Luka 8:41 - Sơ̆p Hlabơar Nơ̆r 'Bok Kei-Dei

⁴¹ Đei minh 'nu bơngai năm tơ Yêsu. Sư ei bơngai kră wei-lăng hnam akŭm đe Juđê lăm pơlei kiơ̆ ei. Anăn sư Jairut. Sư 'nap 'bơ̆t jơ̆ng Yêsu na apinh Yêsu năm tơ hnam sư,

Luka 8:41 Referans Kwoze

Jang 18:8

Kripơ kră wei-lăng hnam akŭm bơngai Juđê, sư tam mă lui kơ Kră Yang Yêsu na đơ̆ng Pôl bơtho sư, na sư păng đĭ-đăng hnam dơnŏ sư kư̆m lui mơ̆n. Kư̆m đei lơ bơngai nai dơ̆ng lăm Pơlei Kôrintô mơ̆ng Pôl bơtho lu sư, na lu sư lui hloi kơ Kră Yang Yêsu păng iŏk 'batem.

Jang 13:15

Đang kơ đe đŏk hla bơar tơdrong juăt 'Bok Kei-Dei pơkă păng tơdrong bơngai pơtruh nơ̆r 'Bok Kei-Dei boih, na lu kră wei-lăng lăm hnam akŭm lu đe Juđê khan kơ bre sư: “Ơ bre 'nhŏng oh, tơdah biĕm đei tơdrong wă bơtho kơ kon pơlei pơla, bơtho bĕ.”

Luka 13:14

Kră wei-lăng hnam akŭm ei 'bôh thoi noh na sư hil dêh yua kơ Yêsu pơklaih đe lăm năr pơdơh Sa'bat wă khan năr giĕng. Na 'bok ei khan kơ lu kon pơlei pơla mă oei akŭm 'bơ̆t ei thoi âu: “Lăm minh 'măng giĕng đei tơdrâu năr bơ̆n gơh jang, iĕm athei năm tơ âu ming akâu iĕm lăm tơdrâu năr ei đĕch. Iĕm ưh kơ gơh ming akâu iĕm lăm năr pơdơh Sa'bat ôh.”

Luka 8:49

Kơplah Yêsu oei pơma, blư 'bôh minh 'nu bơngai đơ̆ng hnam 'bok Jairut năm giong khan kơ sư: “Kon adruh ih lôch boih, ih oei pơhrat kiơ kơ 'Bok Thây?”

Tơdrông Tơ'bôh 5:8

Lăp Kon Triu ei iŏk hla bơar noh boih, na puăn anăn lu sem brem noh păng 'bar-jĭt puăn 'nu lu đe kră, lu sư 'nap kơkuh kơ Kon Triu. Klaih kơ noh rim 'nu kơ lu sư chĕp brŏ reh păng chĕp pơnhan maih, lăm pơnhan ei 'bĕnh kơ đak pơgang 'bâu phu. Đak pơgang 'bâu phu ei wă pơtih gia kơ lu kon 'Bok Kei-Dei krao khan kơ Sư kơtơ̆ng truh tơ Sư tơpă.

Jang 18:17

Lu kon pơlei pơla ưh kơ khŭl Juđê rôp minh 'nu lăm khŭl Juđê ei anăn sư Sôten. Sư kră hnam akŭm bơngai Juđê. Lu sư teh hloi Sôten 'bơ̆t anăp lu kră sek tơlang. Na Galiôn sư ưh kơ tang găn ôh.

Jang 9:38

Pơlei đe Japa jê̆ pơlei đe Liđa. Lu bơngai lui kiơ̆ Yêsu kơtơ̆ng Pêtrôs oei tơ pơlei đe Liđa, sư wơh 'bar 'nu bơngai năm krao Pêtrôs đơ̆ng pơlei đe Liđa. Sư khan: “Ơ Pêtrôs, ih năm tơgŭm 'biơ̆ nhi bĕ, yua kơ nhôn đei bơngai lôch boih.”

Luka 17:16

Sư kŭp kơ̆l bon 'bơ̆t jơ̆ng Yêsu păng khan: “Bơnê kơ Ih.” Bơngai noh đơ̆ng dêh char Samri, ưh kơ sĭ bơngai Juđê ôh.

Luka 5:8

Lăp Simôn mă đe kư̆m anăn Pêtrôs 'bôh Yêsu pơm tơdrong mơsêh thoi noh boih na sư hơloh 'nap 'bơ̆t anăp Yêsu kơkuh kơ Sư khan hloi: “Ơ 'Bok, Ih weh đơ̆ng inh đĕch wăi, inh hli kơ Ih, yua kơ inh bơngai yoch.”

Yo 11:21

Mathê khan hloi kơ Yêsu: “Ơ 'Bok, dah Ih tơ âu ki lei 'nhŏng inh huay kơ lôch ôh.

Luka 8:42

yua kơ kon pôm adruh sư bơlŏ dêh. Kơplah Yêsu oei yak năm tơ hnam sư 'nei, đei lơ bơngai yak hơdai Sư hmĕt hmot Sư.