Malachi 3:12 - Sơ̆p Hlabơar Nơ̆r 'Bok Kei-Dei

¹² Jơ̆p kơ teh đak đe gô ư-ang kơ lu iĕm đei pŭn hiôk, yua kơ đơ̆ng iĕm na teh gô chơt hiôk.” Kră Yang Tih Hloh khan thoi noh.

Malachi 3:12 Referans Kwoze

Sa 8:23

Kră Yang Tih Hloh khan thoi âu: “Gô đei mơjĭt 'nu đơ̆ng rim nơ̆r pơma păng rim kơ dêh char, rôp kơjăp ao minh 'nu bơngai Juđa păng khan: Ăn kơ nhôn năm hơdai ih, yua kơ nhôn kơtơ̆ng Kră Yang oei hơdai ih.’ ”

Êsai 61:9

Adrĕch adrung lu sư đe gô ư-hơ-nhang ang-hơ-nhăk lăm rim kơ teh đak. Anăn kon sâu lu sư đe gô ang lăm lu kon pơlei, bơngai bu 'bôh gô băt kơ lu sư jơ̆ minh adrĕch adrung đơ̆ng Kră Yang tuh ăn tơdrong pŭn hiôk.

Êsai 62:4

Đe ưh pă krao ih Kră Yang hŭt lê̆ dơ̆ng bơih dah ưh pă krao ih teh lê̆ bri juơ dơ̆ng bơih. Mă-lei đe gô krao ih Inh chơt hiôk hăm ih păng krao teh đak ih đei pơkong thoi ŭnh om bơih. Yua kơ Kră Yang chơt hiôk ih păng teh ih gô đei klo.

Luka 1:48

Yua kơ Sư mơnat kơ inh bơngai đam Sư, na đơ̆ng âu tơ anăp ning-mônh đĭ-đăng kơ lu kon bơngai gô khan kơ inh đei pŭn hiôk tơpă.

Da 11:41

Sư gô mơ̆t truh tơ teh đak ư-ang păng đei lơ dêh char gô pơchah. Mă-lei lu bơngai Eđôm, lu bơngai Môap păng lu bơngai pơgơ̆r lăm lu kon pơlei Ammôn gô klaih đơ̆ng ti sư.

Da 8:9

Yua kơ đei minh lăm lu hơke noh, chăt dơ̆ng minh pôm hơke iĕ, rai tih, rai tih jing kơjăp, gah gơal gah hơlĕch, tơklă tơ gah teh đak ư-ang.

Je 33:9

Pơlei âu gô ba anăn Inh đei ư-ang hiôk chơt, tơdrong bơnê, 'bơ̆t anăp đĭ adrĕch adrung kon bơngai lăm teh đak; lu sư gô kơtơ̆ng tơdrong 'lơ̆ng mă Inh ăn pŭn hiôk kơ lu bơngai Juđa păng bơngai Isơrael. Lu dêh noh gô tơrơ lăng krưp kơ tơdrong pŭn hiôk păng tơdrong hiôk-hian Inh ăn kơ pơlei âu.”

Horiso 72:17

Anăn sư gô oei đei ling-lang. Măt 'năr sư oei đei dang yơ, anăn sư gô oei dang noh; Kon pơlei đei pŭn hiôk đơ̆ng sư! Lu kon pơlei gô sơkat kơ sư đei pŭn hiôk.

II Ho 32:23

Đei lơ bơngai năm pơyơ̆r lu tơmam soi kơ Kră Yang păng năm ba pơyơ̆r ăn tơmam gĭt kơ Hesekia pơtao Juđa tơ pơlei Jêrusalem; iŏk đơ̆ng năr noh năm tơ anăp Hesekia đe ư-ang pơyom tơ jơ̆p-jang kơ dêh char.

Both 11:12

'Noh jơ̆ minh pôm dêh mă măt Kră Yang 'Bok Kei-Dei iĕm bơwei, đơ̆ng sơnăm blŭng-a sơ̆ truh tơ tôch.

Malachi 3:13

Kră Yang khan: “Lu iĕm iŏk nơ̆r pơrŏ wă blah Inh.” Mă-lei lu iĕm khan: “Lu nhôn đei pơma kiơ khan wă blah Kră Yang?”

Êsai 62:5

Thoi bơngai tơdăm oei kơ bơngai adruh 'nao iung, kư̆m thoi lu kon drŏ-nglo ih gô oei hăm ih; thoi bơngai 'nao iŏk akăn gô hiôk chơt yua kơ akăn sư 'nao iŏk. Na Kră Yang 'Bok Kei-Dei ih kư̆m hiôk chơt yua kơ ih.