Malachi 3:17 - Sơ̆p Hlabơar Nơ̆r 'Bok Kei-Dei

¹⁷ Kră Yang Tih Hloh khan: “Lu bơngai noh lu sư jing gah Inh, jing tơmam 'măn kơ Inh yua lăm năr Inh wă pơm. Inh gô mơnat ăn kơ lu sư thoi 'bă mơnat ăn kơ kon tơdăm sư bơ̆jang kơ sư kơdih.

Malachi 3:17 Referans Kwoze

Le 19:5

Na, tơdah lu iĕm chu yom Inh păng wei răk dôm tơdrong Inh pơgơ̆p pơkă, lei lăm đĭ-đăng kơ dêh char, lu iĕm boih jing tơmam gĭt Inh. Mă khan đĭ-đăng teh đak jing tơmam Inh ngăl.

Both 7:6

Yua kơ iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm; Sư rơih iŏk iĕm đơ̆ng lu adrĕch kơpal teh đak âu. Wă kơ iĕm jing kon pơlei pơla Sư.

II Kor 6:18

Thoi noh na Inh trŏ kơ pơm 'Bă iĕm, iĕm jing kon tơdăm kon adruh Inh. 'Noh tơdrong Kră Yang tơm rơh tih hloh khan kơ bơ̆n.”

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

Rom 8:32

Sư 'mêm kơ bơ̆n tơpă na Sư mah ăn Kon pôm Sư lôch tang kon bơngai. Thoi noh bơ̆n băt Sư wă tơgŭm bơ̆n tôm tơdrong nai hai mơ̆n.

Malachi 1:6

“Kon drŏ-nglo kơkuh pơyom kơ 'bă sư, đĭch đam hli yom kơ yŏng tơ'ngla sư. Thoi noh tơdah Inh jing 'Bă iĕm, lei tơdrong lu iĕm kơkuh pơyom kơ Inh? Păng tơdah Inh jing yŏng tơ'ngla, lei lu sư hli yom kơ Inh tơ yơ?” Kră Yang Tih Hloh khan kơ lu sư thoi noh. “Ơ lu 'bok soi pơdê anăn Inh!” Lu iĕm đei khan: “Tơ yơ nhôn đei pơdê anăn Ih?”

Je 31:33

“'Nâu mă nơ̆r Inh gô pơgơ̆p hăm adrĕch Isơrael đơ̆ng rŏng kơ năr noh kơnh,” Kră Yang khan. “Inh gô 'măn tơdrong juăt Inh tơ lăm kơ̆l 'ngok lu sư; păng chih tơdrong juăt Inh tơ lăm jơhngơ̆m lu sư. Inh Kră Yang 'Bok Kei-Dei lu sư na lu sư jing kon pơlei pơla Inh.”

Horiso 135:4

Yua kơ Kră Yang rơih boih Jakôp kơ Sư, păng rơih Isơrael jing tơmam Sư kơdih.

Both 14:2

yua kơ iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm; Kră Yang rơih iŏk boih iĕm đơ̆ng lăm lu adrĕch kon pơlei kơpal teh âu. Wă jing tơmam Sư kơdih lĕch đơ̆ng đĭ-đăng, adrĕch kon pơlei pơla oei ala teh âu.

I Kor 6:20

yua kơ 'Bok Kei-Dei huai iŏk bơ̆n păng tơmam gĭt Sư tơpă. Thoi noh na bơ̆n dah pơyơ̆r bĕ akâu bơ̆n kơ Sư wă pơư pơang anăn Sư.

Mathiơ 25:34

Na Inh pơm Pơtao pơgơ̆r lu sư, Inh khan kơ lu bơngai mă oei gah 'ma kơ Inh thoi âu: ‘'Bă Inh ăn kơ iĕm hiôk tơpă, năm mơ̆t oei tơ dêh Sư bĕ, Sư hơmet kơ iĕm anih đơ̆ng Sư pơjing plĕnh teh sơ̆ boih.

Êsêkiên 16:8

Inh năm brih lăng 'bôh ih, sơnăm ih 'lŏ trŏ kơ sơnăm băt kơ hưch wă; Inh iŏk tơdrơi ao Inh tơsu kơ ih, klơ̆p tơdrong koh hoh ih. Inh pơkă păng pơgơ̆p hăm ih, ih jing gah Inh bơih, Kră Yang Tih Hloh khan thoi noh.

Je 31:20

“Hăm trŏ Êphraim kon Inh mă 'mêm? Kon inh kơeng? Mă khan dôm wơ̆t boih inh hil kơ sư; inh oei 'blŏk 'brơ̆k mơnat, Tơpă Inh gô mơnat kơ sư.” Noh Kră Yang khan.

Ne 13:22

Inh athei bơngai Lêwi hơmet kơdih mă 'lơ̆ng rơgoh păng bơwei gak lu 'măng jang, wă 'măn 'năr Sa'bat jing năr 'lơ̆ng rơgoh, ơ! Kră Yang 'Bok Kei-Dei inh, apinh Ih 'blŏk kơ inh yua kơ tơdrong noh păng apinh Ih mơnat kơ inh kiơ̆ tơdrong 'mêm tih đơ̆ng Ih.

Jêphania 2:2

Adrol kơ năr đei pơkă boih wă truh, adrol kơ năr noh truh thoi hơkam 'ba kial pơđông, adrol kơ tơdrong Kră Yang hil mĭl truh tơ lu iĕm, adrol kơ jơ 'năr Kră Yang hil truh tơ lu iĕm.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Galati 5:24

Lu bơ̆n bơngai lui kơ Kră Yang Yêsu Krist đĭ hŭt lê̆ boih dôm lu tơdrong mă đon bơ̆n juăt kơ tơchĕng pơm tơdrong kơnê̆, dang lĕ kơ bơ̆n pơ̆ng dôm tơdrong noh tơ 'long pơglang.

I Kor 15:23

Rim 'nu kơ bơ̆n athei gô lăp kơ khei 'năr. Yêsu Krist Sư thoi lĕ kơ 'ba hrôih, Sư iung arih hơdrol kơ bơ̆n. Mưh lăp kơ khei 'năr Sư wă jur tơ ala teh âu, đĭ-đăng bơngai lui iung arih kiơ̆ Sư.

Yo 17:24

“Ơ 'Bă, Ih pơjao boih lu sư kơ Inh na Inh wă kơ lu sư tŏk oei hơdai hăm Inh, na lu sư gô 'bôh Inh oei hơdai hăm Ih hiôk hơiă tơpă, yua kơ Ih đei ăn kơ Inh thoi noh. Ih 'mêm kơ Inh hơdrol kơ đei plĕnh teh.

Sa 13:9

Inh gô tah minh puăt lăm pêng noh tơ lăm ŭnh Inh, 'buh lu sư thoi đe 'buh hu, pơlong lăng lu sư thoi đe 'buh maih; lu sư gô ôr krao anăn Inh păng Inh gô tơl tơwih nơ̆r sư; Inh gô khan thoi âu: ‘Noh boih kon pơlei Inh âu.’ Lu sư gô khan: ‘Kră Yang noh Kră Yang 'Bok Kei-Dei inh.’ ”

Hơri Hiôk 2:16

Bơngai mă inh hơyuh jing tơmam inh bơih, Păng inh jing tơmam sư. Sư wei triu sư tơ lăm tŏk-bŏk pơgar pơkao kok jơk.

Le 32:32

Mă-lei, dang ei apinh Ih mơnat ăn tơdrong yoch lu sư. Dah ưh, apinh sŭt lê̆ bĕ anăn inh đơ̆ng lăm sơ̆p hla bơar Ih đei chih bơih noh;

Êsai 4:2

Lăm năr noh tơ'biĕng Kră Yang gô bluh 'lơ̆ng păng trŏ kơ ư-ang, plei đơ̆ng teh gô jing 'lơ̆ng chơt hiôk kơ lu bơngai Isơrael mă oei arih.

Êsai 43:1

Dang ei Kră Yang khan thoi âu: Ơ Jakôp Sư Tơ'ngla pơjing iĕm, ơ Isơrael! Sư bơih Tơ'ngla pơjing iĕm, 'nĕ kơ hli yua kơ Inh huai iŏk iĕm bơih. Inh bơih krao iĕm hăm anăn iĕm păng iĕm gah Inh.

Êsai 43:21

Inh pơjing bơih lu kon pơlei âu, ăn kơ Inh, lu sư gô ră roi bơnê kơ inh.

Malachi 4:3

Lu iĕm gô pơjuă gơhlơ̆r lê̆ lu bơngai pơm kơnê̆, yua kơ lăm năr mă Inh pơm noh, lu sư nhen thoi rơnok tơ ala jơ̆ng lu iĕm.” Kră Yang Tih Hloh khan thoi noh.

Horiso 115:13

Sư gô ăn tơdrong pŭn hiôk kơ lu đe bu mă hli yom kơ Kră Yang. Mă lu iĕ dah tih kư̆m lei-lăi.