Malachi 3:14 - Sơ̆p Hlabơar Nơ̆r 'Bok Kei-Dei

¹⁴ Lu iĕm đei khan: “Đe mă bơ̆jang kơ Kră Yang 'Bok Kei-Dei noh tơdrong ưh kơ đei; lu bơ̆n wei nơ̆r Sư bơtho pơkă, athei bơwei păng yak nơnăm lăm tơdrong ơh sơ'ngon 'bơ̆t anăp Kră Yang Tih Hloh, na lơi kiơ?

Malachi 3:14 Referans Kwoze

Êsai 58:3

Lu sư Jet: “Yua kơ kiơ lu nhôn ơ̆t kơ sŏng sa mă-lei Ih ưh kơ 'bôh? Lu nhôn tơjur akâu mă-lei Ih ưh kơ băt?” 'Nâu, lăm năr lu iĕm ơ̆t kơ sŏng sa, lu iĕm ling-lang chă tơdrong lu iĕm wă kơdih. Sa pơgâm lu bơngai jang kơ iĕm.

Jêphania 1:12

Lăm kơplah noh, Inh gô iŏk ŭnh kơđeng păng ŭnh hơchô̆ nhơk chơchă lăng Jêrusalem, Inh gô phak lu bơngai pơgŏk et tơdrô lăm anih noh, lu sư khan lăm jơhngơ̆m lu sư thoi âu: ‘Kră Yang ưh pă đei tơjur ăn tơdrong pŭn hiôk, kư̆m ưh pă đei wă tuh tơdrong gleh truh.’

Jop 35:3

Ih jet Kră Yang dơ̆ng, “Kră Yang đei yua kiơ? Bĕ inh đei yua kiơ, tơdah inh ưh kơ pơm yoch?”

Jôel 2:12

Mă-lei Kră Yang khan: “Dang ei iĕm athei wih brŏk tơ Inh, hăm đĭ jơhngơ̆m lu iĕm, hăm tơdrong ơ̆t por, hăm tơdrong ơh sơ'ngon nhơ̆m hmoi.

Jop 34:9

Yua kơ Jop khan: ‘Kon bơngai ưh kơ đei yua kiơ, Kơplah sư chơchă tơdrong hiôk chơt lăm Kră Yang 'Bok Kei-Dei.’

Ya 4:9

Iĕm athei nhơ̆m hmoi ơh kơdih tơdrong yoch đêl iĕm pơm, hmoi ơh kơdih tơdrong đêl iĕm hiĕk 'nă, hmoi ơh kơdih tơdrong đêl iĕm hiôk chơt, pơhaih sơ'ngon kơdih kơ 'Bok Kei-Dei, na Sư mơnat.

Jop 22:17

Lu sư khan kơ Kră Yang 'Bok Kei-Dei khan: “Ih athei weh ataih đơ̆ng lu nhôn bĕ; Kră Yang Tih Hloh gơh pơm kiơ kơ lu nhôn?”

Êsai 43:22

Mă-lei, ơ Jakôp, iĕm ưh kơ krao apinh Inh! Ơ Isơrael iĕm đĭ bơ̆l kơ Inh bơih!

Je 2:25

'Nĕ kơ pơlap jơ̆ng gleh păng dĭng hơlŏng iĕm rơhing! Mă-lei iĕm khan. ‘Măk ai kiơ̆ boih; nhôn hơyuh wă kơ yang nai păng nhôn gô kiơ̆ lu sư?’

Je 18:12

Mă-lei lu sư oei khan: ‘Măk ai kơ nhôn. Lu nhôn oei kiơ̆ kơ đon nhôn kơdih, rim 'nu kư̆ kiơ̆ kơ jơhngơ̆m đon arăng kơnê̆ kơdih.’ ”

Hôsia 7:16

Lu sư wih brŏk mă-lei ưh kơ tơklă tơ Kră Yang Tih Hloh, lu sư kư̆m thoi hră đe prah rĕng tơ nai. Lu kră pơgơ̆r lu sư gô pơ̆k lôch kơ đao gưm, yua kơ hơpiĕt lu sư pơma hơlĕnh. Tơdrong noh pơm kơ đe hiĕk ăr che bơle kơ lu sư tơ lăm char Êyiptơ.

Malachi 3:13

Kră Yang khan: “Lu iĕm iŏk nơ̆r pơrŏ wă blah Inh.” Mă-lei lu iĕm khan: “Lu nhôn đei pơma kiơ khan wă blah Kră Yang?”

Je 44:18

Mă-lei đơ̆ng năr lu nhôn ưh pă soh nhang 'bâu phu ăn kơ Pơtao Drŏ-kăn kơpal plĕnh păng tuh pơyơ̆r sik ăn kơ sư, lu nhôn kơ'bah kơ'bôch tôm tơdrong, rai lôch răm kơ đao gưm pơngot rơwĕt!”