păng lu 'bok thây bơtho tơdrong juăt đe Juđê ưh kơ wă kiơ̆ thoi 'Bok Kei-Dei bơtho, na lu sư kuă kơ iŏk 'batem ôh.

Luka 6:7

Na lu thây bơtho tơdrong juăt đe Juđê păng lu bơngai Pharisi răp lăng Yêsu hăm ming pơklaih sư dah ưh kơplah lăm năr pơdơh Sa'bat. Dah sư pơklaih bơngai ti kue noh lei lu sư wă jô̆ kơ Yêsu bơngai yoch yua kơ lu sư khan lăm năr pơdơh Sa'bat ưh kơ gơh jang păng ưh kơ gơh pơklaih bơngai jĭ jăn ôh.

Luka 5:30

Na lu bơngai Pharisi păng lu 'bok thây bơtho tơdrong juăt đe Juđê khan kơ lu bơngai pơhrăm păng Yêsu thoi âu: “Yua kơ kiơ iĕm sŏng sa hơdai hăm lu bơngai iŏk jên thuê̆ păng lu bơngai pơm yoch?”

Markôs 8:15

Yêsu khan kơ lu sư: “Iĕm athei kơchăng weh ataih kơ 'buih 'bĕng mi pông đe Pharisi păng 'buih 'bĕng mi pông Hêrôt.”

Markôs 8:11

Lu bơngai Pharisi năm tơ ei pơjah pơjăng hăm Yêsu. Lu sư apinh Yêsu pơm tơdrong mơsêh đơ̆ng plĕnh ti. Lu sư khan wă kơ băt Yêsu đơ̆ng 'Bok Kei-Dei tơpă dah ưh. Mă tơpă lu sư wă pơlong Yêsu hăm gơh pơm dah ưh.

Mathiơ 22:35

Na đei minh 'nu bơngai khŭl Pharisi, sư pơm thây bơtho tơdrong juăt đe Juđê, sư năm jet pơlong lăng Yêsu thoi âu:

Mathiơ 19:3

Đei bơngai Pharisi năm jet pơlong Sư, wă kơ Sư pơma ưh kơ trŏ tơdrong juăt. Lu sư jet thoi âu: “Kiơ̆ tơdrong juăt bơ̆n, bơ̆n achăng akăn tơdrong kiơ kư̆m bưh dah thoi yơ?”

Mathiơ 16:1

Khŭl Pharisi păng khŭl Sađusê năm apinh Yêsu pơm tơdrong mơsêh đơ̆ng plĕnh ti. Lu sư khan wă kơ băt Yêsu đơ̆ng 'Bok Kei-Dei tơpă dah ưh. Mă tơpă sư wă pơlong Yêsu hăm gơh pơm dah ưh.

Mathiơ 15:12

Đang Yêsu pơma thoi noh boih na lu bơngai pơhrăm păng Sư năm khan kơ Sư: “Ih hăm băt lu bơngai Pharisi ơh kơ Ih pơma thoi noh hei?”

Mathiơ 9:34

Mă-lei lu bơngai Pharisi khan: “'Noh đơ̆ng yŏng pơgơ̆r yang kơnê̆ tơgŭm sư na sư gơh pơpuh lu yang kơnê̆ noh.”

Malachi 2:16

Yua kơ Kră Yang 'Bok Kei-Dei Isơrael đei khan boih thoi âu: “Inh areh dêh kơ bơngai bu mă hrĕch achăng akăn păng bơngai bu mă gom lê̆ sư kơdih hăm tơdrong khĕnh hơwĕng thoi bơngai mă gom lê̆ akâu sư hăm hơbĕn ao sư.” Kră Yang Tih Hloh khan thoi noh: Thoi noh athei wei bĕ jơhngơ̆m lu iĕm kơdih, 'nĕ pă chă hơlĕnh pơdăr băl.

Markôs 10:1

Yêsu năm đơ̆ng Pơlei Kapernum ei mơ̆t brih lăm dêh Juđê păng hơloh năm hloi tơ dêh pah to krong Jôrđăn. Tơ ei đei lơ bơngai năm akŭm tơ Sư dơ̆ng, na Sư bơtho đe kư̆m thoi krô hmă.

Markôs 10:3

Na Yêsu khan: “Môis pơkă kơ iĕm sơ̆ liơ?”