Malachi 1:11 - Sơ̆p Hlabơar Nơ̆r 'Bok Kei-Dei

¹¹ Iŏk đơ̆ng măt 'năr lĕch truh tơ măt 'năr mơ̆t, yua kơ anăn Inh jing tih tơpă tơ lăm adrĕch adrung kon bơngai. Tơ lăm jơ̆p-jang anih, đe gô pơyơ̆r 'long 'bâu phu păng tơmam soi 'lơ̆ng rơgoh kơ anăn Inh; yua kơ anăn Inh gô jing tih tơpă tơ lăm adrĕch adrung nai.” Kră Yang Tih Hloh khan thoi noh.

Malachi 1:11 Referans Kwoze

Êsai 54:5

Yua kơ Tơ'ngla pơjing iĕm noh klo iĕm. Anăn Sư Kră Yang Tih Hloh. Tơ'ngla huai iŏk iĕm noh mă Tơ'ngla Rơgoh Isơrael; Sư noh boih Kră Yang 'Bok Kei-Dei kơ đĭ plĕnh teh.

Êsai 45:6

Wă kơ đĭ lu bơngai dơ̆ng anih măt 'năr lĕch. Truh tơ anih măt 'năr mơ̆t, wă kơ lu sư băt ưh kơ đei Yang nai ôh 'nguaih kơ Inh. Inh bơih Kră Yang, ưh kơ đei yang nai dơ̆ng ôh.

Tơdrông Tơ'bôh 5:8

Lăp Kon Triu ei iŏk hla bơar noh boih, na puăn anăn lu sem brem noh păng 'bar-jĭt puăn 'nu lu đe kră, lu sư 'nap kơkuh kơ Kon Triu. Klaih kơ noh rim 'nu kơ lu sư chĕp brŏ reh păng chĕp pơnhan maih, lăm pơnhan ei 'bĕnh kơ đak pơgang 'bâu phu. Đak pơgang 'bâu phu ei wă pơtih gia kơ lu kon 'Bok Kei-Dei krao khan kơ Sư kơtơ̆ng truh tơ Sư tơpă.

Mathiơ 28:19

Thoi noh năm bĕ lu iĕm, bơtho kơ đĭ-đăng lu khŭl bơngai jơ̆p kơ teh đak, athei lu sư lui kiơ̆ kơ Inh, pơm 'batem kơ lu sư krao anăn Yang 'Bă, Yang Kon, hăm Yang Bơhngol 'Lơ̆ng wă kơ đe nai băt kơ lu sư lui boih.

Sa 8:7

Kră Yang Tih Hloh khan thoi âu: “'Nâu Inh gô dŏng pơklaih kon pơlei Inh đơ̆ng gah hơlĕch gah bơmơ̆t,

Horiso 50:1

Tơ'ngla mơsêh, jơ̆ Kră Yang 'Bok Kei-Dei, Kră Yang khan: Sư krao kon bơngai lăm teh đak. Đơ̆ng gah măt 'năr lĕch, truh tơ gah măt 'năr mơ̆ta

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”

Horiso 141:2

Ăn kơ nơ̆r inh krao khan thoi tơmam 'bâu phu 'bơ̆t anăp Ih. Ăn kơ tơdrong inh yơ̆r ti thoi tơmam soi drơ̆m kơsơ̆!

Horiso 67:2

Wă kơ trong Ih đe gơh băt tơ kơpal teh. Păng tơdrong dŏng pơklaih Ih gơh băt tơ jơ̆p lăm lu dêh char.

Tơdrông Tơ'bôh 15:4

Ơ Kră Yang, đĭ-đăng bơngai băt hli kơ Ih, păng ư-ang anăn Ih, yua kơ pôm Ih đĕch pơm 'lơ̆ng tơpăt. Đĭ rim khŭl bơngai băt năm kơkuh 'bơ̆t anăp Ih, yua kơ Ih sek tơlang tơpăt ngăl.”

I Tim 2:8

Tơ rim anih akŭm tơduă iĕm, inh wă kơ lu drŏ-nglo krao khan kơ 'Bok Kei-Dei, lu bơngai drŏ-nglo bu mă đei jơhngơ̆m 'lơ̆ng tơpăt ưh kơ hil kơ đe.

Philip 4:18

Iĕm tơgŭm mơnat kơ inh tôm tơdrong tơmam tơpă. Iĕm wơh minh 'nu Êpaphôdit năm ba kơ inh tơmam noh, na dang ei inh đei tôm tơdrong tơmam rơkah rơkai boih đơ̆ng iĕm tơgŭm inh. Tơmam noh dang tơmam 'bâu phu đe pơyơ̆r kơ 'Bok Kei-Dei, na Sư lăp đon kơ iĕm tơpă.

Rom 15:16

Sư wơh inh jang tơdrong Yêsu, bơtho tơdrong 'nao 'lơ̆ng 'Bok Kei-Dei kơ đĭ-đăng lu khŭl tơmoi mă ưh kơ khŭl Juđê, wă kơ lu bơngai noh jing bơngai 'nao 'lơ̆ng tơpăt hăm 'Bok Kei-Dei. 'Noh wă khan dang inh pơyơ̆r lu sư kơ 'Bok Kei-Dei, na 'Bok Kei-Dei sơng iŏk lu sư, yua kơ Yang Bơhngol 'Lơ̆ng ăn kơ lu sư jing bơngai 'nao rơgoh 'lơ̆ng boih.

Rom 12:1

Ơ lu 'nhŏng oh, bơ̆n băt boih 'Bok Kei-Dei 'mêm kơ bơ̆n tôch bơneh dang noh, na bơ̆n athei pơjao akâu bơ̆n kơ Sư, 'nĕ pă pơm yoch, pơm kiơ̆ kơ Sư đĕch, noh na Sư lăp đon kơ bơ̆n.

Luka 1:10

Kơplah Sachari mơ̆t soh 'long pơgang lăm hnam 'Bok Kei-Dei na lu kon pơlei pơla oei krao khan tơ 'ngoaih.

Malachi 1:14

“Lu bơngai hơlĕnh noh trŏ kơ hil mĭl păng hiap tơpă, lăm khŭl sem dơrong noh đei kon tơno 'lơ̆ng, mă-lei lu sư pơkă wă pơyơ̆r ăn kơ Kră Yang na iŏk kon sem jo jăn pơm tơmam soi. Yua kơ Inh Pơtao tih, anăn Inh trŏ kơ hli yom tơ lăm đĭ adrĕch adrung kon bơngai.” Kră Yang Tih Hloh khan thoi noh.

Jêphania 3:9

Yua kơ Inh wă ăn 'bơ̆r 'lơ̆ng rơgoh kơ kon pơlei pơla, wă kơ đĭ-đăng lu sư tă kơ krao chă Kră Yang ngăl, wă kơ đei minh jơhngơ̆m bơ̆jang kơ Kră Yang.

Jêphania 2:11

Kră Yang gô tơ'bôh kơ lu sư hli krưp tơpă; yua kơ Sư gô pơlôch lu yang kơpal teh âu hăm tơdrong pơngot rơwĕt na rim 'nu bơngai lăm teh đak gô kơkuh kơ Kră Yang, lăm dêh char sư kơdih. Mă đĭ-đăng kơ bŏl đak păng dêh lei-lăi.

Mi 5:4

Noh Sư boih gô pơm kơ bơ̆n rơnŭk rơnua. Tơdah lu bơngai Asiri wă truh tơ lăm teh đak lu bơ̆n păng pơjuă hnam yang bơ̆n, na lu bơ̆n gô iung tơpơh 'nu bơngai wei-lăng păng tơhngam 'nu kuan pơgơ̆r lu kon pơlei na iung blah plơ̆ lu sư.

Am 9:12

Ăn kơ kon pơlei Inh blah iŏk lu kon pơlei Eđôm mă oei oei. Păng đĭ-đăng kon pơlei jơ̆p kơ dêh char gô ư-ang anăn Inh”

Êsai 59:19

Đơ̆ng gah bơmơ̆t đe gô hli yom kơ anăn Kră Yang. Đơ̆ng gah măt 'năr lĕch gô hli pơyom kơ tơdrong ư-ang Sư; yua kơ Sư gô truh thoi đak krong ro jăng hơyuh kial dui jơhngơ̆m đơ̆ng Kră Yang puh pơđông lê̆.

Horiso 113:3

Đơ̆ng gah măt năr lĕch truh tơ măt năr mơ̆t; Hơri ư-ang bĕ kơ anăn Kră Yang.

Mathiơ 8:11

Na Inh wă khan kơ iĕm dơ̆ng, ning-mônh gô đei lơ bơngai jơ̆p-jang kơ teh đak âu năm sŏng sa hơdai hăm Abraham, Isăk, Jakôp tơ dêh char 'Bok Kei-Dei.

II Tes 1:12

Kơlih kơ iĕm lui kơjăp thoi noh boih na đe ư-ang Kră Yang bơ̆n Yêsu. Păng Sư gô ăn kơ iĕm oei hơdai hăm Sư ning-mônh hiôk hơiă tơpă. Kră Yang bơ̆n 'Bok Kei-Dei păng Yŏng bơ̆n Yêsu Krist, Sư boih ăn kơ lu iĕm lui kơjăp thoi noh.

Jo 7:74

minh hlak pơnhan maih trăp mơjĭt seikơl, 'bĕnh kơ pơgang 'bâu phu;

Horiso 45:17

Inh gô tơ'blŏk kơ anăn Ih, kơ rim chăl. Yua kơ thoi noh lu kon pơlei pơla gô bơnê kơ Ih ling-lang ưh kơ tôch.

Horiso 48:10

Ơ Kră Yang 'Bok Kei-Dei, anăn Ih thoi yơ! Na tơdrong kơkuh bơnê kơ Ih, Kŭm thoi noh truh tơ tôch kơ teh đak. Ti 'ma Ih 'bĕnh kơ tơdrong tơpăt.

Horiso 111:9

Sư ăn tơdrong dŏng pơklaih kơ kon pơlei pơla Sư. Nơ̆r pơgơ̆p Sư oei oei ling-lang, Anăn Sư 'lơ̆ng rơgoh păng trŏ kơ hli yom.

Êsai 12:4

Păng lăm năr noh kơnh lu iĕm gô khan: “Hơri bơnê bĕ kơ Kră Yang; krao khan bĕ kơ Anăn Sư, năm ră roi bĕ dôm tơdrong jang Sư kơ rim adrĕch adrung bơngai, roi bĕ Anăn Kră Yang Sư bơih mă bơ̆n athei ư-ang.

Êsai 12:5

Hơri bơnê bĕ kơ Kră Yang, yua kơ Sư đei pơm bơih dôm tơdrong jang gĭt kăl ư-ang, na roi pơdah bĕ kơ jơ̆p lăm teh đak băt.

Êsai 66:18

Gah Inh, Inh băt tơdrong jang păng đon lu sư tơchĕng, Inh gô năm wă krao đĭ-đăng lu dêh char păng rim nơ̆r pơma: Lu sư gô truh păng 'bôh tơdrong ư-ang Inh.

Je 10:6

Ưh kơ đei yang kiơ thoi Ih ơ Kră Yang. Ih boih Kră Yang Tih Dêh, Ih mơsêh mơyang pran kơtang hloh.

Je 10:7

Bu mă ưh kơ hli yom kơ Ih, ơ Pơtao kơ đĭ-đăng dêh char! Ih trŏ tơpă thoi noh, lăm đĭ-đăng lu bơngai hơgei rim adrĕch adrung kon bơngai, lăm jơ̆p-jang kơ dêh char, ưh kơ đei bu thoi Ih.

Da 2:45

Kŭm thoi ih đei 'bôh tơmo tơphĕ đơ̆ng kông, ưh kơ đei ti bu klơ̆m, hơtŭt pơchah kơ bơsei, kong, teh lơ̆n, hu păng maih. Kră Yang 'Bok Kei-Dei đei ăn boih kơ ih đei 'bôh tơdrong gô truh tơ anăp âu kơnh. Tơdrong apo âu sĭt păng nơ̆r tơblang âu 'blep trŏ tơpă.

I Ho 16:25

Yua kơ Kră Yang tih krưp tơpă, trŏ kơkuh bơnê. Trŏ kơ hli pơyom hloh kơ đĭ-đăng lu yang.

Horiso 48:11

Yua kơ tơdrong Ih sek tơlang, na lu kông Siôn chơt hiôk, Lu kon adruhb Juđa 'nă hal,

Horiso 65:9

Ih wei-lăng teh păng ruh kơ teh hơiuh. Pơm ăn kơ sư đei mơ̆r; glung Kră Yang 'Bok Kei-Dei 'bĕnh kơ đak. Yua kơ Ih pơjing boih teh, chăt Ih ăn 'ba hơ'bo kơ kon bơngai.

Horiso 86:9

Đĭ-đăng lu teh đak mă Ih pơjing, gô năm kơkuh 'bơ̆t anăp Ih, ơ Kră Yang Păng hơri ư-ang kơ anăn Ih.

Horiso 96:8

Pơyơ̆r ăn bĕ tơdrong ư-ang Kră Yang. Mă trŏ kơ Anăn Sư. Athei chĕp tơmam soi na mơ̆t tơ cham hnam Sư.

Horiso 138:5

Lu sư gô hơri bơnê kơ trong Kră Yang. Yua kơ tơdrong ư-ang 'lơ̆ng rŏ Kră Yang tih-tin tơpă.

Êsai 19:21

Kră Yang gô ăn kơ bơngai Êyiptơ băt kơ Sư, lăm năr noh lu bơngai Êyiptơ gô băt kơkuh kơ Kră Yang, lu sư gô pơyơ̆r tơmam soi 'buh kơ Kră Yang, lu sư pơkă pơkăm hăm Kră Yang păng pơm keh tơdrong lu sư pơkă noh.

Êsai 30:27

To Anăn Kră Yang truh đơ̆ng ataih, tơdrong sư hil khơ̆ng thoi ŭnh 'nhui ŭnh bluh găm suek puăn pah, hơkŭng Sư 'bĕnh kơ tơdrong hil, hơpiĕt Sư thoi kơ ŭnh dơhlông sa.

Je 4:2

Tơdah iĕm pơkă sĭt hăm tơdrong tơpăt hơnơ̆ng, tơdrong trŏ thoi Kră Yang arih sĭt lei teh đak gô đei pŭn hiôk đơ̆ng Sư, Păng lu sư gô ư-ang kơ Kră Yang,”

Malachi 3:3

Sư gô hơ-oei thoi lu bơngai jôr hu pơm rơgoh đĭ, sư gô chhut lu kon drŏ-nglo Lêwi, pơm ăn kơ lu sư rơgoh thoi maih păng hu, lu sư gô pơyơ̆r tơmam soi kơ Kră Yang lăm tơdrong tơpăt.