Malachi 3:16 - Sơ̆p Hlabơar Nơ̆r 'Bok Kei-Dei

¹⁶ Dang ei lu bơngai hli yom kơ Kră Yang pơma tơduă lu sư thoi noh Kră Yang kơtơ̆ng păng mơ̆ng; păng sơ̆p hla bơar đei chih 'bơ̆t anăp Sư wă kơ tơ'blŏk ăn kơ lu bơngai mă hli yom kơ Kră Yang păng 'blŏk kơ anăn Sư.

Malachi 3:16 Referans Kwoze

Tơdrông Tơ'bôh 20:12

Păng inh 'bôh lơlang lơlap kon bơngai đêl lôch iung arih; bơngai pơm tih, bơngai iĕ, đĭ lu sư dơ̆ng 'bơ̆t anăp 'Bok mă oei kơpal tang-dŏ tih krưp ei. Na 'Bok ei tak lăng lu sơ̆p hla bơar tơdrong lu bơngai lôch đêl pơm kơplah sư oei arih sơ̆. Sư kư̆m tak lăng minh sơ̆p hla bơar nai, sơ̆p hla bơar ei đe chih anăn dôm lu bơngai mă wă oei hơdai hăm 'Bok Kei-Dei ling-lang. 'Bok Kei-Dei sek tơlang lu bơngai đơ̆ng lôch, kiơ̆ kơ tơdrong lu sư đêl pơm tơ ala teh, kiơ̆ kơ đe chih 'măn lê̆ dôm tơdrong lu sư đêl pơm noh tơ lăm lu sơ̆p hla bơar ei sơ̆.

Horiso 56:8

Kră Yang jô̆ rim yak inh, mă năm mă brŏk;f Ih mong đak măt inh lăm kơhnŏk Ih. Đak măt inh Ih ưh kơ chih lăm sơ̆p hla bơar ih hă?

Malachi 4:2

Mă-lei gah lu iĕm, lu bơngai hli yom kơ anăn Inh, thoi noh măt 'năr tơdrong tơpăt gô pơchrang ăn, lăm năr noh kơnh gô đei pơklaih tơdrong jĭ jăn; lu iĕm gô lĕch pơplŏng thoi rơmo dăm lĕch đơ̆ng lăm hơdrong.

Tơdrông Tơ'bôh 15:4

Ơ Kră Yang, đĭ-đăng bơngai băt hli kơ Ih, păng ư-ang anăn Ih, yua kơ pôm Ih đĕch pơm 'lơ̆ng tơpăt. Đĭ rim khŭl bơngai băt năm kơkuh 'bơ̆t anăp Ih, yua kơ Ih sek tơlang tơpăt ngăl.”

Hêbrơ 10:24

Bơ̆n athei băt tơchĕng gah tơdrong pơlung băl, wă kơ bơ̆n đei đon 'mêm mơnat hăm pơm 'lơ̆ng.

I Tes 5:11

Thoi noh tơdrong âu gô sĭt tơpă, na iĕm kư̆ adrin bơtho pơlung dih băl, kư̆m thoi iĕm adrin bơtho dih băl dang ei, wă kơ iĕm lui rai pran kơjăp.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Jang 9:31

Yua kơ Sôl lui boih na lu bơngai lui kơ Yêsu oei jơ̆p-jang dêh Juđê păng dêh Galilê, dêh Samri hiôk-hian huay pă đei tơdrong truh tơ lu sư. Lu sư kư̆m rai đunh rai pran. Lu sư lui tơpă kơ Kră Yang păng Yang Bơhngol 'Lơ̆ng tơgŭm lu sư ling-lang, na lu sư rai đunh rai lơ.

Êsai 26:3

Bơngai bu đei đon gơnang đĭ tơdrong sư tơchĕng. Kră Yang gô ăn kơ sư hiôk-hian lăm tôm tơdrong. Yua kơ sư gơnang kơ Kră Yang.

Jang 10:2

Sư ưh kơ sĭ bơngai Juđê mơ̆n mă-lei sư păng đĭ hnam dơnŏ sư lui kơkuh kơ 'Bok Kei-Dei. Sư kư̆m hơlăng kơ đe Juđê tơmam păng krao khan ling-lang kơ 'Bok Kei-Dei.

Êsêkiên 9:4

na khan kơ sư: “Năm bĕ tơ jơ̆p lăm pơlei Jêrusalem, chih 'bơ̆t klĕng rim 'nu bơngai bu nhơ̆m hmoi kơ tơdrong yoch kơnê̆ krưp mă đei pơm boih lăm pơlei.”

Horiso 34:15

Măt Kră Yang lăng tơ lu bơngai tơpăt. Đon Sư mơ̆ng nơ̆r lu đe noh krao apinh.

Êphêsô 5:19

Păng bơ̆n athei hơri bơnê kơ Kră Yang hăm đĭ jơhngơ̆m, mă bơ̆n hơri tơdrong 'Bok Kei-Dei hơdai hăm bơngai tơpôl, mă bơ̆n hơri tơdrong lu bơngai kră sơ̆, mă bơ̆n hơri tơdrong lu bơngai dang ei, mă bơ̆n hơri kiơ̆ kơ đon bơ̆n tơchĕng kơdih.

Jang 1:13

Lăp lu sư truh tơ Pơlei Jêrusalem boih na lu sư tŏk tơ hnam anih gah kơpal. Na anăn lu sư oei tơ ei: Pêtrôs, Yôhan, Yakơ, Andrê, Philip, Thôm, 'Barthôlêmi, Mathiơ, Yakơ kon Alphê, Simôn mă kiơ̆ khŭl đe Sêlôt sơ̆, Juđa kon Yakơ bơngai nai.

Da 7:10

Đơ̆ng 'bơ̆t anăp sư, đei glung ŭnh ro tơ jơ̆p-jang; rơbâu hơngan linh jang awih awăn kơ sư păng rơbâu hơngan kon bơngai dơ̆ng 'bơ̆t anăp sư. Tơdrong sek tơlang hơmet lê̆ boih păng đe kư̆m pơih lu sơ̆p hla bơar.

Luka 2:38

Na sư kư̆m năm tơ mĕ 'bă Yêsu mơ̆n. Sư bơnê kơ 'Bok Kei-Dei păng roi lê̆ hơdrol gah tơdrong Yêsu kơ đĭ-đăng lu bơngai mă chang gô 'Bok Kei-Dei pơklaih lu kon pơlei Jêrusalem.

Esther 6:1

Lăm măng noh pơtao ưh kơsŭk tep, na athei đe iŏk sơ̆p hla bơar đe chih răk hơ'mon tơdrong lu pơtao pơgơ̆r na đŏk 'bơ̆t anăp sư.

Jang 2:1

Truh Năr Giĕng Pangtơkôt, lu bơngai lui kơ Yêsu akŭm minh anih.

Êsai 65:6

'Nâu tơdrong mă đei chih bơih 'bơ̆t anăp Inh, Inh gô ưh pă đei lê̆ bơih, mă-lei gô pơm tơwih trŏ, Inh gô pơm tơwih kiơ̆ kơ tơdrong yoch lăm jơhngơ̆m sư.

Êsai 50:10

Bơngai bu lăm lu iĕm băt hli yom kơ Kră Yang, păng chu kiơ̆ kơ nơ̆r đĭch đam Sư Mă năm lăm măng mu păng ưh kơ đei hơdah. Gơnang bĕ kơ Anăn Kră Yang păng gơnang kơ Kră Yang 'Bok Kei-Dei sư kơdih.

Êsai 26:8

Ơ Kră Yang, mă Ih sek tơlang kơ nhôn lu nhôn oei chang gô lăm trong Ih sek tơlang tơpăt, bơhngol lu nhôn hơpơi kơ anăn Ih păng 'blŏk hơdơ̆r.

Tơdrông Pơđơk 13:20

Bơngai bu pơm buăl juăt hăm bơngai hơgei gô gơh hơgei. Mă-lei bơngai bu pơm buăl juăt hăm bơngai kơtul kơwao gô răm.

Horiso 147:11

Mă-lei Kră Yang lăp đon kơ bu mă hli yom kơ Sư, păng lu bơngai mă chang hơmĕng kơ tơdrong Sư 'mêm.

Horiso 139:4

Adrol kơ hơpiĕt inh wă pơma. Ih băt đĭ tôm tĕch boih, ơ Kră Yang.

Horiso 119:63

Inh jing buăl kơ lu bơngai băt hli yom kơ Ih, Păng lu bơngai mă bơwei dôm tơdrong Ih đei bơtho pơkă.

Horiso 111:10

Tơdrong hli yom kơ Kră Yang jing tơm tơdrong hơgei, Bơngai bu mă wei răk nơ̆r Sư bơtho pơkă gô đei đon hlôh wao. Tơdrong hơri bơnê ư-ang kơ Sư oei oei ling-lang.

Horiso 94:19

Mưh inh đei tơdrong rŭng răng. Na tơdrong Ih pơlung pơm ăn kơ jơhngơ̆m inh hiôk.

Horiso 66:16

Ơ lu bơngai mă băt hli yom kơ Kră Yang 'Bok Kei-Dei, mơ̆ng bĕ. Inh gô roi dôm tơdrong mă Kră Yang đei pơm kơ bơhngol inh;

Horiso 33:18

To măt Kră Yang lăng tơ lu bơngai mă hli yom kơ sư păng chang gô tơdrong 'mêm mơnat.

Horiso 20:7

Lu đe âu gơnang kơ gre, lu đe nai gơnang kơ aseh Mă-lei lu nhôn gơnang kơ anăn Kră Yang jơ̆ Kră Yang 'Bok Kei-Dei lu nhôn.

Horiso 16:3

Lu bơngai 'lơ̆ng rơgoh kơpal teh păng lu bơngai đe pơyom. Lăm lu sư inh đei chơt hiôk.

Horiso 10:4

Lu bơngai kơnê̆ pơang, ưh kơ wă chă Kră Yang. Đĭ tơdrong sư tơchĕng khan ưh kơ đei Kră Yang ôh.

Jop 28:28

Kră Yang khan kơ kon bơngai “Hli yom kơ Kră Yang, noh bơih tơdrong gơh hơgei; Weh ataih đơ̆ng tơdrong kơnê̆, 'noh bơih tơdrong hlôh wao.”

Esther 2:23

Đe chă apinh lăng tơdrong noh trŏ thoi ei tơpă na đe chô̆ atol hơko bre sư tơ 'long gơ̆ng kơjung. Tơdrong noh đe đei chih răk lăm sơ̆p hla bơar hơ'mon tơdrong jang pơtao, 'bơ̆t anăp pơtao.

II Ho 6:7

Lăm jơhngơ̆m 'bă inh Đawit đei boih đon tơchĕng wă pơm hnam ăn kơ Kră Yang 'Bok Kei-Dei bơngai Isơrael.

I Pot 18:12

Inh ưh kơ băt mưh inh weh đơ̆ng ih, kơnh Yang Bơhngol Kră Yang gô pôk hiŏng tơweh ih tơ nai, Mưh inh năm roi kơ Ahap, athei năm tơ âu na ưh kơ 'bôh ih tơ anih 'nâu lei sư gô pơlôch inh, mă khan inh đam ih, hli yom kơ Kră Yang đơ̆ng inh oei 'lơ̆p ră.

II Sam 7:1

Kơplah pơtao oei lăm hnam pơtao sư, păng Kră Yang ăn kơ sư pơdơh hiôk huay pă đei ayăt jum dăr kơ sư,

Hêbrơ 12:15

Đĭ-đăng kơ iĕm athei kơchăng, wă kơ lơ̆m lu iĕm huay kơ đei bu achăng lê̆ tơdrong 'Bok Kei-Dei đêl pơm kơ iĕm lui kơjăp boih; wă kơ lơ̆m lu iĕm huay kơ đei bu pơhlŭ bôl iĕm kiơ̆ sư pơm yoch.

Hêbrơ 3:13

Kơplah ahrei brei drâu oei tam mơ̆n, na rim năr iĕm athei pơlung dih băl, wă kơ đĭ-đăng kơ iĕm huay kơ lui kơ đe pơhlŭ pơlung iĕm pơm yoch jing arăng kơ̆l.

I Tes 5:14

Ơ 'nhŏng oh, nhôn pơkă kơ iĕm thoi âu: Iĕm athei bơtho bơngai alah wă kơ sư pơnam. Iĕm athei pơma dơnuh kơ bơngai sơ'ngon wă kơ sư hiơt kơ tơdrong sơ'ngon huay pă ơh klai dơ̆ng. Bơtho lu bơngai lui rơdu wă kơ sư lui kơjăp. Đe hơwĕng hil areh kơ iĕm, iĕm athei lê̆ đĕch.

Horiso 104:33

Đĭ chăl arih inh gô hơri bơnê kơ Kră Yang. Inh oei arih dang yơ, inh gô hơri bơnê kơ Kră Yang 'Bok Kei-Dei dang noh;

I Pot 18:3

Ahap krao Ôbadia bơngai wei-lăng hnam pơtao Ôbadia hli yom kơ Kră Yang dêh.

Bl 22:12

Linh jang 'lơ̆ng khan thoi âu: “Lê̆ kơ hơ-ô ti ih tơ akâu kon hơ'lơ̆p âu păng kư̆m 'nĕ kơ pơrăm sư yua kơ dang ei Inh băt boih ih hli yom kơ Inh, na huay mah kơeng kơ kon ih wă pơyơ̆r kơ Inh.”

Le 32:32

Mă-lei, dang ei apinh Ih mơnat ăn tơdrong yoch lu sư. Dah ưh, apinh sŭt lê̆ bĕ anăn inh đơ̆ng lăm sơ̆p hla bơar Ih đei chih bơih noh;

Êsai 4:3

Lu bơngai oei arih lăm pơlei Siôn, lu bơngai oei oei arih lăm pơlei Jêrusalem gô krao lu sư bơngai rơgoh wă khan đĭ-đăng lu bơngai đei chih jô̆ oei arih lăm Jêrusalem.

Je 8:6

Inh pơgling đon păng oei mơ̆ng, mă-lei lu sư pơma ưh kơ tơpăt ôh. Ưh kơ đei bu tơbral tơdrong yoch sư, na khan: “Tơdrong kiơ inh đei pơm boih?” Rim 'nu yak kiơ̆ trong lu sư kơdih, thoi aseh hrơ̆t năm tơpăt tơ anăp wă tơblah.

Je 31:18

Inh kơtơ̆ng boih bơngai Êphraim nhơ̆m hmoi: ‘Ih phak bơtho inh boih, thoi đe pơjuăt kon rơmo mă tam biơh tah 'long ăt, inh pŭ iŏk boih. Apinh Ih iŏk inh brŏk bĕ, na inh gơh brŏk đei hiôk-hian, yua kơ Ih boih Kră Yang 'Bok Kei-Dei inh,

Da 12:1

Lăm chăl noh, Mikael, Linh jang tih, noh boih yŏng wă iung wei kơ kon pơlei ih. Kơplah noh gô đei tơdrong gleh truh, iŏk đơ̆ng đei pơjing dêh char truh tơ dang ei tam mă đei tơdrong truh tih thoi noh. Dang ei lăm lu kon pơlei ih, dôm lu bơngai mă đei chih măt lăm sơ̆p hla bơar noh gô klaih păng arih ling-lang.

Ne 1:11

Ơ Kră Yang! Apinh Ih pơgling đon mơ̆ng nơ̆r lu đĭch đam Ih krao apinh păng krao chă, lu bơngai mă đĭ jơhngơ̆m hli yom kơ Anăn Ih, năr âu apinh Ih tơgŭm ăn gơh đei tơdrong pŭn hiôk păng ăn kơ lu sư gơh đei tơdrong mơnat 'bơ̆t anăp bơngai âu. Kơplah ei kơnh inh gô pôk glơng kơchŏk tơdrô ăn kơ pơtao.

Horiso 56:9

Năr inh krao apinh, lu ayăt kơ inh gô kơdŭn tơ rŏng; Inh băt kơ tơdrong 'nâu, Kră Yang 'Bok Kei-Dei oei hơdai inh.

Horiso 115:13

Sư gô ăn tơdrong pŭn hiôk kơ lu đe bu mă hli yom kơ Kră Yang. Mă lu iĕ dah tih kư̆m lei-lăi.