Malachi 4:5 - Sơ̆p Hlabơar Nơ̆r 'Bok Kei-Dei

⁵ 'Nâu Inh gô wơh 'bok khan lê̆ adrol anăn sư Êli gô truh tơ lu iĕm adrol kơ năr tih krưp wă truh trŏ kơ năr hli tơpă đơ̆ng Kră Yang.

Malachi 4:5 Referans Kwoze

Luka 1:17

Kră Yang bơ̆n wă jê̆ jur na kon ih ei gô năm hơdrol kơ Kră Yang. Sư đei Yang Bơhngol 'Lơ̆ng ăn kơ sư jing pran kơtang tơpă kư̆m thoi Êli sơ̆. Sư gô tơgŭm kon pơlei Isơrael 'mêm mơnat kơ lu kon sư. Sư gô tơgŭm lu bơngai ưh kơ lui tơbral kơdih tơdrong yoch na wă kơ đei đon 'lơ̆ng. Yua kơ thoi noh na sư hơmet ming kon bơngai adrol kơ Kră Yang truh.”

Malachi 3:1

“'Nâu, Inh đei wơh bơngai pơtruh nơ̆r Inh, sư gô pơih trong adrol kơ Inh; păng Kră Yang mă lu iĕm chơchă Sư gô blư truh mơ̆t tơ lăm hnam akŭm 'Bok Kei-Dei, wă khan linh jang khan nơ̆r Sư pơgơ̆p hăm iĕm mă lu iĕm oei chang gô. 'Nâu, Sư truh!” Kră Yang khan thoi noh.

Yo 1:21

Lu sư jet dơ̆ng: “Lei hăm trŏ kơ ih Êli bơngai mă pơtruh nơ̆r 'Bok Kei-Dei sơ̆?” Yôhan khan: “Ưh ôh.” “Lei hăm trŏ kơ ih bơngai pơtruh nơ̆r 'Bok Kei-Dei mă nhôn chang gô đơ̆ng sơ̆?” Yôhan khan: “Ưh mơ̆n.”

Jôel 2:31

Măt 'năr gô măng mu, măt khei gô jing thoi pham, adrol kơ năr krưp tih Kră Yang truh.

Êsai 40:3

Đei nơ̆r krao: “Pơih bĕ trong lăm bri glă ăn kơ Kră Yang; hơmet bĕ trong mă tơpăt lăm teh glă ăn kơ Kră Yang 'Bok Kei-Dei lu bơ̆n.

Tơdrông Tơ'bôh 6:17

yua kơ truh năr Sư hil kơ nhôn kơtang kơtĭt na bu kĕ sơ̆n.”

Malachi 4:1

“Yua kơ âu, năr truh thoi ŭnh sa khơ̆ng lăm tơnuh đe tơkuh. Dôm lu bơngai pơang, lu bơngai pơm yoch kơnê̆ lu sư nhen thoi hơnong 'ba, 'nhĕt kro;” Kră Yang Tih Hloh khan: “Truh năr ei kơnh, Inh gô soh pơđĭ lu sư, ưh pă lê̆ mă dơng mă rơh.

Yo 1:25

Lu sư jet dơ̆ng Yôhan thoi âu: “Ih ưh kơ sĭ 'Bok Krist, ưh kơ sĭ Êli păng ih kư̆m khan ưh kơ sĭ 'bok pơtruh nơ̆r 'Bok Kei-Dei noh, lei ih bu? Liơ ih gơh pơm kơ đe 'batem?”

Luka 9:30

Đơ̆ng noh 'bôh blư kơ Môis păng Êli jur pơma dơnuh păng Yêsu.

Jêphania 1:14

“Năr kăl tih Kră Yang jê̆ boih, wă jê̆ boih; sư wă truh tĕnh tơpă. Năr Kră Yang đei nơ̆r re jơwa, jơ noh lu bơngai nuih kơtang gô nhơ̆m ôr ơh sơ'ngon dêh.